ਕੋਲੰਬੋ, 17 ਅਕਤੂਬਰ, (ਪੋਸਟ ਬਿਊਰੋ)- ਵਿਦੇਸ਼ੀ ਕਰੰਸੀ ਦੇ ਸੰਕਟ ਵਿੱਚ ਫਸੇ ਹੋਏ ਸ੍ਰੀਲੰਕਾ ਨੇ ਕੱਚਾ ਤੇਲ ਖ਼ਰੀਦਣ ਲਈ ਭਾਰਤ ਤੋਂ 50 ਕਰੋੜ ਡਾਲਰਕਰਜ਼ਾ ਮੰਗਿਆ ਹੈ। ਸ੍ਰੀਲੰਕਾ ਨੇ ਇਹ ਕਦਮ ਊਰਜਾ ਮੰਤਰੀ ਉਦੈ ਗਮਨਪਿਲਾ ਦੇ ਉਸ ਬਿਆਨ ਤੋਂ ਬਾਅਦ ਚੁੱਕਿਆ ਹੈ, ਜਿਸ ਵਿੱਚ ਉਨ੍ਹਾਂ ਚਿਤਾਵਨੀ ਦਿੱਤੀ ਸੀ ਕਿ ਦੇਸ਼ ਵਿੱਚਤੇਲ ਦੀ ਮੌਜੂਦਗੀ ਦੀ ਗਰੰਟੀ ਅਗਲੇ ਸਾਲ ਜਨਵਰੀ ਤੱਕ ਹੀ ਦਿੱਤੀ ਜਾ ਸਕਦੀ ਹੈ।
ਵਰਨਣ ਯੋਗ ਹੈ ਕਿ ਸ੍ਰੀਲੰਕਾ ਦੀ ਸਰਕਾਰ ਦੀ ਤੇਲ ਕੰਪਨੀ ਸੀਲੋਨ ਪੈਟੋਲੀਅਮ ਕਾਰਪੋਰੇਸ਼ਨ (ਸੀਪੀਸੀ) ਉੱਤੇ ਦੇਸ਼ ਦੇ ਦੋ ਮੁੱਖ ਸਰਕਾਰੀ ਬੈਂਕਾਂ (ਬੈਂਕ ਆਫ ਸੀਲੋਨ ਅਤੇ ਪੀਪਲਜ਼ ਬੈਂਕ) ਦਾ ਲਗਪਗ 3.3 ਅਰਬ ਡਾਲਰ ਕਰਜ਼ੇ ਦਾ ਪਹਿਲਾਂ ਹੀ ਬਕਾਇਆਹੈ। ਸੀਪੀ ਸੀ ਪੱਛਮੀ ਏਸ਼ੀਆ ਤੋਂ ਕੱਚਾ ਤੇਲ ਤੇ ਸਿੰਗਾਪੁਰ ਸਮੇਤ ਹੋਰਨਾਂ ਖੇਤਰਾਂ ਤੋਂ ਸੋਧੇ ਹੋਏ ਉਤਪਾਦਨਾਂ ਦੀ ਇੰਪੋਰਟ ਕਰਦੀ ਹੈ। ਇੱਕ ਲੋਕਲ ਨਿਊਜ਼ ਵੈੱਬਸਾਈਟ ਨਿਊਜ਼ ਫਸਟ ਡਾਟ ਐੱਲਕੇ ਨੇ ਸੀਪੀਸੀ ਦੇ ਚੇਅਰਮੈਨ ਸੁਮਿਤ ਵਿਜੇਸਿੰਘੇ ਦੇ ਹਵਾਲੇ ਨਾਲ ਦੱਸਿਆ ਕਿ ‘ਅਸੀਂ ਭਾਰਤ-ਸ੍ਰੀਲੰਕਾ ਆਰਥਿਕ ਸਾਂਝ ਦੀ ਵਿਵਸਥਾ ਹੇਠ 50 ਕਰੋੜ ਡਾਲਰ ਦਾ ਕਰਜ਼ਾ ਲੈਣ ਲਈ ਭਾਰਤੀ ਹਾਈ ਕਮਿਸ਼ਨ ਨਾਲ ਗੱਲ ਕਰ ਰਹੇ ਹਾਂ। ਇਸ ਦੀ ਵਰਤੋਂ ਪੈਟਰੋਲ ਤੇ ਡੀਜ਼ਲ ਖ਼ਰੀਦ ਲਈ ਕੀਤੀ ਜਾਵੇਗੀ।’ਖਜ਼ਾਨਾਸੈਕਟਰੀ ਐੱਸਆਰ ਏਟੀਗੈਲੇ ਦੇ ਹਵਾਲੇ ਨਾਲ ਵੈੱਬਸਾਈਟ ਨੇ ਦੱਸਿਆ ਕਿ ਭਾਰਤ ਤੇ ਸ੍ਰੀਲੰਕਾ ਦੇ ਊਰਜਾ ਸੈਕਟਰੀ ਕਰਜ਼ੇ ਬਾਰੇ ਜਲਦ ਹੀ ਸਮਝੌਤੇ ਉੱਤੇ ਦਸਖ਼ਤ ਹੋ ਸਕਦੇ ਹਨ।