Welcome to Canadian Punjabi Post
Follow us on

29

March 2024
 
ਅੰਤਰਰਾਸ਼ਟਰੀ

ਮੋਸਾਦ ਨੇ ਕਰਵਾ ਦੇਣਾ ਸੀ ਪਾਕਿ ਦੇ ਐਟਮੀ ਵਿਗਿਆਨੀ ਕਦੀਰ ਖਾਨ ਦਾ ਕਤਲ

October 13, 2021 10:07 PM

ਯੇਰੂਸ਼ਲਮ, 13 ਅਕਤੂਬਰ (ਪੋਸਟ ਬਿਊਰੋ)- ਇਜ਼ਰਾਈਲ ਦੀ ਖੁਫੀਆ ਏਜੰਸੀ ਮੋਸਾਦ ਦੇ ਸਾਬਕਾ ਮੁਖੀ ਸ਼ਬਤਾਈ ਸ਼ਾਵਿਤ ਦੀ ਇੱਕ ਟੀਮ ਪਾਕਿਸਤਾਨ ਦੇ ਬਦਨਾਮ ਐਟਮੀ ਵਿਗਿਆਨੀ ਏਕਿਊ ਖਾਨ ਦਾ ਕਤਲ ਕਰਨ ਲਈ ਤਿਆਰ ਸੀ, ਪਰ ਸਮਾਂ ਰਹਿੰਦਿਆਂ ਉਹ ਕਦੀਰ ਖਾਨ ਦੇ ਐਟਮੀ ਹਥਿਆਰਾਂ ਦੀ ਤਕਨੀਕ ਈਰਾਨ ਨੂੰ ਦੇਣ ਦੀ ਸਾਜ਼ਿਸ਼ ਮਹਿਸੂਸ ਨਹੀਂ ਕਰ ਸਕੇ, ਵਰਨਾ ਉਸ ਨੂੰ ਪਹਿਲਾਂ ਹੀ ਮਾਰ ਦਿੱਤਾ ਗਿਆ ਹੁੰਦਾ।
ਹਾਰੇਤ ਡੇਲੀ ਦੇ ਇੱਕ ਲੇਖ ਵਿੱਚ ਇਜ਼ਰਾਈਲ ਦੇ ਖੋਜੀ ਪੱਤਰਕਾਰ ਯੋਸੀ ਮੇਲਮਨ ਨੇ ਦਾਅਵਾ ਕੀਤਾ ਹੈ ਕਿ ਕੁਝ ਦਿਨ ਪਹਿਲਾਂ ਕੋਰੋਨਾ ਨਾਲ ਮਰੇ ਪਾਕਿਸਤਾਨ ਦੇ ਐਟਮੀ ਵਿਗਿਆਨੀ ਏਕਿਊ ਖਾਨ ਦੇ ਕਤਲ ਦੀ ਤਿਆਰੀ ਸੀ ਕਿਉਂਕਿ ਕਦੀਰ ਖਾਨ ਨੇ ਪਾਕਿਸਤਾਨ ਦੇ ਬੰਬ ਦੀ ਖੁਫੀਆ ਜਾਣਕਾਰੀ ਚੋਰੀ-ਛਿਪੇ ਵੇਚੀ ਹੀ ਨਹੀਂ, ਈਰਾਨ ਦੇਐਟਮੀ ਹਥਿਆਰ ਬਣਾਉਣ ਵਿੱਚਵੀ ਉਸ ਦੀ ਭਰਪੂਰ ਮਦਦ ਕੀਤੀ ਸੀ। ਉਸ ਨੇ ਲੀਬੀਆ ਦੇ ਕਰਨਲਗੱਦਾਫੀ ਦੀ ਵੀ ਐਟਮੀ ਖਾਹਿਸ਼ ਪੂਰੀ ਕਰਨ ਵਿੱਚ ਮਦਦ ਕੀਤੀ ਸੀ। ਕਦੀਰ ਖਾਨ ਨੇ ਅਜਿਹਾ ਕਰ ਕੇ ਐਟਮੀ ਹਥਿਆਰਬੰਦੀ ਦੇ ਕੌਮਾਂਤਰੀ ਨੈਟਵਰਕ ਨੂੰ ਡਾਵਾਂਡੋਲ ਕਰ ਦਿੱਤਾ ਸੀ। ਇਸ ਕਾਰਨ ਇਜ਼ਰਾਈਲੀ ਖੁਫੀਆ ਏਜੰਸੀ ਮੋਸਾਦ ਏਕਿਊ ਖਾਨ ਨੂੰ ਮਾਰਨਾ ਚਾਹੁੰਦੀ ਸੀ, ਪਰ ਉਹ ਉਸ ਤੋਂ ਪਹਿਲਾਂ ਹੀ ਆਪਣੀ ਮੌਤ ਮਰ ਗਏ। 85 ਸਾਲ ਦੀ ਉਮਰ ਵਿੱਚ ਏਕਿਊ ਖਾਨ ਦੀ ਮੌਤ ਕੋਰੋਨਾ ਨਾਲ ਇਨਫੈਕਟਿਡ ਹੋਣ ਕਾਰਨ ਇਸਲਾਮਾਬਾਦ ਦੇ ਇੱਕ ਹਸਪਤਾਲ ਵਿੱਚਪਿਛਲੇ ਦਿਨੀਂ ਹੋਈ ਹੈ। ਪਾਕਿਸਤਾਨ ਦੇ ਐਟਮੀ ਬੰਬ ਦੇ ਨਿਰਮਾਤਾ ਕਹੇ ਜਾਣ ਵਾਲੇ ਖਾਨ ਦਰਅਸਲ ਈਰਾਨ ਦੇ ਐਟਮੀ ਬੰਬ ਦੇ ਵੀ ‘ਗੌਡਫਾਦਰ' ਹਨ।
ਇਜ਼ਰਾਇਲੀ ਪੱਤਰਕਾਰ ਮੇਲਮਨ ਨੇ ਆਪਣੇ ਲੇਖ ਵਿੱਚ ਦੱਸਿਆ ਕਿ ਮੋਸਾਦ ਨੇ ਕਦੀਰ ਖਾਨ ਦੀ ਪੱਛਮੀ ਏਸ਼ੀਆ ਦੀ ਵਾਰ-ਵਾਰ ਯਾਤਰਾ ਦਾ ਹਿਸਾਬ ਰੱਖਣਾ ਸ਼ੁਰੂ ਕੀਤਾ ਸੀ, ਪਰ ਓਦੋਂ ਉਸ ਦੀਐਟਮੀ ਪਸਾਰ ਦੀ ਸਾਜ਼ਿਸ਼ ਪੂਰੀ ਤਰ੍ਹਾਂ ਸਮਝਣ ਵਿੱਚ ਮੋਸਾਦ ਸਫਲ ਨਹੀਂ ਹੋ ਸਕਿਆ। ਪੱਤਰਕਾਰ ਨੂੰ ਮੋਸਾਦ ਦੇ ਸਾਬਕਾ ਮੁਖੀ ਸ਼ਾਵਿਤ ਨੇ ਕਰੀਬ ਡੇਢ ਦਹਾਕਾ ਪਹਿਲਾਂ ਦੱਸਿਆ ਸੀ ਕਿ ਮੋਸਾਦ ਤੇ ਇਜ਼ਰਾਇਲੀ ਫੌਜੀ ਖੁਫੀਆ ਏਜੰਸੀ ਅਮਾਨ ਨੇ ਕਦੀਰ ਖਾਨ ਦੇ ਇਰਾਦੇ ਪੂਰੀ ਤਰ੍ਹਾਂ ਨਹੀਂ ਸਮਝੇ ਸਨ। ਪੱਤਰਕਾਰ ਨੇ ਦੱਸਿਆ ਸੀ ਕਿਜੇ ਮੋਸਾਦ ਦੀ ਟੀਮ ਕਦੀਰ ਖਾਨ ਦੇ ਇਰਾਦੇ ਦੇਖ ਕੇ ਉਸ ਨੂੰ ਮਰਵਾ ਦਿੰਦੀ ਇਜ਼ਰਾਈਲ ਤੇ ਈਰਾਨ ਦੇ ਸੰਬੰਧਾਂ ਕਾਰਨ ਇਤਿਹਾਸ ਬਦਲ ਸਕਦਾਸੀ। ਇਜ਼ਰਾਈਲ ਖੁੱਲ੍ਹੇ ਤੌਰ ਉੱਤੇ ਈਰਾਨ ਦੇ ਐਟਮੀ ਪ੍ਰੋਗਰਾਮ ਨੂੰ ਆਪਣੇ ਲਈ ਵੱਡਾ ਖਤਰਾ ਮੰਨਦਾ ਹੈ।
ਇਹੀ ਨਹੀਂ, ਇਜ਼ਰਾਈਲੀ ਪੱਤਰਕਾਰ ਨੇ ਦੱਸਿਆ ਕਿ ਪਾਕਿਸਤਾਨ ਨੇ ਬੇਸ਼ੱਕ ਦੁਨੀਆ ਦੀ ਨਜ਼ਰ ਵਿੱਚ ਪਹਿਲਾ ਐਟਮੀਟੈਸਟ 1998 ਵਿੱਚ ਕੀਤਾ ਹੋਵੇ, ਉਹ ਉਸ ਤੋਂ ਕੁਝ ਸਾਲ ਪਹਿਲਾਂ ਹੀਐਟਮੀ ਹਥਿਆਰ ਬਣਾ ਚੁੱੱਕਾ ਸੀ। ਕਦੀਰਖਾਨ ਨੇ ਆਪਣੇ ਦੇਸ਼ ਦੀ ਮਦਦ ਪਿੱਛੋਂ ਅਚਾਨਕ ਰਿਟਾਇਰਮੈਂਟ ਲੈ ਲਈ ਤੇ ਆਮ ਜਿਹਾ ਲੱਗਣ ਵਾਲਾ ਨਿੱਜੀ ਕਾਰੋਬਾਰ ਕਰਨ ਲੱਗਾ ਸੀ। ਓਦੋਂ ਈਰਾਨ ਨੂੰ ਕਦੀਰ ਖਾਨ ਤੋਂ ਪਾਕਿਸਤਾਨ ਦੇ ਐਟਮੀ ਹਥਿਆਰ ਪੀ-1 ਅਤੇ ਪੀ-2 ਦਾ ਡਿਜ਼ਾਈਨ ਮਿਲ ਗਿਆ ਸੀ। ਡਾਕਟਰ ਮੋਹਸਿਨ ਫਾਕਰੀਜਾਦੇਹ ਦੀ ਅਗਵਾਈ ਹੇਠ ਈਰਾਨੀ ਵਿਗਿਆਨੀਆਂ ਨੇ ਐਟਮੀ ਬੰਬ ਆਈ ਆਰ-1 ਤੇ ਆਈ ਆਰ-2 ਬਣਾ ਲਏ। ਬਾਅਦ ਵਿੱਚ ਮੋਸਾਦ ਨੇ ਮੋਹਸਿਨ ਫਾਖਰੀਜਾਦੇਹ ਦਾ ਵੀ ਕਤਲ ਕਰਵਾ ਦਿੱਤਾ ਸੀ, ਪਰ ਕਦੀਰ ਖਾਨ ਦੇ ਅਸਲੀ ਇਰਾਦੇ ਸਮਝਣ ਵਿੱਚ ਮੋਸਾਦ ਨਾਕਾਮਯਾਬ ਕਿਹਾ ਤੇ ਉਨ੍ਹਾਂ ਨੂੰ ਉਸ ਦੀਆਂ ਸਾਜ਼ਿਸ਼ਾਂ ਦੀ ਉਦੋਂ ਭਿਣਕ ਤਕ ਨਾ ਲੱਗੀ, ਜਦੋਂ ਤਕ ਕਿ ਲੀਬੀਆ ਦੇ ਨੇਤਾ ਕਰਨਲ ਗੱਦਾਫੀ ਨੇ ਉਨ੍ਹਾਂ ਦੀ ਪੋਲ ਨਾ ਖੋਲ੍ਹ ਦਿੱਤੀ।

 
Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਬਾਈਡੇਨ ਵਿਰੁੱਧ ਮਹਾਂਦੋਸ਼ ਦੀ ਜਾਂਚ ਰੁਕੀ ਇਮਰਾਨ ਖਾਨ ਨੇ ਫਰਵਰੀ 'ਚ ਹੋਈਆਂ ਚੋਣਾਂ ਦੀ ਨਿਆਂਇਕ ਜਾਂਚ ਦੀ ਸੁਪਰੀਮ ਕੋਰਟ ਨੂੰ ਕੀਤੀ ਅਪੀਲ ਕੰਧਾਰ ਵਿਚ ਬੈਂਕ ’ਚ ਆਤਮਘਾਤੀ ਹਮਲਾ, 3 ਲੋਕਾਂ ਦੀ ਮੌਤ, 12 ਜ਼ਖਮੀ ਡਾਕਟਰਾਂ ਨੇ ਪਹਿਲੀ ਵਾਰ ਇਨਸਾਨ 'ਚ ਸੂਰ ਦੀ ਕਿਡਨੀ ਦਾ ਕੀਤਾ ਸਫਲ ਟਰਾਂਸਪਲਾਂਟ ਪ੍ਰਧਾਨ ਮੰਤਰੀ ਮੋਦੀ ਰੂਸੀ ਰਾਸ਼ਟਰਪਤੀ ਨੂੰ ਚੋਣਾਂ ਜਿੱਤਣ 'ਤੇ ਦਿੱਤੀ ਵਧਾਈ, ਯੂਕਰੇਨ ਦੇ ਰਾਸ਼ਟਰਪਤੀ ਜ਼ੇਲੇਨਸਕੀ ਨੂੰ ਵੀ ਕੀਤਾ ਫ਼ੋਨ ਗਾਜ਼ਾ ਦੇ ਸਭ ਤੋਂ ਵੱਡੇ ਹਸਪਤਾਲ ਨੇੜੇ ਬੰਬਾਰੀ, 50 ਲੜਾਕਿਆਂ ਦੇ ਮਾਰੇ ਜਾਣ ਦਾ ਸ਼ੱਕ ਅਰਮੀਨੀਆ ਨੇ ਪਿਨਾਕਾ ਰਾਕੇਟ ਲਈ ਭਾਰਤ ਨਾਲ ਕੀਤਾ ਸਮਝੌਤਾ ਹੈਤੀ 'ਚ ਸਥਿਤੀ ਕਾਬੂ ਤੋਂ ਬਾਹਰ, ਗੈਂਗ ਕਰ ਰਹੇ ਹਨ ਲੁੱਟਾਂ, 12 ਤੋਂ ਵੱਧ ਮੌਤਾਂ ਪੁਤਿਨ ਰਿਕਾਰਡ ਬਹੁਮਤ ਨਾਲ 5ਵੀਂ ਵਾਰ ਰੂਸ ਦੇ ਰਾਸ਼ਟਰਪਤੀ ਬਣੇ ਨੇਵਲਨੀ ਦੀ ਮੌਤ 'ਤੇ ਪੁਤਿਨ ਨੇ ਦਿੱਤਾ ਬਿਆਨ: ਕਿਹਾ- ਮੈਂ ਕੈਦੀਆਂ ਦੀ ਅਦਲਾ-ਬਦਲੀ 'ਚ ਅਲੈਕਸੀ ਦੇ ਨਾਂ ਨੂੰ ਮਨਜ਼ੂਰੀ ਦਿੱਤੀ ਸੀ