Welcome to Canadian Punjabi Post
Follow us on

17

May 2021
 
ਅੰਤਰਰਾਸ਼ਟਰੀ

ਅਮਿਤ ਸ਼ਾਹ ਦੇ ਬਿਆਨ ਤੋਂ ਬੰਗਲਾਦੇਸ਼ ਦੀ ਸਰਕਾਰ ਭੜਕੀ

April 16, 2021 08:31 AM

* ਬੰਗਲਾਦੇਸ਼ੀ ਵਿਦੇਸ਼ੀ ਮੰਤਰੀ ਨੇ ਕਿਹਾ, ਅਸੀਂ ਭਾਰਤ ਤੋਂ ਕਿਤੇ ਬਿਹਤਰ ਹਾਂ

ਢਾਕਾ, 15 ਅਪਰੈਲ, (ਪੋਸਟ ਬਿਊਰੋ)- ਭਾਰਤ ਦੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਵੱਲੋਂ ਪਿਛਲੇ ਦਿਨੀਂ ਦਿੱਤੇ ਗਏ ਇੱਕ ਬਿਆਨ ਉੱਤੇ ਬੰਗਲਾਦੇਸ਼ ਨੇ ਭੜਕਣ ਵਾਂਗ ਨਰਾਜ਼ਗੀ ਜਤਾਈ ਹੈ। ਬੰਗਲਾ ਦੇਸ਼ ਦੇ ਵਿਦੇਸ਼ ਮੰਤਰੀ ਏ ਕੇ ਅਬਦੁਲ ਮੋਮਨ ਅੱਜ ਭਾਰਤੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦੀ ਉਸ ਟਿੱਪਣੀ ਤੋਂ ਭੜਕ ਗਏ, ਜਿਸ ਵਿਚ ਸ਼ਾਹ ਨੇ ਕਿਹਾ ਸੀ ਕਿ ਬੰਗਲਾਦੇਸ਼ ਦੇ ਗਰੀਬ ਲੋਕ ਭਾਰਤ ਆਉਂਦੇ ਹਨ, ਕਿਉਂਕਿ ਉਥੇ ਉਨ੍ਹਾਂ ਕੋਲ ਲੋੜੀਂਦਾ ਖਾਣ ਨੂੰ ਨਹੀਂ। ਇਸ ਟਿਪਣੀ ਬਾਰੇ ਬੰਗਲਾ ਦੇ ਦੇਸ਼ ਦੇ ਵਿਦੇਸ਼ ਮੰਤਰੀ ਅਬਦੁਲ ਮੋਮਨ ਨੇ ਕਿਹਾ ਕਿ ਕਈ ਗੱਲਾਂ ਵਿਚ ਅਸੀਂ ਭਾਰਤ ਤੋਂ ਬਿਹਤਰ ਹਾਂ,ਸਾਡੇ ਬਾਰੇ ਗੁਆਂਢੀ ਦੇਸ਼ ਦੇ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੂੰ ਬਹੁਤ ਘੱਟ ਜਾਣਕਾਰੀ ਹੈ।
ਵਰਨਣ ਯੋਗ ਹੈ ਕਿ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਇਕ ਬਿਆਨ ਵਿਚ ਕਿਹਾ ਸੀ ਕਿ ਬੰਗਲਾਦੇਸ਼ ਦੇ ਗਰੀਬ ਲੋਕ ਭਾਰਤ ਵਿਚ ਆਉਂਦੇ ਹਨ, ਕਿਉਂਕਿ ਉਥੇ ਉਨ੍ਹਾਂ ਕੋਲ ਲੋੜੀਂਦਾ ਖਾਣਾ ਨਹੀਂ ਹੁੰਦਾ। ਉਸ ਦਾ ਕਹਿਣਾ ਸੀ ਕਿ ਪੱਛਮੀ ਬੰਗਾਲ ਵਿਚ ਭਾਜਪਾ ਦੀ ਸਰਕਾਰ ਆਉਣ ਉੱਤੇ ਇਹ ਘੁਸਪੈਠ ਪੂਰੀ ਤਰ੍ਹਾਂ ਰੋਕੀ ਜਾਵੇਗੀ ਤੇ ਬੰਗਲਾਦੇਸ਼ ਤੋਂ ਹੁੰਦੀ ਘੁਸਪੈਠ ਰੋਕਣਾ ਉਨ੍ਹਾਂ ਦਾ ਏਜੰਡਾ ਹੈ। ਅਮਿਤ ਸ਼ਾਹ ਦੇ ਇਸ ਬਿਆਨ ਉੱਤੇ ਬੰਗਲਾ ਦੇਸ਼ ਦੇ ਵਿਦੇਸ਼ ਮੰਤਰੀ ਏ ਕੇ ਅਬਦੁਲ ਮੋਮਨ ਨੇ ਅੱਜ ਇਤਰਾਜ਼ ਕਰਦਿਆਂ ਕਿਹਾ ਕਿ ਬੰਗਲਾਦੇਸ਼ ਬਾਰੇਅਮਿਤ ਸ਼ਾਹਦੀ ਜਾਣਕਾਰੀ ਬੇਹੱਦ ਸੀਮਤ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਏਦਾਂ ਦੀ ਟਿੱਪਣੀ ਨਾ-ਮੰਨਣਯੋਗ ਹੈ, ਖਾਸ ਕਰ ਕੇ ਉਦੋਂ, ਜਦੋਂ ਬੰਗਲਾ ਦੇਸ਼ ਅਤੇ ਭਾਰਤ ਵਿਚਾਲੇ ਗਹਿਰੇ ਸਬੰਧ ਹਨ, ਕਿਉਂਕਿ ਏਦਾਂ ਦੀ ਬਿਆਨਬਾਜ਼ੀ ਗਲਤਫਹਿਮੀ ਪੈਦਾ ਕਰਦੀ ਹੈ। ਅਬਦੁਲ ਮੋਮੇਨ ਨੇ ਦਾਅਵਾ ਕੀਤਾ ਕਿ ਕਈ ਕੇਸਾਂ ਵਿਚ ਅਸੀਂ ਭਾਰਤ ਨਾਲੋਂ ਬਿਹਤਰ ਹਾਂ।
ਅੱਜ ਏਥੇ ਅਮਿਤ ਸ਼ਾਹ ਦੀ ਟਿੱਪਣੀ ਬਾਰੇ ਪੁੱਛੇ ਜਾਣ ਉੱਤੇ ਬੰਗਲਾ ਦੇਸ਼ ਦੇ ਵਿਦੇਸ਼ ਮੰਤਰੀ ਨੇ ਕਿਹਾ ਕਿ ਇਸ ਦੁਨੀਆ ਦੇ ਕਈ ਬੁੱਧੀਮਾਨ ਲੋਕ ਹਨ, ਜੋ ਕੁਝ ਦੇਖਣ ਪਿੱਛੋਂ ਵੀ ਨਹੀਂ ਦੇਖਣਾ ਚਾਹੁੰਦੇ। ਉਹ ਇਸ ਨੂੰ ਜਾਣਨ ਪਿੱਛੋਂ ਵੀ ਸਮਝਣਾ ਨਹੀਂ ਚਾਹੁੰਦੇ, ਪਰ ਜੇ ਉਨ੍ਹਾਂ ਇਹ ਕਿਹਾ ਹੈ ਤਾਂ ਮੈਂ ਕਹਾਂਗਾ ਕਿ ਬੰਗਲਾਦੇਸ਼ ਬਾਰੇ ਉਨ੍ਹਾਂ ਦਾ ਗਿਆਨ ਸੀਮਤ ਹੈ। ਬੰਗਲਾ ਦੇਸ਼ ਵਿਚ ਭੁੱਖ ਨਾਲ ਕਦੇਵੀ ਕਿਸੇ ਦੀ ਮੌਤ ਨਹੀਂ ਹੁੰਦੀ। ਸਾਡੇ ਦੇਸ਼ ਦੇ ਉੱਤਰੀ ਜਿ਼ਲਿਆਂ ਵਿਚ ਸਿਰਫ ਮੌਸਮੀ ਗਰੀਬੀ ਅਤੇ ਭੁੱਖ ਹੈ। ਮੋਮੇਨ ਨੇ ਕਿਹਾ ਕਿ ਅਸੀਂ ਭਾਰਤ ਤੋਂ ਕਈ ਗੱਲਾਂ ਵਿਚ ਬਿਹਤਰ ਹਾਂ। ਭਾਰਤ ਵਿਚ 50 ਫੀਸਦੀ ਤੋਂ ਵੱਧ ਲੋਕਾਂ ਕੋਲ ਟਾਇਲੇਟਸ ਨਹੀਂ ਹਨ, ਪਰ ਬੰਗਲਾ ਦੇਸ਼ ਵਿੱਚ ਲਗਭਗ 90 ਫੀਸਦੀ ਲੋਕ ਕਾਫੀ ਚੰਗੇ ਟਾਇਲੇਟਸ ਦੀ ਵਰਤੋਂ ਕਰਦੇ ਹਨ, ਇਹ ਜਾਣਕਾਰੀਵੀ ਸ਼ਾਇਦ ਅਮਿਤ ਸ਼ਾਹ ਨੂੰ ਨਹੀਂ।

 
Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਨੇਪਾਲ ਵਿੱਚ ਭਰੋਸੇ ਦੀ ਵੋਟ ਨਾ ਲੈ ਸਕੇ ਪ੍ਰਧਾਨ ਮੰਤਰੀ ਕੇ ਪੀ ਓਲੀ ਨੂੰ ਫਿਰ ਉਹੋ ਕੁਰਸੀ ਮਿਲੇਗੀ
ਇਜ਼ਰਾਈਲ ਦੇ ਕੁਝ ਸ਼ਹਿਰਾਂ ਵਿੱਚ ਦੰਗੇ ਭੜਕੇ, ਗਾਜ਼ਾ ਪੱਟੀ ਵਿੱਚ 83 ਮੌਤਾਂ
ਕੈਨੇਡਾ ਨੇ ਦਿੱਤੀ ਚੇਤਾਵਨੀ, ਤੇਲ ਲਾਈਨ ਬੰਦ ਕਰਨ ਸਦਕਾ ਅਮਰੀਕਾ ਨਾਲ ਸਬੰਧ ਪੈ ਸਕਦੇ ਹਨ ਕਮਜ਼ੋਰ
ਨੀਰਵ ਮੋਦੀ ਵੱਲੋਂ ਭਾਰਤ ਹਵਾਲਗੀ ਫ਼ੈਸਲੇ ਦੇ ਖ਼ਿਲਾਫ਼ ਲੰਡਨ ਕੋਰਟ ਵਿੱਚ ਅਪੀਲ
ਨੇਪਾਲ ਨੇ ਪਰਬਤਾਰੋਹੀਆਂ ਤੋਂ ਆਕਸੀਜਨ ਦੇ ਸਿਲੰਡਰ ਮੰਗੇ
ਪਾਕਿਸਤਾਨ ਐੱਫ ਏ ਟੀ ਐੱਫ ਦੀਆਂ ਮੰਗਾਂ ਪੂਰੀਆਂ ਕਰਨ ਲਈ ਨਵੇਂ ਨਿਯਮ ਬਣਾਉਣ ਲੱਗਾ
ਅਮਰੀਕਾ `ਚ ਹੈਕਰਾਂ ਦਾ ਤੇਲ ਪਾਈਪ ਲਾਈਨ ਸਿਸਟਮ ਉੱਤੇ ਹਮਲਾ
ਮਾਸਕ ਨਾ ਪਾਉਣ ਉੱਤੇ ਭਾਰਤੀ ਮੂਲ ਦੀ ਔਰਤ ਨੂੰ ਲੱਤ ਕੱਢ ਮਾਰੀ
ਰੂਸ ਦੇ ਸਕੂਲ ਵਿੱਚ ਹੋਈ ਸ਼ੂਟਿੰਗ ਵਿੱਚ 7 ਵਿਦਿਆਰਥੀਆਂ ਦੀ ਹੋਈ ਮੌਤ, ਇੱਕ ਟੀਚਰ ਵੀ ਮਾਰਿਆ ਗਿਆ
ਨਿਊਜ਼ੀਲੈਂਡ ਦੀ ਸੁਪਰਮਾਰਕਿਟ ਵਿੱਚ ਇੱਕ ਸਿਰਫਿਰੇ ਨੇ ਚਾਕੂ ਨਾਲ ਕੀਤਾ ਹਮਲਾ, 5 ਜ਼ਖ਼ਮੀ