ਟੋਰਾਂਟੋ, 5 ਅਕਤੂਬਰ (ਪੋਸਟ ਬਿਊਰੋ) : ਮੰਗਲਵਾਰ ਦੁਪਹਿਰ ਨੂੰ ਛੁਰੇਬਾਜ਼ੀ ਦੀਆਂ ਰਿਪੋਰਟਾਂ ਮਿਲਣ ਤੋਂ ਬਾਅਦ ਟੋਰਾਂਟੋ ਦੇ ਹਾਈ ਸਕੂਲ ਨੂੰ ਲਾਕਡਾਊਨ ਕਰ ਦਿੱਤਾ ਗਿਆ।
ਦੁਪਹਿਰ ਦੇ 1:40 ਉੱਤੇੇ ਕਥਿਤ ਛੁਰੇਬਾਜ਼ੀ ਦੀ ਰਿਪੋਰਟ ਦੇ ਕੇ ਪੁਲਿਸ ਨੂੰ ਹਾਈਵੇਅ 401 ਤੇ ਡੌਨ ਮਿੱਲਜ਼ ਰੋਡ ਨੇੜੇ ਜਾਰਜ ਐਸ· ਹੈਨਰੀ ਅਕੈਡਮੀ ਉੱਤੇ ਸੱਦਿਆ ਗਿਆ।ਕੁੱਝ ਸਮੇਂ ਬਾਅਦ ਹੀ ਟੋਰਾਂਟੋ ਪੈਰਾਮੈਡਿਕਸ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਕਿ ਉਨ੍ਹਾਂ ਨੂੰ ਕੋਈ ਵੀ ਵਿਅਕਤੀ ਜ਼ਖ਼ਮੀ ਹਾਲਤ ਵਿੱਚ ਨਹੀਂ ਮਿਲਿਆ ਹੈ।
ਪੁਲਿਸ ਅਧਿਕਾਰੀ ਅਜੇ ਵੀ ਮੌਕੇ ਉੱਤੇ ਹੀ ਮੌਜੂਦ ਹਨ ਤੇ ਲਾਕਡਾਊਨ ਅਜੇ ਵੀ ਜਾਰੀ ਹੈ। ਖਬਰ ਲਿਖੇ ਜਾਣ ਤੱਕ ਹੋਰ ਵੇਰਵੇ ਹਾਸਲ ਨਹੀਂ ਸਨ ਹੋਏ।