ਲੰਡਨ, 16 ਅਕਤਬੂਰ (ਪੋਸਟ ਬਿਊਰੋ)- ਸਮਾਰਟ ਫ਼ੋਨ ਉੱਤੇ ਸਰਫਿੰਗ ਦੌਰਾਨ ਨੈਗੇਟਿਵ ਸੋਸ਼ਲ ਮੀਡੀਆ ਉਤੇ ਸਿਰਫ਼ ਦੋ ਮਿੰਟ ਸਮੇਂ ਲਾਉਣਾ ਤੁਹਾਡੇ ਪੂਰੇ ਦਿਨ ਨੂੰ ਬਰਬਾਦ ਕਰ ਸਕਦਾ ਹੈ।
ਸੋਸ਼ਲ ਮੀਡੀਆ ਬਾਰੇ ਪਿੱਛੇ ਜਿਹੇ ਬ੍ਰਿਟੇਨ ਦੀ ਏਸੈਕਸ ਯੂਨੀਵਰਸਿਟੀ ਦੀ ਖੋਜ ਵਿੱਚ ਇਹ ਤੱਥ ਮਿਲੇ ਹਨ। ਖੋਜ ਕਰਤਾਵਾਂ ਨੇ ਪਾਇਆ ਕਿ ਕੋਰੋਨਾ ਕਾਲ ਦੇ ਦੌਰਾਨ ਨੈਗੇਟਿਵ ਸਟੋਰੀਜ਼ ਦਾ ਲੋਕਾਂ ਦੀ ਮਾਨਸਿਕ ਸਿਹਤ ਉੱਤੇਮਾੜਾ ਅਸਰ ਪਿਆ ਸੀ। ਟਵਿਟਰ ਅਤੇ ਯੂ-ਟਿਊਬ ਉੱਤੇ ਜਦੋਂ ਲੋਕਾਂ ਨੇ ਨੈਗੇਟਿਵ ਸਟੋਰੀ ਦੇਖੀ ਤਾਂ ਉਨ੍ਹਾਂ ਨੂੰ ਉਦਾਸੀ ਹੋ ਗਈ। ਇਥੇ ਹੈਰਾਨੀ ਵਾਲਾ ਟ੍ਰੇਂਡ ਵੀ ਸਾਹਮਣੇ ਆਇਆ। ਜਦੋਂ ਲੋਕਾਂ ਨੂੰ ਕੋਰੋਨਾ ਨਾਲ ਜੁੜੀ ਨੈਗੇਟਿਵ ਤੇ ਪਾਜਿ਼ਟਿਵ ਸਟੋਰੀ ਪੜ੍ਹਨ ਨੂੰ ਦਿੱਤੀ ਗਈ ਤਾਂ ਉਨ੍ਹਾਂ ਨੂੰ ਨੇਗਟਿਵ ਸਟੋਰੀ ਤੋਂ ਜ਼ਿਆਦਾ ਡਿਪ੍ਰੈਸ਼ਨ ਹੋਇਆ, ਪਰ ਉਸੇ ਸਮੇਂ ਪਾਜਿ਼ਟਿਵ ਸਟੋਰੀ ਪੜ੍ਹਨ ਨੂੰ ਦਿੱਤੀ ਤਾਂ ਇਸ ਦਾ ਉਨ੍ਹਾਂ ਦੇ ਮੂਡ ਉੱਤੇਖਾਸ ਅਸਰ ਨਹੀਂ ਹੋਇਆ। ਖੋਜ ਕਰਤਿਆਂ ਨੇ ਪਾਇਆ ਕਿ ਸੋਸ਼ਲ ਮੀਡੀਆਦੀ ਕੋਰੋਨਾ ਨਾਲ ਜੁੜੀ ਨੈਗੇਟਿਵ ਸਟੋਰੀ ਦਿਲ ਉੱਤੇਵੱਧ ਮਾੜਾ ਅਸਰ ਪਾਉਂਦੀ ਹੈ। ਖੋਜੀ ਦਾ ਅਗਵਾਈ ਕਰਨ ਵਾਲੀ ਡਾ. ਕੈਥਰੀਨ ਬੁਕਾਨਨ ਦਾ ਕਹਿਣਾ ਹੈ ਕਿ ਨੈਗੇਟਿਵਸੋਸ਼ਲ ਮੀਡੀਆ ਨੂੰ ਡੂਮ ਸਕ੍ਰੋਲਿੰਗ ਕਹਿੰਦੇ ਹਨ। ਇਸ ਵਿੱਚ ਯੂਜ਼ਰਸ ਨੂੰ ਸਟੋਰੀ ਨਾਲ ਅਜਿਹੀ ਫੀਡ ਦਿੱਤੀ ਜਾਂਦੀ ਹੈ, ਜਿਸ ਨਾਲ ਉਹ ਵੱਧ ਤੋਂ ਵੱਧ ਸਮਾਂ ਆਪਣੇ ਸਮਾਰਟ ਫ਼ੋਨ ਜਾ ਲੈਪਟਾਪ ਉੱਤੇਨੈਗੇਟਿਵਸਟੋਰੀ ਨੂੰ ਪੜ੍ਹਨ। ਉਨ੍ਹਾਂ ਨੇ ਕਿਹਾ ਕਿ ਸੋਸ਼ਲ ਮੀਡੀਆ ਉੱਤੇਨੈਗੇਟਿਵਨਿਊਜ਼ ਫੀਡ ਦਾ ਟ੍ਰੈਂਡ ਵੱਧ ਰਿਹਾ ਹੈ। ਅਕਸਰ ਇਸ ਨਿਊਜ਼ ਫੀਡ ਦੀ ਪ੍ਰਮਾਣਿਕਤਾ ਵੀ ਨਹੀਂ ਹੁੰਦੀ। ਲੋਕ ਜੋ ਵੀ ਉਨ੍ਹਾਂ ਨੂੰ ਆਨਲਾਇਨ ਫੀਡ ਮਿਲਦਾ ਹੈ, ਉਹ ਉਸ ਨੂੰ ਪੜ੍ਹ ਲੈਂਦੇ ਹਨ। ਇਹ ਸਿਹਤ ਦੇ ਲਈ ਠੀਕ ਨਹੀਂ ਹੈ।