ਓਨਟਾਰੀਓ, 29 ਅਪਰੈਲ (ਪੋਸਟ ਬਿਊਰੋ) : ਓਨਟਾਰੀਓ ਭਰ ਵਿੱਚ ਚਾਈਲਡ ਕੇਅਰ ਵਰਕਰਜ਼ ਵੀਰਵਾਰ ਤੋਂ ਕੋਵਿਡ-19 ਵੈਕਸੀਨ ਦੀ ਬੁਕਿੰਗ ਸ਼ੁਰੂ ਕਰ ਸਕਦੇ ਹਨ।
ਜਿਹੜੇ ਯੋਗ ਵਰਕਰਜ਼ ਹਨ ਉਹ ਪ੍ਰੋਵਿੰਸੀਅਲ ਵੈਕਸੀਨ ਬੁਕਿੰਗ ਲਾਈਨ ਨੰਬਰ 1-833-943-3900 ਰਾਹੀੰ ਸਵੇਰੇ 8:00 ਵਜੇ ਤੋਂ ਅਪੁਆਇੰਟਮੈਂਟ ਬੁੱਕ ਕਰਵਾ ਸਕਦੇ ਹਨ। ਇਸ ਤੋਂ ਇਲਾਵਾ ਪਬਲਿਕ ਹੈਲਥ ਯੂਨਿਟਸ ਜਿਹੜੀਆਂ ਆਪਣੇ ਬੁਕਿੰਗ ਸਿਸਟਮ ਦੀ ਵਰਤੋਂ ਕਰਦੀਆਂ ਹਨ ਉਨ੍ਹਾਂ ਰਾਹੀਂ ਸਿੱਧਿਆਂ ਵੀ ਬੁਕਿੰਗ ਕੀਤੀ ਜਾ ਸਕਦੀ ਹੈ।
ਪ੍ਰੋਵਿੰਸ ਦਾ ਕਹਿਣਾ ਹੈ ਕਿ ਲਾਇਸੰਸਸ਼ੁਦਾ ਚਾਈਲਡ ਕੇਅਰ ਸੈਟਿੰਗਜ਼ ਵਿੱਚ ਯੋਗ ਵਰਕਰਜ਼ ਨੂੰ ਆਪਣੇ ਇੰਪਲੌਇਰ ਤੋਂ ਹਾਸਲ ਹੋਇਆ ਪੱਤਰ ਬੁਕਿੰਗ ਪੁਆਇੰਟ ਉੱਤੇ ਉਪਲਬਧ ਕਰਵਾਉਣਾ ਹੋਵੇਗਾ ਤੇ ਅਪੁਆਇੰਟਮੈਂਟ ਸਮੇਂ ਪੇਸ਼ ਕਰਨਾ ਹੋਵੇਗਾ। ਆਉਣ ਵਾਲੇ ਹਫਤਿਆਂ ਵਿੱਚ ਗੈਰਲਾਇਸੰਸਸ਼ੁਦਾ ਚਾਈਲਡ ਕੇਅਰ ਸੈਟਿੰਗਜ਼ ਵਿੱਚ ਇਹ ਯੋਗਤਾ ਚਾਈਲਡ ਕੇਅਰ ਵਰਕਰਸ ਤੱਕ ਵੀ ਪਹੁੰਚਾਈ ਜਾਵੇਗੀ।