ਸਡਬਰੀ, 28 ਸਤੰਬਰ (ਪੋਸਟ ਬਿਊਰੋ) : ਸਡਬਰੀ, ਓਨਟਾਰੀਓ ਵਿੱਚ ਵੇਲਜ਼ ਦੀ ਟੌਟਨ ਖਾਣ ਵਿੱਚ 39 ਮਾਈਨਰਜ਼ ਦੇ ਫਸੇ ਹੋਣ ਦੀ ਪੁਸ਼ਟੀ ਹੋਈ ਹੈ।
ਸਟੀਲਵਰਕਰਜ਼ ਲੋਕਲ 6500 ਦੇ ਪ੍ਰੈਜ਼ੀਡੈਂਟ ਨਿੱਕ ਲਾਰੋਸ਼ੈਲ ਨੇ ਦੱਸਿਆ ਕਿ ਇਸ ਖਾਣ ਵਿੱਚ ਕੁੱਲ 39 ਲੋਕ ਫਸੇ ਹੋਏ ਹਨ ਜਿਨ੍ਹਾਂ ਵਿੱਚੋਂ 30 ਸਟੀਲਵਰਕਰਜ਼ ਹਨ। ਉਨ੍ਹਾਂ ਦੱਸਿਆ ਕਿ ਇਹ ਮਾਈਨਰਜ਼ ਐਤਵਾਰ ਨੂੰ ਸਵੇਰੇ 7:00 ਵਜੇ ਆਪਣੀ ਸਿ਼ਫਟ ਸ਼ੁਰੂ ਕਰਨ ਲਈ ਖਾਣ ਵਿੱਚ ਉਤਰੇ ਸਨ। ਸਵੇਰੇ 11:30 ਵਜੇ ਇੱਕ ਘਟਨਾ ਵਾਪਰੀ ਜਿਸ ਕਾਰਨ ਸ਼ਾਫਟ ਨੂੰ ਕਾਫੀ ਨੁਕਸਾਨ ਪਹੁੰਚਿਆ।ਖਾਣ ਵਿੱਚ ਫਸੇ ਲੋਕਾਂ ਨੂੰ ਬਚਾਉਣ ਲਈ ਬਚਾਅ ਕਾਰਜ ਚੱਲ ਰਹੇ ਹਨ ਤੇ ਅਜੇ ਤੱਕ ਕਿਸੇ ਦੇ ਵੀ ਜ਼ਖ਼ਮੀ ਹੋਣ ਦੀ ਕੋਈ ਖਬਰ ਨਹੀਂ ਹੈ।
ਲਾਰੋਸੈ਼ਲ ਨੇ ਆਖਿਆ ਕਿ ਖਾਣ ਵਿੱਚ ਫਸੇ ਇਨ੍ਹਾਂ ਲੋਕਾਂ ਨੂੰ ਦਵਾਈਆਂ ਤੇ ਖਾਣ ਪੀਣ ਦੀ ਸਮੱਗਰੀ ਪਹੁੰਚਾਈ ਜਾ ਰਹੀ ਹੈ। ਪਰ ਉਨ੍ਹਾਂ ਆਖਿਆ ਕਿ ਉਹ ਕਾਫੀ ਚਿੰਤਤ ਹਨ।ਇੱਕ ਨਿਊਜ਼ ਰਲੀਜ਼ ਵਿੱਚ ਵੇਲ ਨੇ ਆਖਿਆ ਕਿ ਖਾਣ ਵਿੱਚ ਫਸੇ ਲੋਕਾਂ ਨੂੰ ਬਾਹਰ ਕੱਢਣ ਲਈ ਪੂਰੀਆਂ ਕੋਸਿ਼ਸ਼ਾਂ ਕੀਤੀਆਂ ਜਾ ਰਹੀਆਂ ਹਨ।
ਕੰਪਨੀ ਨੇ ਆਖਿਆ ਕਿ ਆਪਣੇ ਮੁਲਾਜ਼ਮਾਂ ਨੂੰ ਬਚਾਉਣ ਲਈ ਉਹ ਹਰ ਸੰਭਵ ਕੋਸਿ਼ਸ਼ ਕਰ ਰਹੇ ਹਨ। ਉਨ੍ਹਾਂ ਇਹ ਵੀ ਆਖਿਆ ਕਿ ਜਿਵੇਂ ਹੀ ਕੋਈ ਅਪਡੇਟ ਮਿਲੇਗੀ ਤਾਂ ਉਹ ਸੱਭ ਨੂੰ ਇਤਲਾਹ ਕਰਨਗੇ।