ਜਨੇਵਾ, 17 ਅਕਤੂਬਰ (ਪੋਸਟ ਬਿਊਰੋ)- ਯੂਨੀਸੇਫ ਨੇ ਕਿਹਾ ਕਿ ਗਲੋਬਲ ਪੱਧਰ ਉੱਤੇ ਤੀਹ ਫੀਸਦੀ ਲੋਕਾਂ ਕੋਲ ਘਰਾਂ ਵਿੱਚ ਹੱਥ ਧੋਣ ਦੀ ਬੇਸਿਕ ਸਹੂਲਤ ਵੀ ਨਹੀਂ ਹੈ। 230 ਅਰਬ ਲੋਕਾਂ ਕੋਲ ਹੱਥ ਧੋਣ ਲਈ ਪਾਣੀ ਤੇ ਸਾਬਣ ਨਹੀਂ ਅਤੇ ਵਿਕਸਿਤ ਦੇਸ਼ਾਂ ਵਿੱਚ ਸਥਿਤੀ ਸਭ ਤੋਂ ਖਰਾਬ ਹੈ, ਜਿੱਥੇ ਸੱਠ ਫੀਸਦੀ ਲੋਕ ਬੇਸਿਕ ਸਹੂਲਤ ਤੋਂ ਵਾਂਝੇ ਹਨ।
ਯੂ ਐੱਨ ਓ ਦੀ ਇਸ ਏਜੰਸੀ ਨੇ ਗਲੋਬਲ ਹੈਂਡਵਾਸ਼ਿੰਗ ਡੇ ਉੱਤੇ ਦੱਸਿਆ ਕਿ ਦੁਨੀਆ ਦੇਚਾਲੀ ਫੀਸਦੀ ਸਕੂਲਾਂ ਵਿੱਚ ਪਾਣੀ ਅਤੇ ਸਾਬਣ ਨਾਲ ਬੁਨਿਆਦੀ ਸਫਾਈ ਦੇ ਪ੍ਰਬੰਧ ਨਹੀਂ, ਜਿਸ ਨਾਲ 81.8 ਕਰੋੜ ਵਿਦਿਆਰਥੀ ਪ੍ਰਭਾਵਤ ਹੁੰਦੇ ਹਨ। ਇਹੀ ਨਹੀਂ, ਸੱਤਰ ਫੀਸਦੀ ਸਕੂਲਾਂ ਵਿੱਚ ਬੱਚਿਆਂ ਲਈ ਹੱਥ ਧੋਣ ਦੀ ਕੋਈ ਸਹੂਲਤ ਨਹੀਂ। ਦੁਨੀਆ ਵਿੱਚ ਇੱਕ ਤਿਹਾਈ ਸਿਹਤ ਦੇਖਭਾਲ ਸਹੂਲਤਾਂ ਵਿੱਚ ਹੱਥ ਦੀ ਸਫਾਈ ਦੀ ਸਹੂਲਤ ਨਹੀਂ, ਜਿੱਥੇ ਰੋਗੀ ਰੋਜ਼ ਸਿਹਤ ਦੇਖਭਾਲ ਵਰਕਰਾਂ ਦੇ ਸੰਪਰਕ ਵਿੱਚ ਆਉਂਦਾ ਹੈ। 2030 ਤਕ ਦੁਨੀਆ ਦੇ ਸਭ ਤੋਂ ਘੱਟ ਵਿਕਸਤ ਦੇਸ਼ਾਂ ਵਿੱਚੋਂ 46 ਵਿੱਚ ਸਾਰੇ ਘਰਾਂ ਵਿੱਚ ਹੱਥ ਦੀ ਸਫਾਈ ਦਾ ਪ੍ਰਬੰਧ ਦੀ ਲਾਗਤ ਅੰਦਾਜਨ 11 ਅਰਬ ਡਾਲਰ ਹੈ।ਯੂਨੀਸੇਫ ਦੇ ਉਪ ਕਾਰਜਕਾਰੀ ਡਾਇਰੈਕਟਰ ਉਮਰ ਆਬਦੀ ਨੇ ਚਿਤਾਵਨੀ ਦਿੱਤੀ ਕਿ ਜਦੋਂ ਤਕ ਫੌਰੀ ਸਹਾਇਤਾ ਪ੍ਰਦਾਨ ਨਹੀਂ ਕੀਤੀ ਜਾਂਦੀ, ਘੱਟ ਤੋਂ ਘੱਟ 10 ਲੱਖ ਅਫਗਾਨ ਬੱਚੇ ਗੰਭੀਰ ਕੁਪੋਸ਼ਣ ਦਾ ਸ਼ਿਕਾਰ ਹੋ ਸਕਦੇ ਹਨ ਅਤੇ ਇੱਥੋਂ ਤਕ ਕਿ ਉਨ੍ਹਾਂ ਬੱਚਿਆਂ ਨੂੰ ਮੌਤ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਪਾਣੀ ਦੀ ਕਮੀ, ਬੇਯਕੀਨੀ ਸੁਰੱਖਿਆ ਵਾਤਾਵਰਣ, ਲਗਾਤਾਰ ਉਜਾੜੇ, ਕੋਵਿਡ-19 ਮਹਾਮਾਰੀ ਵਿਚਾਲੇ ਮਨੁੱਖੀ ਲੋੜਾਂ ਵਿੱਚ ਵਾਧਾ ਹੋਵੇਗਾ।