ਨਵੀਂ ਦਿੱਲੀ, 12 ਨਵੰਬਰ (ਪੋਸਟ ਬਿਊਰੋ): ਬਾਲੀਵੁਡ ਅਦਾਕਾਰ ਆਸਿਫ ਬਸਰਾ ਨੇ ਖੁਦਕੁਸ਼ੀ ਕਰ ਲਈ ਹੈ। ਪੁਲਿਸ ਅਨੁਸਾਰ ਉਹ ਹਿਮਾਚਲ ਪ੍ਰਦੇਸ਼ ਦੇ ਆਪਣੇ ਘਰ ਵਿਚ ਮ੍ਰਿਤਕ ਮਿਲੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਕਾਂਗੜਾ ਜਿ਼ਲ੍ਹੇ ਦੇ ਧਰਮਸ਼ਾਲਾ ਵਿਚ ਬਸਰਾ ਨੇ ਮੈਕਲੋਡਗੰਜ ਵਿਚ ਜੋਗਿਬਾੜਾ ਰੋਡ `ਤੇ ਸਥਿਤ ਇਕ ਕੈਫੇ ਕੋਲ ਖੁਸਕੁਸ਼ੀ ਕੀਤੀ ਹੈ। ਪੁਲਸ ਵਲੋਂ ਜਾਂਚ ਜਾਰੀ ਹੈ।
ਆਸਿਫ ਬਸਰਾ ਅਨੁਰਾਗ ਕਸ਼ਿਅਪ ਦੀ ਫਿਲਮ ‘ਬਲੈਕ ਫਰਾਈਡੇ’ ਅਤੇ ਰਾਹੁਲ ਢੋਲਕੀਆ ਦੀ ਫਿਲਮ ਪਰਜਾਨੀਆ ਵਿਚ ਨਜ਼ਰ ਆ ਚੁੱਕੇ ਸਨ। ਇਨ੍ਹਾਂ ਫਿਲਮਾਂ ਵਿਚ ਉਨ੍ਹਾਂ ਦੀ ਅਦਾਕਾਰੀ ਲਈ ਬਹੁਤ ਪ੍ਰਸੰਸਾ ਵੀ ਹੋਈ ਸੀ। ਆਸਿਫ ਬਸਰਾ ਨੇ ਲਮਹਾਂ ਫਿਲਮ ਵਿਚ ਵੀ ਅਹਿਮ ਕਿਰਦਾਰ ਨਿਭਾਇਆ ਸੀ। 53 ਸਾਲਾ ਆਸਿਫ ਬਸਰਾ ਸੁਪਰਹਿਟ ਵੇਬ ਸੀਰੀਜ਼ ‘ਪਤਾਲ ਲੋਕ’ ਅਤੇ ‘ਹਾਸਟੇਜੇਸ’ ਵਿਚ ਵੀ ਕੰਮ ਕਰ ਚੁੱਕੇ ਸਨ।