ਇਸ ਸਾਲ ਦੇ ਸ਼ੁਰੂ ਵਿੱਚ ਕਰਣ ਜੌਹਰ ਨੇ ਅਭਿਨੇਤਾ ਸੰਜੇ ਕਪੂਰ ਦੀ ਬੇਟੀ ਸ਼ਨਾਇਆ ਕਪੂਰ ਨੂੰ ਲਾਂਚ ਕਰਨ ਦਾ ਐਲਾਨ ਕੀਤਾ ਹੈ। ਤਾਜ਼ਾ ਖਬਰ ਹੈ ਕਿ ਇਸ ਫਿਲਮ ਦਾ ਨਿਰਦੇਸ਼ਨ ਸ਼ਸ਼ਾਂਕ ਖੇਤਾਨ ਕਰਨਗੇ। ਸ਼ਸ਼ਾਂਕ ਨੇ ਹੀ ਸ੍ਰੀਦੇਵੀ ਦੀ ਤੇ ਬੋਨੀ ਕਪੂਰ ਦੀ ਬੇਟੀ ਜਾਹਨਵੀ ਕਪੂਰ ਦੀ ਡੈਬਿਊ ਫਿਲਮ ‘ਧੜਕ’ ਦਾ ਨਿਰਦੇਸ਼ਨ ਕੀਤਾ ਸੀ। ਸ਼ਨਾਇਆ ਦੀ ਫਿਲਮ ਨੂੰ ਜੁਲਾਈ ਵਿਚ ਸ਼ੂਟ ਕਰਨ ਦੀ ਤਿਆਰੀ ਸੀ, ਪਰ ਕੋਰੋਨਾ ਦੀ ਦੂਸਰੀ ਲਹਿਰ ਕਾਰਨ ਸ਼ੂਟਿੰਗ ਨੂੰ ਟਾਲਣਾ ਪਿਆ। ਆਮ ਹਾਲਾਤ ਸੁਖਾਵੇਂ ਹੋਣ ਕਾਰਨ ਫਿਲਮਾਂ ਦੀ ਸ਼ੂਟਿੰਗ ਤੇਜ਼ੀ ਨਾਲ ਹੋ ਰਹੀ ਹੈ। ਅਜਿਹੇ ਵਿੱਚ ਧਰਮਾ ਪ੍ਰੋਡਕਸ਼ਨ ਵੀ ਆਪਣੀ ਇਸ ਫਿਲਮ ਦੀ ਸ਼ੂਟਿੰਗ ਨੂੰ ਤਿਆਰ ਹੈ। ਇਸ ਫਿਲਮ ਵਿੱਚ ਸ਼ਨਾਇਆ ਦੇ ਇਲਾਵਾ ਗੁਰਫਤਹਿ ਸਿੰਘ ਪੀਰਜ਼ਾਦਾ ਅਤੇ ਲਕਸ਼ੈ ਲਾਲਵਾਨੀ ਨੂੰ ਲਾਂਚ ਕੀਤਾ ਜਾਏਗਾ। ਲਕਸ਼ੈ ਇਸ ਤੋਂ ਪਹਿਲਾਂ ‘ਦੋਸਤਾਨਾ 2’ ਨਾਲ ਡੈਬਿਊ ਕਰਨ ਵਾਲੇ ਸਨ।
ਖਬਰਾਂ ਮੁਤਾਬਕ ਪਿਛਲੇ ਕਰੀਬ ਸੱਤ ਮਹੀਨਿਆਂ ਤੋਂ ਤਿੰਨਾਂ ਕਲਾਕਾਰਾਂ ਕਈ ਐਕਟਿੰਗ ਵਰਕਸ਼ਾਪ ਕੀਤੀਆਂ। ਫਿਲਮ ਦੀ ਸ਼ੂਟਿੰਗ ਦਸੰਬਰ ਤੋਂ ਮੁੰਬਈ ਵਿੱਚ ਸ਼ੁਰੂ ਹੋਵੇਗੀ। ਪਹਿਲਾਂ ਇਸ ਫਿਲਮ ਨੂੰ ਪਾਰਸ ਚੱਕਰਵਰਤੀ ਨਿਰਦੇਸ਼ਨ ਕਰਨ ਵਾਲੇ ਸਨ ਤੇ ਸ਼ਸ਼ਾਂਕ ਇਸ ਦੇ ਨਿਰਮਾਤਾ ਸਨ, ਪਰ ਬਾਅਦ ਦੀ ਖਬਰ ਹੈ ਸ਼ਸਾਂਕ ਹੀ ਨਿਰੇਦਸ਼ਨ ਕਰਨਗੇ। ਸ਼ਸ਼ਾਂਕ ਨੇ ਬੀਤੇ ਦਿਨੀਂ ਭੂਮੀ ਪੇਡਨੇਕਰ, ਵਿੱਕੀ ਕੌਸ਼ਲ, ਕਿਆਰਾ ਅਡਵਾਨੀ ਦੀ ਅਨਟਾਈਟਲਡ ਫਿਲਮ ਦੀ ਸ਼ੂਟਿੰਗ ਪੂਰੀ ਕੀਤੀ ਹੈ। ਸ਼ਨਾਇਆ ਦੀ ਫਿਲਮ ਦੀ ਲੋਕੇਸ਼ਨ ਜਲਦੀ ਫਾਈਨਲ ਹੋਵੇਗੀ।