ਦਰਹਾਮ, 21 ਅਪਰੈਲ (ਪੋਸਟ ਬਿਊਰੋ) : ਹੁਣ ਦਰਹਾਮ ਵਿੱਚ 18 ਸਾਲ ਤੇ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਨੂੰ ਵੀ ਕੋਵਿਡ-19 ਵੈਕਸੀਨ ਲਾਈ ਜਾ ਸਕੇਗੀ।
ਇਸ ਸਬੰਧ ਵਿੱਚ ਐਜੈਕਸ ਤੇ ਪਿੱਕਰਿੰਗ ਵਿੱਚ ਕਲੀਨਿਕਸ ਖੋਲ੍ਹੇ ਜਾ ਰਹੇ ਹਨ ਤੇ ਇੱਥੇ ਅਪੁਆਇੰਟਮੈਂਟਸ ਬੁੱਕ ਕੀਤੀਆਂ ਜਾਣਗੀਆਂ ਤਾਂ ਕਿ ਹੌਟ ਸਪੌਟ ਪੋਸਟਲ ਕੋਡ ਏਰੀਆਜ਼ ਵਿੱਚ ਰਹਿਣ ਵਾਲੇ 18 ਸਾਲ ਤੇ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਜਾਂ ਇਸ ਸਾਲ 18 ਸਾਲ ਦੇ ਹੋਣ ਜਾ ਰਹੇ ਨੌਜਵਾਨਾਂ ਨੂੰ ਵੈਕਸੀਨੇਟ ਕੀਤਾ ਜਾ ਸਕੇ।
ਪਹਿਲਾ ਅਜਿਹਾ ਕਲੀਨਿਕ 75 ਸੈਂਟੇਨੀਅਲ ਰੋਡ ਉੱਤੇ ਐਜੈਕਸ ਕਮਿਊਨਿਟੀ ਸੈਂਟਰ ਉੱਤੇ ਖੋਲ੍ਹਿਆ ਜਾਵੇਗਾ ਤੇ ਇੱਥੇ ਸਿਰਫ ਅਪੁਆਇੰਟਮੈਂਟ ਹੀ ਬੁੱਕ ਕੀਤੀਆਂ ਜਾਣਗੀਆਂ। ਵੀਰਵਾਰ, 22 ਅਪਰੈਲ ਤੋਂ 24 ਅਪਰੈਲ ਤੱਕ ਇਹ ਅਪੁਆਇੰਟਮੈਂਟਸ ਐਲ 1 ਐਸ,ਐਲ1 ਟੀ, ਐਲ 1ਫਾਈਵ, ਐਲ 1 ਐਕਸ ਤੇ ਐਲ 1 ਜ਼ੈੱਡ ਪੋਸਟਲ ਕੋਡਜ਼ ਵਿਖੇ ਸਵੇਰੇ 7:30 ਤੋਂ ਸ਼ਾਮ ਦੇ 6:30 ਵਜੇ ਤੱਕ ਅਪੁਆਇੰਟਮੈਂਟਸ ਉਪਲਬਧ ਹੋਣਗੀਆਂ।
ਬੁੱਧਵਾਰ ਤੋਂ ਆਨਲਾਈਨ ਵੀ ਇਨ੍ਹਾਂ ਕਲੀਨਿਕਸ ਉੱਤੇ ਅਪੁਆਇੰਟਮੈਂਟ ਬੁੱਕ ਕਰਵਾਈਆਂ ਜਾ ਸਕਣਗੀਆਂ। ਫਿਰ ਐਤਵਾਰ ਤੋਂ ਸੁ਼ਰੂ ਹੋ ਕੇ 28 ਮਈ ਤੱਕ ਐਜੈਕਸ ਕਮਿਊਨਿਟੀ ਸੈਂਟਰ ਉੱਤੇ ਹਰ ਐਤਵਾਰ, ਸੋਮਵਾਰ, ਮੰਗਲਵਾਰ ਤੇ ਬੁੱਧਵਾਰ ਨੂੰ 18 ਸਾਲ ਤੇ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਲਈ ਅਪੁਆਇੰਟਮੈਂਟਸ ਬੁੱਕ ਕੀਤੀਆਂ ਜਾਣਗੀਆਂ।