ਟੋਰਾਂਟੋ, 13 ਅਪਰੈਲ (ਪੋਸਟ ਬਿਊਰੋ) : ਟੋਰਾਂਟੋ ਦੇ ਤਿੰਨ ਕੋਵਿਡ-19 ਹੌਟਸਪੌਟਸ ਵਿੱਚ ਹੁਣ 18 ਤੋਂ 49 ਸਾਲ ਉਮਰ ਵਰਗ ਦਰਮਿਆਨ ਲੋਕ ਯੂਨੀਵਰਸਿਟੀ ਹੈਲਥ ਨੈੱਟਵਰਕ (ਯੂ ਐਚ ਐਨ) ਰਾਹੀਂ ਵੈਕਸੀਨੇਸ਼ਨ ਲਈ ਰਜਿਸਟਰੇਸ਼ਨ ਕਰਵਾ ਸਕਣਗੇ।
ਇਸ ਲਈ ਪੋਸਟਲ ਕੋਡਜ਼ ਹਨ : ਐਮ 5 ਵੀ, ਐਮ 6 ਈ, ਐਮ 6 ਐਚ। ਯੂ ਐਚ ਐਨ ਵੱਲੋਂ ਇਹ ਵੀ ਸਪਸ਼ਟ ਕੀਤਾ ਗਿਆ ਕਿ ਇਹ ਰਜਿਸਟ੍ਰੇਸ਼ਨ ਕੋਈ ਅਪੁਆਇੰਟਮੈਂਟ ਬੁਕਿੰਗ ਸਿਸਟਮ ਨਹੀਂ ਹੈ। ਇੱਕ ਵਾਰੀ ਤੁਹਾਡੇ ਵੱਲੋਂ ਰਜਿਸਟਰ ਕਰ ਲੈਣ ਉੱਤੇ ਜਦੋਂ ਵੀ ਕੋਈ ਅਪੁਆਇੰਟਮੈਂਟ ਉਪਲਬਧ ਹੋਵੇਗੀ ਤਾਂ ਯੂ ਐਚ ਐਨ ਵੱਲੋਂ ਤੁਹਾਡੇ ਨਾਲ ਸੰਪਰਕ ਕੀਤਾ ਜਾਵੇਗਾ।ਮਰੀਜ਼ ਤੇ ਯੂ ਐਚ ਐਨ ਦੇ ਮਰੀਜ਼ਾਂ ਦੇ ਕੇਅਰਗਿਵਰਜ਼ ਵੀ ਰਜਿਸਟਰ ਕਰਵਾਉਣ ਲਈ ਯੋਗ ਹੋਣਗੇ। ਯੋਗ ਤਰਜੀਹੀ ਗਰੁੱਪਜ਼ ਦੀ ਲੰਮੀ ਸੂਚੀ ਯੂ ਐਚ ਐਨ ਦੀ ਵੈੱਬਸਾਈਟ ਉੱਤੇ ਪੋਸਟ ਕੀਤੀ ਗਈ ਹੈ।
ਯੂ ਐਚ ਐਨ ਨੇ ਆਖਿਆ ਕਿ ਇਹ ਰਜਿਸਟਰੀ ਉਨ੍ਹਾਂ ਲੋਕਾਂ ਲਈ ਹੈ ਜਿਹੜੇ ਵੈਕਸੀਨ ਦੀ ਪਹਿਲੀ ਡੋਜ਼ ਚਾਹੁੰਦੇ ਹਨ।ਯੋਗ ਰੈਜ਼ੀਡੈਂਟਸ ਲਈ ਮੰਗਲਵਾਰ ਸਵੇਰੇ ਯੌਰਕ ਰੀਜਨ ਵੱਲੋਂ ਹੋਰ ਅਪੁਆਇੰਟਮੈਂਟਸ ਜਾਰੀ ਕੀਤੀਆਂ ਜਾਣਗੀਆਂ।ਵੈਕਸੀਨ ਉਪਲਬਧ ਹੋਣ ਦੇ ਨਾਲ ਹੀ ਅੰਦਾਜ਼ਨ 11,000 ਹੋਰ ਅਪੁਆਇੰਟਮੈਂਟਸ ਵੀ ਉਪਲਬਧ ਕਰਵਾਈਆਂ ਜਾਣਗੀਆਂ।