ਬਾਲੀਵੁੱਡ ਅਭਿਨੇਤਰੀ ਅਤੇ ਵਾਤਾਵਰਣ ਪ੍ਰੇਮੀ ਭੂਮੀ ਪੇਡਨੇਕਰ ਨੂੰ ਜਲਵਾਯੂ ਸੁਰੱਖਿਆ, ਸਥਿਰਤਾ ਤੇ ਫਿਟਨੈਸ ਕੋਸ਼ਿਸ਼ਾਂ ਦੇ ਕਾਰਨ ਭਾਰਤ ਦੇ ਪਹਿਲੇ ਐੱਮ ਏ ਸੀ ਸੰਸਾਰਕ ਸੁੰਦਰਤਾ ਪ੍ਰੋਡਕਟ ਬ੍ਰਾਂਡ ਅੰਬੈਸਡਰ ਵਜੋਂ ਚੁਣਿਆ ਗਿਆ ਹੈ। ਭੂਮੀ ਨੇ ਗੱਲਬਾਤ ਵਿੱਚ ਮੇਕਅਪ ਲਈ ਆਪਣਾ ਪਿਆਰ ਪ੍ਰਗਟ ਕੀਤਾ ਹੈ। ਉਸ ਨੇ ਕਿਹਾ, ‘ਮੈਂ ਮੇਕਅਪ ਦੀ ਦੀਵਾਨੀ ਹਾਂ। ਮੈਨੂੰ ਇਹ ਵੀ ਯਾਦ ਨਹੀਂ ਕਿ ਜਦ ਮੈਂ ਸੁੰਦਰਤਾ ਦੀ ਦੁਨੀਆ ਵਿੱਚ ਪਹੁੰਚੀ ਤਾਂ ਮੈਂ ਕਿੰਨੀ ਉਮਰ ਦੀ ਸੀ।’ ਉਸ ਨੇ ਕਿਹਾ ਕਿ ਉਹ ਉਨ੍ਹਾਂ ਔਰਤਾਂ ਦੇ ਆਸ-ਪਾਸ ਰਹੀ ਹੈ, ਜੋ ਸੁੰਦਰਤਾ ਦੀ ਦੁਨੀਆ ਨਾਲ ਓਨਾ ਹੀ ਪਿਆਰ ਕਰਦੀਆਂ ਹਨ, ਜਿੰਨਾ ਉਹ ਕਰਦੀ ਹੈ। ਭੂਮੀ ਨੇ ਕਿਹਾ, ‘ਮੈਨੂੰ ਲੱਗਦਾ ਹੈ ਕਿ ਸਕਾਰਾਤਮਕ, ਮਜ਼ੇਦਾਰ ਅਤੇ ਰਚਨਾਤਮਕ ਮੇਕਅਪ ਦੇ ਨਾਲ-ਨਾਲ ਇਹ ਉਨ੍ਹਾਂ ਦਾ ਪ੍ਰਭਾਵ ਸੀ, ਜਿਸ ਨੇ ਮੈਨੂੰ ਪੂਰੀ ਤਰ੍ਹਾਂ ਨਾਲ ਘੇਰ ਲਿਆ ਅਤੇ ਅਜਿਹਾ ਕਰਨਾ ਅੱਜ ਤੱਕ ਜਾਰੀ ਰੱਖਿਆ ਹੈ। ਇਹ ਅਸਲ ਵਿੱਚ ਮੇਰੇ ਲਈ ਇਲਾਜ ਦੇ ਬਰਾਬਰ ਹੈ।’
ਐੱਮ ਏ ਸੀ ਵਰਗੇ ਵੱਡੇ ਬ੍ਰਾਂਡ ਦੇ ਚਿਹਰੇ ਵਜੋਂ ਨਿਯੁਕਤ ਹੋਣ ਵਾਲੀ ਪਹਿਲੀ ਭਾਰਤੀ ਹਸਤੀ ਹੋਣ ਦੇ ਨਾਤੇ 32 ਸਾਲਾ ਅਭਿਨੇਤਰੀ ਬੇਹੱਦ ਮਾਣ ਮਹਿਸੂਸ ਕਰ ਰਹੀ ਹੈ। ਉਸ ਨੇ ਦੱਸਿਆ ਕਿ ਜਦ ਉਹ ਬੜੀ ਛੋਟੀ ਸੀ, ਉਹ ਤਦ ਤੋਂ ਹੀ ਮੇਕਅਪ ਦੀ ਦੀਵਾਨੀ ਹੈ, ਇਸ ਲਈ ਉਹ ਖੁਦ ਨੂੰ ਬੇਹੱਦ ਸਨਮਾਨਿਤ ਅਤੇ ਮਾਣ ਭਰਿਆ ਮਹਿਸੂਸ ਕਰਦੀ ਹੈ। ਉਸ ਨੇ ਕਿਹਾ ਕਿ ਅਸਲ ਵਿੱਚ ਬ੍ਰਾਂਡ ਦਾ ਚਿਹਰਾ ਬਣਨਾ ਮੇਰੇ ਲਈ ਇੱਕ ਪ੍ਰਾਪਤੀ ਹੈ। ਆਪਣੇ ਅਗਲੇ ਪ੍ਰੋਜੈਕਟਾਂ ਬਾਰੇ ਗੱਲ ਕਰਦੇ ਹੋਏ ਭੂਮੀ ਨੇ ਦੱਸਿਆ ਕਿ ਉਹ ਰਾਜਕੁਮਾਰ ਰਾਓ ਦੇ ਨਾਲ ‘ਬਧਾਈ 2’, ਅਕਸ਼ੈ ਕੁਮਾਰ ਨਾਲ ‘ਰਕਸ਼ਾ ਬੰਧਨ’ ਅਤੇ ਵਿੱਕੀ ਕੌਸ਼ਲ ਦੇ ਨਾਲ ‘ਮਿਸਟਰ ਲੇਲੇ’ ਵਿੱਚ ਦਿਖਾਈ ਦੇਵਗੀ।