Welcome to Canadian Punjabi Post
Follow us on

17

May 2021
 
ਅੰਤਰਰਾਸ਼ਟਰੀ

ਚਰਚਿਤ ਭਾਰਤੀ ਕਾਰੋਬਾਰੀ ਅਡਾਨੀ ਦੀ ਕੰਪਨੀ ਤੋਂ ਨਿਊਜ਼ੀਲੈਂਡ ਵਿੱਚ ਪੁਆੜਾ ਪੈਣਾ ਸ਼ੁਰੂ

April 08, 2021 09:53 AM

* ਸਰਕਾਰ ਨੇ ਨਿਵੇਸ਼ ਕਰਨ ਵਾਲੇ ਅਦਾਰੇ ਤੋਂ ਜਵਾਬ ਮੰਗਿਆ


ਆਕਲੈਂਡ, 7 ਅਪਰੈਲ, (ਪੋਸਟ ਬਿਊਰੋ)- ਭਾਰਤ ਦੇ ਇੱਕ ਬਹੁ-ਚਰਚਿਤ ਕਾਰੋਬਾਰੀ ਘਰਾਣੇ ਅਡਾਨੀ ਗਰੁੱਪ ਦੀ ਇੱਕ ਕੰਪਨੀ ਤੋਂ ਨਿਊਜ਼ੀਲੈਂਡ ਦੀ ਗਰੀਨ ਪਾਰਟੀ ਨਾਰਾਜ਼ ਹੈ, ਕਿਉਂਕਿ ਇਹ ਅਦਾਰਾ ਫ਼ੌਜੀ ਹਕੂਮਤ ਵਾਲੇ ਦੇਸ਼ ਮੀਆਂਮਾਰ ਵਿੱਚ ਪੋਰਟ ਬਣਾ ਰਿਹਾ ਹੈ। ਇਹ ਮੁੱਦਾ ਇਸ ਲਈ ਭੜਕਿਆ ਕਿ ਏਥੇ ਸਰਕਾਰੀ ਅਦਾਰੇ ‘ਨਿਊਜ਼ੀਲੈਂਡ ਸੁਪਰ ਫੰਡ’ ਵੱਲੋਂ ਅਡਾਨੀ ਗਰੁੱਪ ਦੀ ਕੰਪਨੀ ਵਿੱਚ ਨਿਵੇਸ਼ ਕੀਤਾ ਜਾ ਰਿਹਾ ਹੈ। ਇਹ ਆਮ ਪ੍ਰਭਾਵ ਹੈ ਕਿ ਮੀਆਂਮਾਰ ਵਿੱਚ ਫ਼ੌਜੀ ਰਾਜ ਪਲਟਾ ਕਰਨ ਵਾਲੀ ਸਰਕਾਰ ਦੇ ਕੰਟਰੋਲ ਹੇਠਲੇ ਦੇਸ਼ ਵਿੱਚ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਹੁੰਦੀ ਹੈ, ਇਸ ਲਈ ਅਜਿਹੇ ਦੇਸ਼ ’ਚ ਨਿਊਜ਼ੀਲੈਂਡ ਵੱਲੋਂਕੋਈ ਵੀ ਨਿਵੇਸ਼ ਕਰਨਾ ਨੈਤਿਕ ਤੌਰ ਉੱਤੇ ਗ਼ਲਤ ਹੈ।
ਨਿਊਜ਼ੀਲੈਂਡ ਦੇ ਕੌਮੀ ਮੀਡੀਆ ਦੀ ਰਿਪੋਰਟ ਅਨੁਸਾਰ ਨਿਊਜ਼ੀਲੈਂਡ ਵਿੱਚ ਲੇਬਰ ਪਾਰਟੀ ਨਾਲ ਸਰਕਾਰ ਵਿੱਚ ਭਾਈਵਾਲ ਗਰੀਨ ਪਾਰਟੀ ਦੀ ਵਿਦੇਸ਼ ਮਾਮਲਿਆਂ ਬਾਰੇ ਬੁਲਾਰਾ ਗੋਲਰਿਜ਼ ਗਰਾਹਮੈਨ ਨੇ ਇਸ ਦੇਸ਼ ਦੇ ਸਰਕਾਰੀ ਅਦਾਰੇ ਵੱਲੋਂ ਅਡਾਨੀ ਗਰੁੱਪ ਦੀ ਕੰਪਨੀ ਰਾਹੀਂ ਨਿਵੇਸ਼ ਕਰਨ ਦੀ ਕਰੜੀ ਆਲੋਚਨਾ ਕੀਤੀ ਅਤੇਨਿਊਜ਼ੀਲੈਂਡ ਸਰਕਾਰ ਦੇ ਇਸ ਕਦਮ ਨੂੰ ਅੱਤਿਆਚਾਰ ਅਤੇ ਜੁਰਮ ਕਰਨ ਵਾਲਾ ਆਖਿਆ ਹੈ।
ਦੂਸਰੇ ਪਾਸੇ ਡੈਮੋਕਰੇਸੀ ਫਾਰ ਮੀਆਂਮਾਰ ਦੀ ਇਕ ਔਰਤ ਆਗੂਨੇ ਕਿਹਾ ਕਿ ਨਿਊਜ਼ੀਲੈਂਡ ਦੇ ਲੋਕ ਮੀਆਂਮਾਰ ਵਿਚਲੀ ਫ਼ੌਜੀ ਸਰਕਾਰ ਦੀ ਮਦਦ ਨਹੀਂ ਕਰਨਗੇ। ਨਿਵੇਸ਼ ਉਤਸ਼ਾਹਤ ਕਰਨ ਵਾਲੀ ਚੈਰਿਟੀ ‘ਮਾਈਂਡਫੁੱਲ ਮਨੀ’ ਦੇ ਅਧਿਕਾਰੀ ਬੈਰੀ ਕੋਟਸ ਨੇ ਵੀ ਕਿਹਾ ਕਿ ਮੀਆਂਮਾਰ ’ਚ ਕੀਤਾ ਜਾ ਰਿਹਾ ਨਿਵੇਸ਼ ਨੈਤਿਕ ਪੱਖੋਂ ਠੀਕ ਨਹੀਂ।
ਇਸ ਬਾਰੇ ‘ਨਿਊਜ਼ੀਲੈਂਡ ਸੁਪਰ ਫੰਡ’ ਅਦਾਰੇ ਵੱਲੋਂ ਜਾਰੀ ਕੀਤੇ ਬਿਆਨ ਮੁਤਾਬਕ ਸੁਪਰ ਫੰਡ ਵੱਲੋਂ ਜਿਹੜੀਆਂ ਕੰਪਨੀਆਂ ਰਾਹੀਂ ਨਿਵੇਸ਼ ਕੀਤਾ ਜਾਂਦਾ ਹੈ, ਕਈ ਵਾਰ ਉਨ੍ਹਾਂ ਉੱਤੇ ਦੋਸ਼ ਲੱਗ ਜਾਂਦੇ ਤੇ ਵਿਵਾਦਾਂ ਵਿੱਚ ਆ ਜਾਂਦੀਆਂ ਹਨ, ਪਰ ਉਨ੍ਹਾਂ ਨੂੰ ਤਸੱਲੀ ਹੈ ਕਿ ਉਹ ਸਿਰਫ਼ ਨੈਤਿਕ ਪੱਧਰ ਵਾਲੀ ਇਨਵੈਸਟਮੈਂਟ ਕਰਦੇ ਹਨ। ਇਸ ਬਾਰੇ ਵਿਦੇਸ਼ ਮੰਤਰੀ ਗਰਾਂਟ ਰੌਬਰਸਟਨ ਨੇ ਵੀ ਸੁਪਰ ਫੰਡ ਅਦਾਰੇ ਤੋਂ ਜਵਾਬ ਮੰਗਿਆ ਹੈ। ਵਰਨਣ ਯੋਗ ਹੈ ਕਿ ਅਡਾਨੀ ਕੰਪਨੀ ਮੀਆਂਮਾਰ ’ਚ ਪੋਰਟ ਦੀ ਉਸਾਰੀ ਕਰ ਕੇ ਓਥੋਂ ਦੀ ਇਕ ਫ਼ੌਜੀ ਕੰਪਨੀ ਨੂੰ ਲੀਜ਼ ਫੀਸ ਵਾਸਤੇ ਲੱਖਾਂ ਡਾਲਰ ਦੇ ਰਹੀ ਹੈ।
ਇਸ ਦੌਰਾਨ ਅਡਾਨੀ ਕੰਪਨੀ ਨੇ ਮੀਆਂਮਾਰ ’ਚ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਦੀ ਨਿਖੇਧੀ ਕਰਦਿਆਂ ਕਿਹਾ ਕਿ ਕੰਪਨੀ ਬਹੁਤ ਧਿਆਨ ਨਾਲ ਸਾਰੇ ਹਾਲਾਤ ਨੂੰ ਵੇਖ ਰਹੀ ਹੈ।

 
Have something to say? Post your comment
ਹੋਰ ਅੰਤਰਰਾਸ਼ਟਰੀ ਖ਼ਬਰਾਂ
ਨੇਪਾਲ ਵਿੱਚ ਭਰੋਸੇ ਦੀ ਵੋਟ ਨਾ ਲੈ ਸਕੇ ਪ੍ਰਧਾਨ ਮੰਤਰੀ ਕੇ ਪੀ ਓਲੀ ਨੂੰ ਫਿਰ ਉਹੋ ਕੁਰਸੀ ਮਿਲੇਗੀ
ਇਜ਼ਰਾਈਲ ਦੇ ਕੁਝ ਸ਼ਹਿਰਾਂ ਵਿੱਚ ਦੰਗੇ ਭੜਕੇ, ਗਾਜ਼ਾ ਪੱਟੀ ਵਿੱਚ 83 ਮੌਤਾਂ
ਕੈਨੇਡਾ ਨੇ ਦਿੱਤੀ ਚੇਤਾਵਨੀ, ਤੇਲ ਲਾਈਨ ਬੰਦ ਕਰਨ ਸਦਕਾ ਅਮਰੀਕਾ ਨਾਲ ਸਬੰਧ ਪੈ ਸਕਦੇ ਹਨ ਕਮਜ਼ੋਰ
ਨੀਰਵ ਮੋਦੀ ਵੱਲੋਂ ਭਾਰਤ ਹਵਾਲਗੀ ਫ਼ੈਸਲੇ ਦੇ ਖ਼ਿਲਾਫ਼ ਲੰਡਨ ਕੋਰਟ ਵਿੱਚ ਅਪੀਲ
ਨੇਪਾਲ ਨੇ ਪਰਬਤਾਰੋਹੀਆਂ ਤੋਂ ਆਕਸੀਜਨ ਦੇ ਸਿਲੰਡਰ ਮੰਗੇ
ਪਾਕਿਸਤਾਨ ਐੱਫ ਏ ਟੀ ਐੱਫ ਦੀਆਂ ਮੰਗਾਂ ਪੂਰੀਆਂ ਕਰਨ ਲਈ ਨਵੇਂ ਨਿਯਮ ਬਣਾਉਣ ਲੱਗਾ
ਅਮਰੀਕਾ `ਚ ਹੈਕਰਾਂ ਦਾ ਤੇਲ ਪਾਈਪ ਲਾਈਨ ਸਿਸਟਮ ਉੱਤੇ ਹਮਲਾ
ਮਾਸਕ ਨਾ ਪਾਉਣ ਉੱਤੇ ਭਾਰਤੀ ਮੂਲ ਦੀ ਔਰਤ ਨੂੰ ਲੱਤ ਕੱਢ ਮਾਰੀ
ਰੂਸ ਦੇ ਸਕੂਲ ਵਿੱਚ ਹੋਈ ਸ਼ੂਟਿੰਗ ਵਿੱਚ 7 ਵਿਦਿਆਰਥੀਆਂ ਦੀ ਹੋਈ ਮੌਤ, ਇੱਕ ਟੀਚਰ ਵੀ ਮਾਰਿਆ ਗਿਆ
ਨਿਊਜ਼ੀਲੈਂਡ ਦੀ ਸੁਪਰਮਾਰਕਿਟ ਵਿੱਚ ਇੱਕ ਸਿਰਫਿਰੇ ਨੇ ਚਾਕੂ ਨਾਲ ਕੀਤਾ ਹਮਲਾ, 5 ਜ਼ਖ਼ਮੀ