ਨੂਰਪੁਰ ਬੇਦੀ, 16 ਅਕਤਬੂਰ (ਪੋਸਟ ਬਿਊਰੋ)- ਇਸ ਇਲਾਕੇ ਬਲਾਕ ਦੇ ਪਿੰਡ ਸੁਆੜਾ ਵਿੱਚ ਪੈਂਦੀ ਸਵਾਂ ਨਦੀ ਵਿੱਚ ਇੱਕ ਟਿੱਪਰ ਪਲਟਣ ਕਾਰਨ ਚਾਲਕ ਤੇ ਹੈਲਪਰ ਦੀ ਪਾਣੀ ਵਿੱਚ ਡੁੱਬਣ ਨਾਲ ਮੌਤ ਹੋ ਗਈ ਹੈ।
ਪੁਲਸ ਨੂੰ ਮ੍ਰਿਤਕ ਦੇ ਭਰਾ ਜਸਵੀਰ ਸਿੰਘ ਪੁੱਤਰ ਚਰਨ ਸਿੰਘ ਵਾਸੀ ਹਰੀਪੁਰ, ਥਾਣਾ ਨੂਰਪੁਰਬੇਦੀ ਨੇ ਦੱਸਿਆ ਕਿ ਉਸ ਦੇ ਭਰਾ ਮਨਜੀਤ ਸਿੰਘ (25), ਜੋ ਭਗਜੀਤ ਸਿੰਘ ਉਰਫ ਭੱਗੀ ਪੁੱਤਰ ਕ੍ਰਿਸ਼ਨ ਸਿੰਘ ਨਿਵਾਸੀ ਆਨੰਦਰਪੁਰ ਸਾਹਿਬ ਦੇ ਟਿੱਪਰ ਦਾ ਚਾਲਕ ਸੀ, ਨੇ ਟਿੱਪਰ ਉੱਤੇ ਅਮਰਜੀਤ ਸਿੰਘ (29) ਪੁੱਤਰ ਤੇਲਾ ਸਿੰਘ, ਆਨੰਦਪੁਰ ਸਾਹਿਬ, ਮੁੱਹਲਾ ਕੇਸਗੜ੍ਹ ਸਾਹਿਬ ਨੂੰ ਹੈਲਪਰ ਰੱਖਿਆ ਹੋਇਆ ਸੀ। ਕੱਲ੍ਹ ਸਵੇਰੇ ਉਸ ਨੂੰ ਪਿੰਡ ਦੇ ਵਿਅਕਤੀ ਅਰਜਨ ਸਿੰਘ ਦਾ ਫ਼ੋਨ ਆਇਆ ਕਿ ਉਸ ਦੇ ਭਰਾ ਮਨਜੀਤ ਸਿੰਘ ਦਾ ਟਿੱਪਰ ਪਿੰਡ ਸੁਆੜਾ ਵਿੱਚ ਨਦੀ ਵਿੱਚ ਪਲਟਣ ਕਾਰਨ ਡੁੱਬ ਗਿਆ ਹੈ, ਜਿਸ ਦਾ ਹੈਲਪਰ ਅਮਰਜੀਤ ਸਿੰਘ ਵੀ ਉਸ ਦੇ ਨਾਲ ਸੀ ਅਤੇ ਕੁਝ ਪਤਾ ਨਹੀਂ ਚੱਲ ਸਕਿਆ। ਇਸ ਮਗਰੋਂ ਉਹ ਆਪਣੇ ਰਿਸ਼ਤੇਦਾਰਾਂ ਤੇ ਪਿੰਡ ਦੇ ਲੋਕਾਂ ਨੂੰ ਲੈ ਕੇ ਨਦੀ ਕੋਲ ਪਹੁੰਚਿਆਂ ਜਿੱਥੇ ਟਿੱਪਰ ਡੁੱਬਿਆ ਸੀ। ਉਸਦੀ ਤਲਾਸ਼ ਸ਼ੁਰੂ ਕੀਤੀ ਗਈ ਅਤੇ ਕਾਫੀ ਦੇਰ ਬਾਅਦ ਉਨ੍ਹਾਂ ਨੂੰ ਪਾਣੀ ਵਿੱਚੋਂ ਬਾਹਰ ਕੱਢਿਆ, ਪਰ ਉਨ੍ਹਾਂ ਦੀ ਮੌਤ ਹੋ ਚੁੱਕੀ ਸੀ।