ਸੰਜੇ ਲੀਲਾ ਭੰਸਾਲੀ ਵੈੱਬ ਸੀਰੀਜ਼ ‘ਹੀਰਾ ਮੰਡੀ’ ਨਾਲ ਆਪਣਾ ਡਿਜੀਟਲ ਡੈਬਿਊ ਕਰ ਰਹੇ ਹਨ। ਇਸ ਸੀਰੀਜ਼ ਲਈ ਸੋਨਾਕਸ਼ੀ ਸਿਨਹਾ, ਹੁਮਾ ਕੁਰੈਸ਼ੀ, ਮਨੀਸ਼ਾ ਕੋਇਰਾਲਾ ਅਤੇ ਜੂਹੀ ਚਾਵਲਾ ਸਮੇਤ ਛੇ ਹੀਰੋਇਨਾਂ ਫਾਈਨਲ ਕੀਤੀਆਂ ਜਾ ਚੁੱਕੀਆਂ ਹਨ ਅਤੇ ਬਾਕੀ ਕਲਾਕਾਰਾਂ ਦੀ ਚੋਣ ਕੀਤੀ ਜਾ ਰਹੀ ਹੈ।
ਸੁਣਨ ਵਿੱਚ ਆਇਆ ਹੈ ਕਿ ਅਭਿਨੇਤਰੀ ਵਾਮਿਕਾ ਗੱਬੀ ਇਸ ਦੀ ਕਾਸਟ ਵਿੱਚ ਸ਼ਾਮਲ ਹੋ ਸਕਦੀ ਹੈ। ਭੰਸਾਲੀ ਦੀ ਇਹ ਸੀਰੀਜ਼ ਮਜ਼ਬੂਤ ਮਹਿਲਾ ਕਿਰਦਾਰਾਂ ਨੂੰ ਦਰਸਾਏਗੀ ਤੇ ਇਸ ਵਿੱਚ ਕਈ ਸਾਰੇ ਡਾਂਸ ਸੀਕਵੈਂਸਜ਼ ਵੀ ਦੇਖਣ ਨੂੰ ਮਿਲਣਗੇ। ਇਹ ਲਾਹੌਰ ਦੇ ‘ਰੈਡ ਲਾਈਟ' ਏਰੀਆ ਦੀਆਂ ਕਹਾਣੀਆਂ ਉੱਤੇ ਕੇਂਦਰਿਤ ਹੈ। ਰਿਪੋਰਟਾਂ ਮੁਤਾਬਕ ਵਾਮਿਕਾ, ਫਿਲਮ ਵਿੱਚ ਅਹਿਮ ਕਿਰਦਾਰ ਨਿਭਾਏਗੀ ਅਤੇ ਉਹ ਜਲਦੀ ਹੀ ਇਸ ਭੂਮਿਕਾ ਦੇ ਲਈ ਤਿਆਰੀ ਸ਼ੁਰੂ ਕਰ ਦੇਵੇਗੀ।