ਨੋਇਡਾ, 26 ਜੁਲਾਈ (ਪੋਸਟ ਬਿਊਰੋ)- ਦਿੱਲੀ ਨਾਲ ਜੁੜਵੇਂ ਉੱਤਰ ਪ੍ਰਦੇਸ਼ ਦੇ ਸ਼ਹਿਰ ਨੋਇਡਾ ਦੇ ਥਾਣਾ ਸੈਕਟਰ 58 ਦੀ ਪੁਲਸ ਅਤੇ ਐਂਟੀ ਆਟੋ ਥੇਫਟ ਟੀਮ ਨੇ ਐਨ ਆਈ ਬੀ ਚੌਕੀ ਸਾਹਮਣੇ ਸੈਕਟਰ-62 ਨੋਇਡਾ ਤੋਂ ਲਗਜ਼ਰੀ ਵਾਹਨ ਚੋਰੀ ਕਰਨ ਵਾਲੇ ਨਾਗਾਲੈਂਡ ਦੇ ਬਹੁਚਰਚਿਤ ਕੇਤੁ ਗੈਂਗ ਦੇ ਤਿੰਨ ਬੰਦਿਆਂ ਨੂੰ ਗ਼੍ਰਿਫ਼ਤਾਰ ਕੀਤਾ ਹੈ।
ਪੁਲਸ ਜਾਂਚ ਵਿੱਚ ਪਤਾ ਲੱਗਾ ਹੈ ਕਿ ਤਿੰਨੇ ਦੋਸ਼ੀ ਨੈਸ਼ਨਲਪੱਧਰ ਦੇ ਐਥਲੀਟ ਹਨ ਅਤੇਇਹ ਲੋਕ ਆਨ ਡਿਮਾਂਡ ਚੋਰੀ ਦੇ ਵਾਹਨ ਖਰੀਦ ਕੇ ਅੱਗੇ ਵੇਚਦੇ ਸਨ। ਪੁਲਸ ਨੇ ਦੋਸ਼ੀਆਂ ਦੇ ਕੋਲੋਂ ਰੇਂਜ ਰੋਵਰ ਸਮੇਤ 17 ਲਗਜ਼ਰੀ ਕਾਰਾਂ, ਚਾਰ ਮੋਬਾਈਲ ਫ਼ੋਨ ਅਤੇ ਹੋਰ ਸਾਮਾਨ ਬਰਾਮਦ ਕਰ ਕੇ ਦਾਅਵਾ ਕੀਤਾ ਹੈ ਕਿ ਤਿੰਨੇ ਦੋਸ਼ੀ ਅੱਜ ਤਕ 100 ਤੋਂ ਵੱਧ ਚੋਰੀ ਦੇ ਵਾਹਨ ਖਰੀਦ ਕੇ ਅੱਗੇ ਵੇਚ ਚੁੱਕੇ ਹਨ।ਨੋਇਡਾ ਜੋਨ ਦੇ ਐਡੀਸ਼ਨਲ ਡੀ ਸੀ ਪੀ ਰਣਵਿਜੈ ਸਿੰਘ ਨੇ ਦੱਸਿਆ ਕਿ ਦੋਸ਼ੀਆਂ ਦੀ ਪਛਾਣਅਮਿਤ ਵਾਸੀਮਹਿਮ, ਜ਼ਿਲ੍ਹਾ ਰੋਹਤਕ (ਹਰਿਆਣਾ), ਅਜਮੇਰ ਸਿੰਘ ਯਾਦਵ ਵਾਸੀ ਦਿਨੋਦ, ਥਾਣਾ ਸਦਰ ਭਿਵਾਨੀ (ਹਰਿਆਣਾ)ਅਤੇ ਸੰਦੀਪ ਵਾਸੀ ਮੁਡਾਂਲ ਥਾਣਾ ਸਦਰ ਭਿਵਾਨੀ (ਹਰਿਆਣਾ)ਵਜੋਂ ਹੋਈ ਹੈ। ਅਮਿਤ ਐਥਲੀਟ ਅਤੇ ਗੋਲਾ ਸੁੱਟਣ ਦਾ ਖ਼ਿਡਾਰੀ ਰਿਹਾ ਹੈ ਅਤੇ ਇਲਾਵਾ ਉਸਦੀ ਪਤਨੀ ਵੀ ਨੈਸ਼ਨਲ ਐਥਲੀਟ ਹੈ। ਦੂਸਰਾ ਦੋਸ਼ੀ ਅਜਮੇਰ ਯਾਦਵ ਰੈਸਲਿੰਗ ਦਾ ਪਲੇਅਰ ਰਿਹਾ ਹੈ। ਇਨ੍ਹਾਂ ਕੋਲੋਂ ਇੱਕ ਡਾਇਰੀ ਵੀ ਮਿਲੀ ਹੈ, ਜਿਸ ਵਿੱਚ ਉਨ੍ਹਾਂ ਗੱਡੀਆਂ ਦਾ ਵੇਰਵਾ ਹੈ, ਜਿਨ੍ਹਾਂ ਦਾ ਨੰਬਰ ਟੈਂਪਰਡ ਕਰ ਕੇ ਹਰਿਆਣਾ, ਦਿੱਲੀ, ਪੰਜਾਬ, ਗਾਜਿਆਬਾਦ, ਮੇਰਠ ਵਿੱਚ ਚਲਾਈਆਂਗਈਆਂ ਹਨ।
ਚੋਰੀ ਦੀਆਂ ਲਗਜ਼ਰੀ ਗੱਡੀਆਂ ਨੂੰ ਟੈਂਪਰ ਕਰਵਾ ਕੇ ਨਾਗਾਲੈਂਡ ਦੇ ਦੀਮਾਪੁਰ ਦੇ ਵਾਸੀ ਕੇਤੁ, ਡੇਵਿਡ ਅਤੇ ਹਾਪਾ ਨੂੰ ਉਚੀਆਂ ਕੀਮਤਾਂ`ਤੇ ਵੇਚੀਆਂ ਜਾਂਦੀਆਂ ਸਨ। ਪੁੱਛਗਿੱਛ ਵਿੱਚ ਪਤਾ ਲੱਗਾ ਹੈ ਕਿ ਨਾਗਾਲੈਂਡ ਦੇ ਇਹ ਦੋਸ਼ੀ ਗੱਡੀਆਂ ਨੂੰ ਮਿਆਂਮਾਰ, ਭੂਟਾਨ ਸਮੇਤ ਕਈ ਥਾਂਵਾਂ`ਤੇ ਵੇਚਦੇ ਹਨ। ਕੇਤੁ ਦਾ ਭਰਾ ਉਥੇ ਨਾਜਾਇਜਕੰਮਾਂ ਵਿੱਚਸ਼ਾਮਲ ਹੈ।ਫੜੇ ਗਏ ਦੋਸ਼ੀ ਲਗਜ਼ਰੀ ਲਾਈਫ ਦੇ ਆਦੀ ਹਨ। ਮਾਸਟਰ ਮਈਂਡ ਅਮਿਤ ਦਾ ਭਿਵਾਨੀ ਵਿੱਚ ਲੱਗਭਗ ਦੋ ਵਿਘੇਵਿੱਚ ਘਰ ਬਣਿਆ ਹੋਇਆ ਹੈ, ਜਿਸ ਦੇ ਚਾਰ ਫਲੋਰ ਹਨ। ਸਭ ਤੋਂ ਹੇਠਲੇ ਫਲੋਰ ਉੱਤੇ ਲੱਗਭਗ ਇੱਕ ਕਰੋੜ ਦੀ ਲਾਗਤ ਦਾ ਜਿਮ ਹੈ। ਇਸਦੇ ਇਲਾਵਾ ਦੋਸ਼ੀ ਆਪਣੀ ਰੋਜਾਨਾ ਦੀ ਡਾਈਟ ਵਿੱਚ ਵੀ 20 ਤੋਂ 25 ਹਜ਼ਾਰ ਰੁਪਏ ਖਰਚ ਕਰਦਾ ਹੈ।