ਸੀਰਤ ਕਪੂਰ ਨੇ ਸਾਲ 2014 ਵਿੱਚ ਹਿੰਦੀ ਫਿਲਮ ‘ਜ਼ਿੱਦ’ ਨਾਲ ਬੋਲਡ ਅੰਦਾਜ਼ ਵਿੱਚ ਐਕਟਿੰਗ ਕਰੀਅਰ ਸ਼ੁਰੂ ਕੀਤਾ ਸੀ, ਉਸ ਤੋਂ ਬਾਅਦ ਉਸ ਨੇ ਦੱਖਣ ਭਾਰਤ ਦਾ ਰੁਖ਼ ਕਰ ਲਿਆ ਤੇ ਉਥੇ ਆਪਣੀ ਇੱਕ ਵੱਖਰੀ ਪਛਾਣ ਬਣਾਉਣ ਵਿੱਚ ਸਫਲ ਰਹੀ। ਅੱਜਕੱਲ੍ਹ ਉਹ ਬਾਲੀਵੁੱਡ ਵਿੱਚ ਫਿਰ ਆਪਣੀ ਕਿਸਮਤ ਅਜ਼ਮਾਉਣ ਦੀ ਤਿਆਰੀ ਵਿੱਚ ਹੈ। ਜਲਦੀ ਹੀ ਉਹ ਨਸੀਰੂਦੀਨ ਸ਼ਾਹ ਅਤੇ ਤੁਸ਼ਾਰ ਕਪੂਰ ਨਾਲ ਫਿਲਮ ‘ਮਾਰੀਚ’ ਵਿੱਚ ਨਜ਼ਰ ਆਏਗੀ।
ਫਿਲਮ ‘ਰਾਕਸਟਾਰ’ ਵਿੱਚ ਅਸਿਸਟੈਂਟ ਕੋਰੀਓਗਰਾਫਰ ਵਜੋਂ ਕਰੀਅਰ ਸ਼ੁਰੂ ਕਰਨ ਤੋਂ ਪਿੱਛੇ ਜਿਹੇ ਟਾਲੀਵੁੱਡ ਫਿਲਮ ‘ਕ੍ਰਿਸਨਾ ਐਂਡ ਹਿਜ ਲੀਲਾ’ ਵਿੱਚ ਸ਼ਾਨਦਾਰ ਰੋਲ ਕਰਨ ਤੱਕ ਸੀਰਤ ਨੇ ਲੰਬਾ ਸਫਰ ਤੈਅ ਕੀਤਾ ਹੈ। ਕਲਾਕਾਰਾਂ ਨੂੰ ਆਪਣੇ ਕਿਰਦਾਰ ਨੂੰ ਪਰਦੇ ਉੱਤੇ ਪੇਸ਼ ਕਰਨ ਲਈ ਕਾਫੀ ਤਿਆਰੀ ਕਰਨੀ ਪੈਂਦੀ ਹੈ, ਕਿਰਦਾਰ ਸਮਝਣਾ, ਉਸੇ ਵਾਂਗ ਦਿਸੱਣਾ ਅਤੇ ਵਿਹਾਰ ਕਰਨਾ ਇੱਕ ਮੁਸ਼ਕਲ ਪ੍ਰਕਿਰਿਆ ਹੁੰਦੀ ਹੈ। ਕਿਉਂਕਿ ਸੀਰਤ ਕਈ ਬਾਲੀਵੁੱਡ ਪ੍ਰੋਜੈਕਟਾਂ ਉੱਤੇ ਕੰਮ ਕਰ ਰਹੀ ਹੈ ਅਤੇ ਤਿਆਰੀ ਲਈ ਵਰਕਸ਼ਾਪ ਵਿੱਚ ਹਿੱਸਾ ਲੈ ਰਹੀ ਹੈ ਤਾਂ ਕਿ ਕਿਰਦਾਰ ਦੀ ਡੂੰਘਾਈ ਤੱਕ ਜਾ ਕੇ ਇਸ ਦੀ ਲੁੱਕ ਉੱਤੇ ਕੰਮ ਕਰ ਸਕੇ। ‘ਮਾਰੀਚ’ ਤੋਂ ਇਲਾਵਾ ਸੀਰਤ ਦੀ ਝੋਲੀ ਵਿੱਚ ਹੋਰ ਵੀ ਬਾਲੀਵੁੱਡ ਫਿਲਮਾਂ ਹਨ।