ਓਨਟਾਰੀਓ, 14 ਅਕਤੂਬਰ (ਪੋਸਟ ਬਿਊਰੋ) : ਅਗਲੇ ਹਫਤੇ ਤੋਂ ਓਨਟਾਰੀਓ ਵੱਲੋਂ ਕੋਵਿਡ-19 ਸਬੰਧੀ ਹੋਰ ਪਾਬੰਦੀਆਂ ਹਟਾ ਲਏ ਜਾਣ ਬਾਬਤ ਜਾਣਕਾਰੀ ਹਾਸਲ ਹੋਈ ਹੈ।
ਕਈ ਰਿਪੋਰਟਾਂ ਅਨੁਸਾਰ ਕਰੋਨਾਵਾਇਰਸ ਦੇ ਮਾਮਲੇ ਘੱਟ ਜਾਣ ਕਾਰਨ ਫੋਰਡ ਸਰਕਾਰ ਕੋਵਿਡ-19 ਸਬੰਧੀ ਕਈ ਪਾਬੰਦੀਆਂ ਵਿੱਚ ਹੋਰ ਢਿੱਲ ਦੇਣ ਦੀ ਤਿਆਰੀ ਕਰ ਰਹੀ ਹੈ।ਇੱਕ ਹਫਤੇ ਪਹਿਲਾ ਓਨਟਾਰੀਓ ਵੱਲੋਂ ਸਪੋਰਟਸ ਵੈਨਿਊਂ, ਕੰਸਰਟ ਹਾਲਜ਼ ਤੇ ਮੂਵੀ ਥਿਏਟਰਜ਼ ਦੀ ਕਪੈਸਿਟੀ ਲਿਮਿਟ ਹਟਾ ਲਈ ਗਈ ਸੀ। ਅਸਲ ਵਿੱਚ ਪ੍ਰੋਵਿੰਸ ਆਪਣੇ 3 ਪੜਾਵੀ ਰੀਓਪਨਿੰਗ ਪਲੈਨ ਵਿੱਚੋਂ ਬਾਹਰ ਨਿਕਲਣ ਵਾਲਾ ਸੀ ਪਰ ਕੇਸਾਂ ਵਿੱਚ ਵਾਧੇ ਤੇ ਡੈਲਟਾ ਵੇਰੀਐਂਟ ਦੇ ਪੈਰ ਪਸਾਰਨ ਕਾਰਨ ਪ੍ਰੋਵਿੰਸ ਨੂੰ ਆਪਣੀ ਇਹ ਯੋਜਨਾ ਵਿਚਾਲੇ ਹੀ ਛੱਡਣੀ ਪਈ।
ਰਿਪੋਰਟਾਂ ਵਿੱਚ ਇਹ ਵੀ ਆਖਿਆ ਗਿਆ ਹੈ ਕਿ ਇਹ ਐਲਾਨ ਅਗਲੇ ਹਫਤੇ ਹੋਣ ਦੀ ਸੰਭਾਵਨਾ ਹੈ। ਇਹ ਵੀ ਉਮੀਦ ਕੀਤੀ ਜਾ ਰਹੀ ਹੈ ਕਿ ਇਸ ਐਲਾਨ ਤੋਂ ਬਾਅਦ ਰੈਸਟੋਰੈਂਟਸ, ਬਾਰਜ਼ ਤੇ ਜਿੰਮਜ਼ ਉੱਤੇ ਲੱਗੀਆਂ ਪਾਬੰਦੀਆਂ ਵੀ ਹਟ ਜਾਣਗੀਆਂ। ਇਹ ਵੀ ਮੰਨਿਆ ਜਾ ਰਿਹਾ ਹੈ ਕਿ ਇੰਡੋਰਜ਼ ਵਿੱਚ ਮਾਸਕ ਪਾ ਕੇ ਰੱਖਣ ਦੀ ਸ਼ਰਤ ਸਮੇਤ ਪਬਲਿਕ ਹੈਲਥ ਪਾਬੰਦੀਆਂ ਪ੍ਰਭਾਵੀ ਰਹਿਣਗੀਆਂ।