* ਚੀਨ ਨੇ ਅਮਰੀਕਾ ਤੋਂ ਸਮੁੰਦਰ ਦੇ ਨੁਕਸਾਨ ਦਾ ਮੰਗਿਆ ਵੇਰਵਾ
ਵਾਸ਼ਿੰਗਟਨ, 9 ਅਕਤੂਬਰ (ਪੋਸਟ ਬਿਊਰੋ)- ਅਮਰੀਕੀ ਫ਼ੌਜ ਦੀ ਪਣਡੁੱਬੀ ਦੱਖਣੀ ਚੀਨ ਸਾਗਰ ਵਿੱਚ ਕਿਸੇ ਬੇਪਛਾਣ ਚੀਜ਼ ਨਾਲ ਟਕਰਾ ਗਈ। ਅਧਿਕਾਰੀਆਂ ਮੁਤਾਬਕ ਇਸ ਹਾਦਸੇ ਵਿੱਚ 11 ਕਰੂ ਮੈਂਬਰ ਮਾਮੂਲੀ ਜ਼ਖ਼ਮੀ ਹੋਏ ਹਨ ਅਤੇ ਦੋ ਮੈਂਬਰਾਂ ਨੂੰ ਮਾਮੂਲੀ ਅਤੇ ਤੇ ਨੌਂ ਨੂੰ ਹਲਕੀਆਂ ਸੱਟਾਂ ਲੱਗੀਆਂ ਹਨ।
ਨਿਊਜ਼ ਏਜੰਸੀ ਮੁਤਾਬਕ ਚੀਨ ਨੇ ਦੱਖਣੀ ਚੀਨ ਸਾਗਰ ਵਿੱਚ ਅਮਰੀਕੀ ਪਣਡੁੱਬੀ ਦੇ ਬੇਪਛਾਣ ਚੀਜ਼ ਨਾਲ ਹੋਈ ਟੱਕਰ ਉੱਤੇ ਚਿੰਤਾ ਪ੍ਰਗਟਾਈ ਹੈ। ਚੀਨੀ ਵਿਦੇਸ਼ ਮੰਤਰੀ ਝਾਓ ਲਿਜੀਅਨ ਨੇ ਪਣਡੁੱਬੀ ਟਕਰਾਉਣ ਨਾਲ ਐਟਮੀ ਸਮੱਗਰੀ ਦੇ ਲੀਕ ਜਾਂ ਸਮੁੰਦਰੀ ਵਾਤਾਵਰਨ ਨੂੰ ਨੁਕਸਾਨ ਪਹੁੰਚਾਉਣ ਦਾ ਪਤਾ ਲਾਉਣ ਲਈ ਅਮਰੀਕਾ ਤੋਂ ਵੇਰਵਾ ਦੇਣ ਦੀ ਮੰਗ ਕੀਤੀ ਹੈ।ਕਰੀਬ ਪੰਜ ਦਿਨ ਪਹਿਲਾਂ ਹੋਏ ਹਾਦਸੇ ਬਾਰੇ ਅਮਰੀਕੀ ਪੈਸੇਫਿਕ ਬੇੜੇ ਨੇ ਸੰਖੇਪ ਬਿਆਨ ਜਾਰੀ ਕਰ ਕੇ ਕਿਹਾ ਹੈ ਕਿ ਯੂ ਐਸ ਐਸ ਕਨੈਕਟੀਕਟ ਅਜੇ ਸੁਰੱਖਿਅਤ ਹੈ।ਸੀਵੋਲਫ ਸ਼੍ਰੇਣੀ ਦੀ ਪਣਡੁੱਬੀ ਦੇ ਐਟਮੀ ਪਲਾਂਟ ਉੱਤੇ ਇਸ ਦਾ ਕੋਈ ਪ੍ਰਭਾਵ ਨਹੀਂ ਪਿਆ। ਪਣਡੁੱਬੀ ਨੂੰ ਨੁਕਸਾਨ ਦਾ ਅਨੁਮਾਨ ਲਾਇਆ ਜਾ ਰਿਹਾ ਹੈ ਅਤੇ ਇਸ ਘਟਨਾ ਦੀ ਜਾਂਚ ਕੀਤੀ ਜਾਵੇਗੀ। ਬਿਆਨ ਵਿੱਚ ਹਾਦਸੇ ਦੀ ਥਾਂ ਨਹੀਂ ਦੱਸੀ ਗਈ, ਪਰ ਨੇਵੀ ਦੇ ਦੋ ਅਫਸਰਾਂ ਨੇ ਕਿਹਾ ਕਿ ਦੱਖਣੀ ਚੀਨ ਸਾਗਰ ਵਿੱਚ ਕਨੈਟੀਕਟ ਅਜੇ ਸੁਰੱਖਿਅਤ ਹੈ। ਜਿਸ ਚੀਜ਼ ਨਾਲ ਪਣਡੁੱਬੀ ਟਕਰਾਈ, ਉਹ ਕੋਈ ਦੂਜੀ ਪਣਡੁੱਬੀ ਨਹੀਂ ਸੀ।