ਆਰ ਮਾਧਵਨ ਦੇ ਨਿਰਦੇਸ਼ਨ ਹੇਠਲੀ ਪਹਿਲੀ ਫਿਲਮ ‘ਰੌਕੇਟਰੀ: ਦਿ ਨੰਬੀ ਇਫੈਕਟ’ ਅਗਲੇ ਸਾਲ ਪਹਿਲੀ ਅਪ੍ਰੈਲ ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਕੀਤੀ ਜਾਵੇਗੀ। ਇਹ ਫਿਲਮ ‘ਨੰਬੀ ਨਾਰਾਇਣ’ ਦੇ ਜੀਵਨ ਉਤੇ ਆਧਾਰਤ ਹੈ, ਜੋ ਭਾਰਤੀ ਪੁਲਾੜ ਖੋਜ ਸੰਸਥਾ ਦਾ ਵਿਗਿਆਨੀ ਤੇ ਇੰਜੀਨੀਅਰ ਸੀ ਅਤੇ ਜਿਸ ਉਤੇ ਜਾਸੂਸੀ ਦਾ ਦੋਸ਼ ਲੱਗਿਆ ਸੀ। ਇਸ ਫਿਲਮ ਵਿੱਚ ਆਰ ਮਾਧਵਨ ਮੁੱਖ ਭੂਮਿਕਾ ਵਿੱਚ ਹੈ ਅਤੇ ਇਸ ਫਿਲਮ ਦੀ ਕਹਾਣੀ ਵੀ ਆਰ ਮਾਧਵਨ ਨੇ ਹੀ ਲਿਖੀ ਹੈ।
ਫਿਲਮ ਦੀ ਰਿਲੀਜ਼ ਬਾਰੇ ਨਿਰਮਾਤਾਵਾਂ ਨੇ ਕਿਹਾ, ‘‘ਸਾਨੂੰ ਇਹ ਦੱਸਦੇ ਬਹੁਤ ਖੁਸ਼ੀ ਹੋ ਰਹੀ ਹੈ ਕਿ ‘ਰੌਕੇਟਰੀ : ਦਿ ਨੰਬੀ ਇਫੈਕਟ’ ਪਹਿਲੀ ਅਪ੍ਰੈਲ 2022 ਨੂੰ ਵਿਸ਼ਵ ਦੇ ਸਿਨੇਮਾਘ੍ਰਾਂ ਵਿੱਚ ਰਿਲੀਜ਼ ਕੀਤੀ ਜਾਵੇਗੀ।” ਇਸ ਫਿਲਮ ਦੇ ਨਿਰਮਾ ਵਿੱਚ ਸਰਿਤਾ ਮਾਧਵਨ, ਆਰ ਮਾਧਵਨ, ਵਰਗੀਜ਼ ਮੂਲਨ ਤੇ ਵਿਜੈ ਮੂਲਨ ਦੀ ਵੀ ਭਾਈਵਾਲੀ ਹੈ। ਫਿਲਮ ਵਿੱਚ ਸਿਮਰਨ ਬੱਗਾ ਵੀ ਦਿਖਾਈ ਦੇਵੇਗੀ ਅਤੇ ਸ਼ਾਹਰੁਖ ਖਾਨ ਮਹਿਮਾਨ ਭੂਮਿਕਾ ਵਿੱਚ ਨਜ਼ਰ ਆਵੇਗਾ। ਇਹ ਫਿਲਮ ਹਿੰਦੀ, ਅੰਗਰੇਜ਼ੀ, ਤਮਿਲ, ਤੇਲਗੂ, ਮਲਿਆਲਮ ਅਤੇ ਕੰਨੜ ਭਾਸ਼ਾਵਾਂ ਵਿੱਚ ਰਿਲੀਜ਼ ਕੀਤੀ ਜਾਵੇਗੀ।