Welcome to Canadian Punjabi Post
Follow us on

18

September 2021
 
ਖੇਡਾਂ

ਪਾਟੇ ਬੂਟਾਂ ਦੀ ਫ਼ੋਟੋ ਪਾ ਕੇ ਜ਼ਿੰਬਾਬਵੇ ਦੇ ਕ੍ਰਿਕਟਰ ਨੇ ਸਪਾਂਸਰ ਹਾਸਲ ਕਰਨ ਦੀ ਅਪੀਲ ਕੀਤੀ

May 24, 2021 11:38 PM

ਹਰਾਰੇ, 24 ਮਈ (ਪੋਸਟ ਬਿਊਰੋ)- ਵਿੱਤੀ ਸੰਕਟ ਖੜਾ ਹੋਣ ਤੋਂ ਨਿਰਾਸ਼ ਹੋਏ ਜ਼ਿੰਬਾਬਵੇ ਦੇ ਬੱਲੇਬਾਜ਼ ਰਿਆਨ ਬਰਲ ਨੇ ਆਪਣੇ ਦੇਸ਼ ਵਿੱਚ ਕ੍ਰਿਕਟ ਦੀ ਖਸਤਾਹਾਲਤ ਵੱਲ ਧਿਆਨ ਖਿੱਚਦੇ ਹੋਏ ਪਾਟੇ ਹੋਏ ਬੂਟਾਂ ਦੀ ਤਸਵੀਰ ਪੋਸਟ ਕਰਕੇ ਰਾਸ਼ਟਰੀ ਟੀਮ ਲਈ ਸਪਾਂਸਰ ਵਾਸਤੇ ਅਪੀਲ ਕੀਤੀ ਹੈ।
ਖੱਬੇ ਹੱਥ ਦੇ ਮਿਡਲ ਬੱਲੇਬਾਜ਼ 27 ਸਾਲਾ ਬਰਲ ਨੇ ਜ਼ਿੰਬਾਬਵੇ ਵੱਲੋਂ ਤਿੰਨ ਟੈਸਟ, 18 ਵੰਨ ਡੇ ਕੌਮਾਂਤਰੀ ਅਤੇ 25 ਟੀ-20 ਕੌਮਾਂਤਰੀ ਮੁਕਾਬਲੇ ਖੇਡੇ ਹਨ। ਉਸ ਨੇ ਆਪਣੇ ਬੂਟਾਂ ਦੀ ਤਸਵੀਰ, ਗੇਂਦ ਅਤੇ ਇਸ ਨੂੰ ਠੀਕ ਕਰਨ ਲਈ ਕੁਝ ਸਾਮਾਨ ਦੀ ਤਸਵੀਰ ਟਵੀਟ ਕੀਤੀ ਹੈ।ਜਦੋਂ ਕੁਝ ਕ੍ਰਿਕਟ ਬੋਰਡ ਸਪਾਂਸਰਾਂ ਤੋਂ ਕਰੋੜਾਂ ਡਾਲਰ ਕਮਾ ਰਹੇ ਹਨ, ਤਦ ਬਰਲ ਨੇ ਟਵੀਟ ਕਰਕੇ ਪੁੱਛਿਆ, ‘‘ਕੀ ਕੋਈ ਸੰਭਾਵਨਾ ਹੈ ਕਿ ਸਾਨੂੰ ਕੋਈ ਸਪਾਂਸਰ ਮਿਲੇ, ਜਿਸ ਨਾਲ ਸਾਨੂੰ ਹਰ ਲੜੀ ਮਗਰੋਂ ਆਪਣੇ ਬੂਟਾਂ ਨੂੰ ਗੰਢਣਾ ਨਾ ਪਵੇ।''ਵਿਸ਼ਵ ਕੱਪ 1983 ਤੋਂ ਪਹਿਲਾਂ ਵੰਨ ਡੇ ਕੌਮਾਂਤਰੀ ਟੀਮ ਦਾ ਦਰਜਾ ਹਾਸਲ ਕਰਨ ਵਾਲੇ ਜ਼ਿੰਬਾਬਵੇ ਨੂੰ 1992 ਵਿੱਚ ਟੈਸਟ ਦਰਜਾ ਮਿਲਿਆ ਸੀ, ਪਰ ਪਿਛਲੇ ਕੁਝ ਸਮੇਂ ਤੋਂ ਟੀਮ ਕੌਮਾਂਤਰੀ ਪੱਧਰ ਉੱਤੇ ਜੂਝ ਰਹੀ ਹੈ। ਦੇਸ਼ ਫਲਾਵਰ ਭਰਾਵਾਂ ਐਂਡੀ ਅਤੇ ਗ੍ਰਾਂਟ, ਐਲਿਸਟੀਅਰ ਕੈਂਪਬੇਲ, ਡੇਵ ਹਾਟ, ਹੀਥ ਸਟ੍ਰੀਕ ਅਤੇ ਨਾਲ ਜਾਨਸਨ ਵਰਗੇ ਖ਼ਿਡਾਰੀ ਤਿਆਰ ਕਰਨ ਵਿੱਚ ਅਸਫਲ ਰਿਹਾ ਹੈ। ਇਨ੍ਹਾਂ ਖ਼ਿਡਾਰੀਆਂ ਨੇ ਜ਼ਿੰਬਾਬਵੇ ਦੀ ਪ੍ਰਤੀਨਿਧਤਾ ਕਰਦੇ ਹੋਏ ਕਾਫ਼ੀ ਸਫਲਤਾ ਹਾਸਲ ਕੀਤੀ।ਕੌਮਾਂਤਰੀ ਕ੍ਰਿਕਟ ਕੌਂਸਲ ਨੇ ਸਰਕਾਰੀ ਦਖ਼ਲ ਕਾਰਨ 2019 ਵਿੱਚ ਦੇਸ਼ ਦੇ ਕ੍ਰਿਕਟ ਬੋਰਡ ਨੂੰ ਸਸਪੈਂਡ ਕਰ ਦਿੱਤਾ ਤੇ ਪਿਛਲੇ ਸਾਲ ਟੀਮ ਨੂੰ ਟੀ-20 ਵਿਸ਼ਵ ਕੱਪ ਕੁਆਲੀਫਾਈ ਟੂਰਨਾਮੈਂਟ ਵਿੱਚ ਹਿੱਸਾ ਲੈਣ ਤੋਂ ਰੋਕ ਦਿੱਤਾ ਸੀ। ਬਾਅਦ ਵਿੱਚ ਜ਼ਿੰਬਾਬਵੇ ਨੂੰ ਬਹਾਲ ਕਰ ਦਿੱਤਾ ਗਿਆ। ਹਾਲ ਹੀ ਵਿੱਚ ਪਾਕਿਸਤਾਨ ਨੇ ਜ਼ਿੰਬਾਬਵੇ ਵਿੱਚ ਦੋ ਟੈਸਟਾਂ ਦੀ ਲੜੀ ਵਿੱਚ ਕਲੀਨ ਸਵੀਪ ਕਰਨ ਤੋਂ ਇਲਾਵਾ ਟੀ-20 ਲੜੀ 2-1 ਨਾਲ ਜਿੱਤੀ ਸੀ।

 

 
Have something to say? Post your comment
ਹੋਰ ਖੇਡਾਂ ਖ਼ਬਰਾਂ
ਕ੍ਰਿਸ਼ਨਾ ਨਾਗਰ ਨੇ ਟੋਕੀਓ ਪੈਰਾਲੰਪਿਕ ਵਿੱਚ ਭਾਰਤ ਨੂੰ 5ਵਾਂ ਗੋਲਡ ਦਿਵਾਇਆ
ਭਾਰਤ ਦੀ ਸਨੇਹਾ ਨੇਗੀ ਨੇ ਯੂਥ ਏਸ਼ੀਅਨ ਬਾਕਸਿੰਗ ਚੈਂਪੀਅਨਸ਼ਿਪ ਦਾ ਗੋਲਡ ਮੈਡਲ ਜਿੱਤਿਆ
ਨਿਸ਼ਾਨੇਬਾਜ਼ੀ ਵਿੱਚ ਅਵਨੀ ਲੇਖਰਾ ਨੇ ਭਾਰਤ ਨੂੰ ਪਹਿਲਾ ਸੋਨ ਤਗਮਾ ਦਿਵਾਇਆ
ਟੋਕੀਓ ਪੈਰਾਲੰਪਿਕ ਵਿੱਚ ਭਾਵਨਾ ਪਟੇਲ ਨੇ ਭਾਰਤ ਨੂੰ ਪਹਿਲਾ ਮੈਡਲ ਦਿਵਾ ਕੇ ਇਤਿਹਾਸ ਰਚਿਆ
10 ਕਿਲੋਮੀਟਰ ਪੈਦਲ ਚਾਲ ਵਿੱਚ ਅਮਿਤ ਖੱਤਰੀ ਨੇ ਚਾਂਦੀ ਦਾ ਤਮਗਾ ਜਿੱਤਿਆ
ਟੋਕੀਓ ਤੋਂ ਮੁੜਦੇ ਸਾਰ ਮਹਿਲਾ ਪਹਿਲਵਾਨ ਵਿਨੇਸ਼ ਫੋਗਾਟ ਸਸਪੈਂਡ ਕੀਤੀ ਗਈ
ਟੋਕੀਓ ਨੇ ਕਿਹਾ: ‘ਐਰੀਗਾਤੋ’...ਉਲੰਪਿਕ ਦਾ ਸ਼ਾਨਦਾਰ ਸਮਾਪਤੀ ਸਮਾਰੋਹ
ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਤਿੰਨ ਵਾਰ ਦੀ ਉਲੰਪਿਕ ਜੇਤੂ ਆਸਟ੍ਰੇਲੀਆ ਨੂੰ ਦਿੱਤੀ ਮਾਤ, ਸੈਮੀਫਾਈਨਲ ਵਿਚ ਆਪਣੀ ਜਗ੍ਹਾ ਪੱਕੀ ਕੀਤੀ
ਉਲੰਪਿਕ ਵਿੱਚ ਪੀ ਵੀ ਸਿੰਧੂ ਨੇ ਬੈਡਮਿੰਟਨ ਦਾ ਕਾਂਸੀ ਤਗਮਾ ਜਿੱਤਿਆ
ਟੋਕੀਓ ਓਲੰਪਿਕ : ਭਾਰਤੀ ਹਾਕੀ ਟੀਮ 41 ਸਾਲਾਂ ਮਗਰੋਂ ਸੈਮੀਫਾਈਨਲ ਵਿੱਚ ਪੁੱਜੀ