ਕਈ ਵਾਰ ਫਿਲਮ ਇੰਡਸਟਰੀ ਵਿੱਚ ਕਲਾਕਾਰਾਂ ਦੇ ਨਾਲ ਡਾਇਰੈਕਟਰਾਂ ਨੂੰ ਵੀ ਟਾਈਪਕਾਸਟ ਕਰ ਦਿੱਤਾ ਜਾਂਦਾ ਹੈ। ਨਿਰਮਾਤਾ-ਨਿਰਦੇਸ਼ਕ ਓਮੰਗ ਕੁਮਾਰ ਉੱਤੇ ਵੀ ਬਾਇਓਪਿਕ ਨਿਰਦੇਸ਼ਕ ਹੋਣ ਦਾ ਟੈਗ ਲੱਗਾ ਹੋਇਆ ਹੈ। ‘ਮੈਰੀ ਕਾਮ’, ‘ਸਰਬਜੀਤ’ ਅਤੇ ‘ਪੀ ਐੱਮ ਨਰਿੰਦਰ ਮੋਦੀ’ ਬਣਾ ਚੁੱਕੇ ਓਮੰਗ ਨੂੰ ਪਹਿਲਾਂ ਇਹ ਟੈਗ ਪਸੰਦ ਨਹੀਂ, ਪਰ ਇਸ ਨੂੰ ਅਪਣਾ ਲਿਆ ਹੈ। ਉਨ੍ਹਾਂ ਦੀ ਅਗਲੀ ਫਿਲਮ ‘ਫੌਜਾ’ ਵੀ ਮੈਰਾਥਨ ਦੌੜਾਕ ਫੌਜਾ ਸਿੰਘ ਦੀ ਜੀਵਨੀ ਹੋਵੇਗੀ।
ਓਮੰਗ ਕਹਿੰਦੇ ਹਨ ਕਿ ‘ਮੈਰੀ ਕਾਮ’ ਦੇ ਬਾਅਦ ਹੀ ਮੈਨੂੰ ਇਹ ਟੈਗ ਮਿਲ ਗਿਆ ਸੀ। ਪਹਿਲਾਂ ਇਹ ਟੈਗ ਮੈਨੂੰ ਪਸੰਦ ਨਹੀਂ ਸੀ, ਫਿਰ ਇਸ ਟੈਗ ਨਾਲ ਇੱਕ ਸਨਮਾਨ ਜੁੜ ਗਿਆ ਹੈ ਕਿ ਮੈਂ ਜੋ ਬਣਾ ਰਿਹਾ ਹਾਂ, ਉਹ ਦਿਲ ਨਾਲ ਬਣਾ ਰਿਹਾ ਹਾਂ। ਕਿਸੇ ਦੀ ਜ਼ਿੰਦਗੀ ਨੂੰ ਗਲਤ ਤਰੀਕੇ ਨਾਲ ਨਹੀਂ ਦਿਖਾਵਾਂਗਾ। ਜਦ ਏਦਾਂ ਦੀ ਭਰੋਸੇਯੋਗਤਾ ਮੇਰੇ ਨਾਲ ਜੁੜ ਗਈ ਤਾਂ ਮੈਨੂੰ ਬਾਇਓਪਿਕ ਡਾਇਰੈਕਟਰ ਅਖਵਾਉਣ ਤੋਂ ਕੋਈ ਦਿੱਕਤ ਨਹੀਂ। ਮੇਰੇ ਉਤੇ ਬਾਇਓਪਿਕ ਬਣਾਉਣ ਬਾਰੇ ਲੋਕ ਭਰੋਸਾ ਕਰਦੇ ਹਨ। ਇਸ ਲਈ ਮੈਂ ਇਸ ਤੋਂ ਭੱਜਣਾ ਬੰਦ ਕਰ ਦਿੱਤਾ ਹੈ। ਮੇਰੇ ਲਈ ਬਾਇਓਪਿਕ ਤੋਂ ਜ਼ਿਆਦਾ ਉਹ ਕਹਾਣੀਆਂ ਹਨ, ਜੋ ਕਿਸੇ ਨੂੰ ਪ੍ਰੇਰਿਤ ਕਰਨ। ਦਰਸ਼ਕ ਜਦ ਥੀਏਟਰ ਤੋਂ ਨਿਕਲਣ ਤਾਂ ਉਹ ਪਰੇਰਿਤ ਹੋਣ।