ਸਲਮਾਨ ਖਾਨ ਅਤੇ ਕੈਟਰੀਨਾ ਕੈਫ ਪਿੱਛੇ ਜਿਹੇ ‘ਟਾਈਗਰ 3’ ਦੀ ਸ਼ੂਟਿੰਗ ਦੇ ਲਈ ਰੂਸ ਰਵਾਨਾ ਹੋਏ ਸਨ। ਇਸ ਫਿਲਮ ਦੇ ਸੈਟ ਤੋਂ ਆਏ ਦਿਨ ਨਵੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸਾਹਮਣੇ ਆ ਰਹੇ ਹਨ। ਪਿੱਛੇ ਜਿਹੇ ਕੈਟਰੀਨਾ ਨੇ ਵੀ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਉੱਤੇ ਇੱਕ ਵੀਡੀਓ ਸ਼ੇਅਰ ਕੀਤਾ ਜਿਸ ਵਿੱਚ ਉਹ ‘ਟਾਈਗਰ 3’ ਦੇ ਗਾਣੇ ਦੇ ਲਈ ਪ੍ਰੈਕਟਿਸ ਕਰਦੀ ਨਜ਼ਰ ਆ ਰਹੀ ਹੈ। ਉਸ ਨੇ ਲਿਖਿਆ, ‘‘ਅਸੀਂ ਤੁਰਕੀ ਵਿੱਚ ਡਾਂਸ ਕਰਨ ਦੀ ਜਗ੍ਹਾ ਲੱਭ ਲਈ ਹੈ।” ਕੈਟਰੀਨਾ ਇਸ ਗਾਣੇ ਦੀ ਸ਼ੂਟਿੰਗ ਸਲਮਾਨ ਨਾਲ ਕੈਪਾਡੋਸੀਆ ਵਿੱਚ ਕਰੇਗੀ। ਇਹ ਜਗ੍ਹਾ ਆਪਣੇ ਹੌਟ ਏਅਰ ਬੈਲੂਨ ਦੇ ਲਈ ਮਸ਼ਹੂਰ ਹੈ। ਇਸ ਗਾਣੇ ਨੂੰ ਫਿਲਮ ਦੇ ਅਖੀਰ ਵਿੱਚ ਦਿਖਾਇਆ ਜਾਏਗਾ।
ਦੱਸਿਆ ਗਿਆ ਹੈ ਕਿ ‘ਟਾਈਗਰ 3’ ਦਾ ਡਾਂਸ ਨੰਬਰ ‘ਟਾਈਗਰ ਜਿੰਦਾ ਹੈ’ ਦੇ ‘ਸਵੈਗ ਸੇ ਸਵਾਗਤ’ ਤੋਂ ਵੱਡਾ ਅਤੇ ਸ਼ਾਨਦਾਰ ਹੋਣ ਵਾਲਾ ਹੈ। ਫਿਲਮ ਦੇ ਨਿਰਦੇਸ਼ਕ ਮਨੀਸ਼ ਸ਼ਰਮਾ ਦੀ ਮੰਨੀਏ ਤਾਂ ਇਹ ਫਿਲਮ ਦਾ ਮੁੱਖ ਗੀਤ ਵੀ ਹੋਵੇਗਾ, ਜਿਸ ਦਾ ਇਸਤੇਮਾਲ ਫਿਲਮ ਦੇ ਪ੍ਰਮੋਸ਼ਨ ਵਿੱਚ ਵੀ ਕੀਤਾ ਜਾਏਗਾ। ਇਸੇ ਦੌਰਾਨ ਕੈਟਰੀਨਾ ਨੇ ਆਪਣੀ ਅਗਲੀ ਫਿਲਮ ‘ਜੀ ਲੇ ਜ਼ਰਾ’ ਵੀ ਸਾਈਨ ਕੀਤੀ ਹੈ। ਫਰਹਾਨ ਅਖਤਰ ਦੇ ਨਿਰਦੇਸ਼ਨ ਵਾਲੀ ਇਸ ਫਿਲਮ ਵਿੱਚ ਉਹ ਪਹਿਲੀ ਵਾਰ ਆਲੀਆ ਭੱਟ ਅਤੇ ਪ੍ਰਿਅੰਕਾ ਚੋਪੜਾ ਦੇ ਨਾਲ ਨਜ਼ਰ ਆਏਗੀ।