ਨਵੀਂ ਦਿੱਲੀ, 6 ਅਕਤੂਬਰ (ਪੋਸਟ ਬਿਊਰੋ)- ਭਾਰਤ ਦੀ ਹਵਾਈ ਫੌਜ ਮੁਖੀ ਏਅਰ ਚੀਫ ਮਾਰਸ਼ਲ ਵੀ ਆਰ ਚੌਧਰੀ ਨੇ ਕੱਲ੍ਹ ਕਿਹਾ ਕਿ ਕੋਇੰਬਟੂਰ ਦੀ ਭਾਰਤੀ ਹਵਾਈ ਫੌਜ ਦੀ ਸਿਖਲਾਈ ਅਕੈਡਮੀ ਵਿੱਚ ਸੈਕਸ ਹਮਲੇ ਦਾ ਸ਼ਿਕਾਰ ਮਹਿਲਾ ਦਾ ‘ਟੂ ਫਿੰਗਰ ਟੈਸਟ’ ਨਹੀਂ ਕੀਤਾ ਗਿਆ ਸੀ। ਏਅਰ ਚੀਫ ਮਾਰਸ਼ਲ ਨੇ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਕਿਹਾ ਕਿ ਇਸ ਬਲਾਤਕਾਰ ਕੇਸ ਦੇ ਦੋਸ਼ੀਆਂ ਖਿਲਾਫ ਅਨੁਸ਼ਾਸਨੀ ਕਾਰਵਾਈ ਕੀਤੀ ਜਾਵੇਗੀ।
ਇੱਕ ਸਵਾਲ ਦੇ ਜਵਾਬ ਵਿੱਚ ਏਅਰ ਚੀਫ ਮਾਰਸ਼ਲ ਵੀ ਆਰ ਚੌਧਰੀ ਨੇ ਕਿਹਾ,‘ਮਹਿਲਾ ਦਾ ਟੂ ਫਿੰਗਰ ਟੈਸਟ ਨਹੀਂ ਕੀਤਾ ਗਿਆ ਸੀ।’ ਤਾਮਿਲ ਨਾਡੂ ਪੁਲਸ ਵੱਲੋਂ ਕੀਤੀ ਜਾਂਚ ਮਗਰੋਂ ਲੋਕਲ ਕੋਰਟ ਨੇ ਭਾਰਤੀ ਹਵਾਈ ਫੌਜ ਨੂੰ ਇਸ ਕੇਸ ਦੀ ਮੁਕੰਮਲ ਜਾਂਚ ਕਰਨ ਦੀ ਖੁੱਲ੍ਹ ਦੇ ਦਿੱਤੀ ਸੀ। ਵਰਨਣ ਯੋਗ ਹੈ ਕਿ 10 ਸਤੰਬਰ ਨੂੰ ਕੋਇੰਬਟੂਰ ਵਿੱਚ ਭਾਰਤੀ ਹਵਾਈ ਫੌਜ ਦੇ ਇੱਕ ਅਧਿਕਾਰੀ ਉੱਤੇ ਉਸ ਦੀ ਮਹਿਲਾ ਸਾਥੀ (28) ਨੇ ਬਲਾਤਕਾਰਕਰਨ ਦਾ ਦੋਸ਼ ਲਾਇਆ ਸੀ। ਇਸ ਮਹਿਲਾ ਅਧਿਕਾਰੀ ਨੇ ਭਾਰਤੀ ਹਵਾਈ ਫੌਜ ਅਥਾਰਟੀਜ਼ ਉੱਤੇ ਵੀ ਗੰਭੀਰ ਦੋਸ਼ ਲਾਏ ਸਨ। ਮਹਿਲਾ ਅਧਿਕਾਰੀ ਦਾ ਦਾਅਵਾ ਸੀ ਕਿ ਉਸ ਉੱਤੇਫਲਾਈਟ ਲੈਫਟੀਨੈਂਟ ਅਹੁਦੇ ਵਾਲੇ ਦੋਸ਼ੀ ਦੇ ਖਿਲਾਫ ਦਿੱਤੀ ਸ਼ਿਕਾਇਤ ਵਾਪਸ ਲੈਣ ਲਈ ਨਾ ਸਿਰਫ ਦਬਾਅ ਪਾਇਆ ਗਿਆ, ਬਲਕਿ ਉਸ ਦਾ ‘ਟੂ ਫਿੰਗਰ ਟੈਸਟ’ ਵੀ ਕੀਤਾ ਗਿਆ ਸੀ।