ਟੋਰਾਂਟੋ, 14 ਅਕਤੂਬਰ (ਪੋਸਟ ਬਿਊਰੋ): ਪੁਰੋਲੇਟਰ ਇਨਕਾਰਪੋਰੇਸ਼ਨ ਵੱਲੋਂ ਹਜ਼ਾਰਾਂ ਦੀ ਗਿਣਤੀ ਵਿੱਚ ਵਰਕਰਜ਼ ਨੂੰ ਹਾਇਰ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ ਅਤੇ ਇਸ ਦੇ ਨਾਲ ਹੀ ਕੰਪਨੀ ਆਪਣੇ ਫਲੀਟ ਵਿੱਚ ਗੱਡੀਆਂ ਦੀ ਗਿਣਤੀ ਵੀ ਵਧਾਉਣ ਜਾ ਰਹੀ ਹੈ।ਇਹ ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਹ ਕੰਪਨੀ ਦਾ ਮਸ਼ਰੂਫ ਹਾਲੀਡੇਅ ਸੀਜ਼ਨ ਰਹਿਣ ਵਾਲਾ ਹੈ।
ਇਹ ਸਿ਼ਪਿੰਗ ਕੰਪਨੀ ਦੀ ਮਲਕੀਅਤ ਬਹੁਤਾ ਕਰਕੇ ਕੈਨੇਡਾ ਪੋਸਟ ਕੋਲ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਉਹ ਆਪਣੀ ਵਰਕਫੋਰਸ ਤੇ ਫਲੀਟ ਨੂੰ 15-15 ਫੀ ਸਦੀ ਵਧਾਉਣ ਜਾ ਰਹੀ ਹੈ।ਕੰਪਨੀ 2400 ਨਵੇਂ ਮੁਲਾਜ਼ਮ ਆਪਣੀ ਟੀਮ ਵਿੱਚ ਸ਼ਾਮਲ ਕਰਨ ਦਾ ਇਰਾਦਾ ਰੱਖਦੀ ਹੈ। ਪੁਰੋਲੇਟਰ ਨੂੰ ਆਸ ਹੈ ਕਿ ਇਹ ਵਰਕਰਜ਼ ਨਵੰਬਰ ਦੇ ਸ਼ੁਰੂ ਤੋਂ ਦਸੰਬਰ ਦੇ ਅੰਤ ਤੱਕ 54 ਮਿਲੀਅਨ ਪੈਕੇਜਿਜ਼ ਸੰਭਾਲ ਪਾਏਗੀ।ਪਿਛਲੇ ਸਾਲ ਨਾਲੋਂ ਇਹ 10 ਫੀ ਸਦੀ ਜਿ਼ਆਦਾ ਹੋਣਗੇ।
ਕ੍ਰਿਸਮਸ ਵਾਲੇ ਹਫਤੇ ਵਿੱਚ ਕੰਪਨੀ ਨੂੰ 7·1 ਮਿਲੀਅਨ ਪੈਕੇਜਿਜ਼ ਸਾਂਭਣੇ ਪੈਣਗੇ, ਜੋ ਪਿਛਲੇ ਸਾਲ ਦੇ ਮੁਕਾਬਲੇ 20 ਫੀ ਸਦੀ ਵੱਧ ਸੀ। ਇਹ ਵੀ ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਸ ਦੌਰਾਨ ਬਲੈਕ ਫਰਾਈਡੇਅ ਤੇ ਸਾਈਬਰ ਮੰਡੇਅ ਸੇਲਜ਼ ਕਾਰਨ ਵੀ ਇਨ੍ਹਾਂ ਦੀ ਡਲਿਵਰੀ 29 ਨਵੰਬਰ ਤੇ 5 ਦਸੰਬਰ ਦਰਮਿਆਨ 1·6 ਮਿਲੀਅਨ ਪਾਰਸਲਜ਼ ਰਹਿ ਸਕਦੀ ਹੈ, 2020 ਦੇ ਮੁਕਾਬਲੇ ਇਹ 9 ਫੀ ਸਦੀ ਦਾ ਇਜਾਫਾ ਹੋਵੇਗਾ।