Welcome to Canadian Punjabi Post
Follow us on

25

September 2021
 
ਖੇਡਾਂ

ਭਾਰਤੀ ਖਿਡਾਰੀ ਪੰਘਾਲ ਮੁੱਕੇਬਾਜ਼ੀ ਰੈਂਕਿੰਗ ਦੇ ਨੰਬਰ ਇੱਕ ਬਣੇ

February 15, 2020 12:19 AM

ਨਵੀਂ ਦਿੱਲੀ, 14 ਫਰਵਰੀ (ਪੋਸਟ ਬਿਊਰੋ)- ਵਿਸ਼ਵ ਚੈਂਪੀਅਨਸ਼ਿਪ ਦੇ ਚਾਂਦੀ ਦਾ ਤਮਗਾ ਜਿੱਤਣ ਵਾਲੇ ਅਮਿਤ ਪੰਘਾਲ (52 ਕਿਲੋਗਰਾਮ) ਨੂੰ ਅੰਤਰਰਾਸ਼ਟਰੀ ਓਲੰਪਿਕ ਕਮੇਟੀ (ਆਈ ਓ ਸੀ) ਦੇ ਮੁੱਕੇਬਾਜ਼ੀ ਕਾਰਜਬਲ ਨੇ ਅਗਲੇ ਮਹੀਨੇ ਹੋ ਰਹੀ ਓਲੰਪਿਕ ਕਵਾਲੀਫਾਇਰ ਤੋਂ ਪਹਿਲੇ ਨੰਬਰ ਇੱਕ ਰੈਂਕਿੰਗ ਦਿੱਤੀ ਹੈ।
ਹਰਿਆਣਾ ਦੇ ਪੰਘਾਲ ਇੱਕ ਦਹਾਕੇ ਤੋਂ ਵੀ ਵੱਧ ਸਮੇਂ ਵਿੱਚ ਇਸ ਸ਼੍ਰੇਣੀ ਵਿੱਚ ਚੋਟੀ ਦੀ ਵਿਸ਼ਵ ਰੈਂਕਿੰਗ ਹਾਸਲ ਕਰਨ ਵਾਲੇ ਪਹਿਲੇ ਭਾਰਤੀ ਮੁੱਕੇਬਾਜ਼ ਹਨ। ਓਲੰਪਿਕ ਤਾਂਬੇ ਦਾ ਤਮਗਾ ਜੇਤੂ ਵਿਜੇਂਦਰ ਸਿੰਘ 2009 ਵਿੱਚ ਚੋਟੀ ਦੀ ਰੈਕਿੰਗ ਹਾਸਲ ਕਰਨ ਵਾਲੇ ਪਹਿਲੇ ਭਾਰਤੀ ਮੁੱਕੇਬਾਜ਼ ਬਣੇ ਸਨ, ਜਦ ਉਨ੍ਹਾਂ ਵਿਸ਼ਵ ਚੈਂਪੀਅਨਸ਼ਿਪ ਦੇ 75 ਕਿਲੋਗਰਾਮ ਵਰਗ ਵਿੱਚ ਤਾਂਬੇ ਦਾ ਤਮਗਾ ਜਿੱਤਿਆ ਸੀ। ਮੁੱਕੇਬਾਜ਼ੀ ਕਾਰਜਬਲ ਦੀ ਸੂਚੀ ਅਨੁਸਾਰ 24 ਸਾਲ ਦੇ ਪੰਘਾਲ 420 ਅੰਕਾਂ ਨਾਲ ਚੋਟੀ Ḕਤੇ ਹਨ। ਇਹ ਕਾਰਜਬਲ ਫਿਲਹਾਲ ਓਲੰਪਿਕ ਖੇਡਾਂ ਲਈ ਮੁੱਕੇਬਾਜ਼ੀ ਦਾ ਸੰਚਾਲਨ ਕਰ ਰਿਹਾ ਹੈ। ਏਸ਼ੀਆਈ ਓਲੰਪਿਕ ਕਵਾਲੀਫਾਇਰ ਅਗਲੇ ਮਹੀਨੇ ਜਾਰਡਨ ਵਿੱਚ ਹੋ ਰਹੀ ਹੈ। ਭਾਰਤੀ ਮੁੱਕੇਬਾਜ਼ ਅਮਿਤ ਪੰਘਾਲ ਅਨੁਸਾਰ ਇਹ ਸ਼ਾਨਦਾਰ ਅਹਿਸਾਸ ਹੈ ਅਤੇ ਬੇਸ਼ੱਕ ਮੇਰੇ ਲਈ ਕਾਫੀ ਮਾਇਨੇ ਰੱਖਦਾ ਹੈ ਕਿਉਂਕਿ ਮੈਨੂੰ ਕਵਾਲੀਫਾਇਰ ਵਿੱਚ ਮੁਹਾਰਤ ਹਾਸਲ ਕਰਨ ਵਿੱਚ ਮਦਦ ਮਿਲੇਗੀ। ਦੁਨੀਆ ਦਾ ਨੰਬਰ ਇੱਕ ਖਿਡਾਰੀ ਹੋਣ ਨਾਲ ਤੁਹਾਡਾ ਆਤਮ ਵਿਸ਼ਵਾਸ ਵਧਦਾ ਹੈ।
ਮਹਿਲਾ ਰੈਂਕਿੰਗ ਵਿੱਚ ਐਮ ਸੀ ਮੈਰੀਕਾਮ 51 ਕਿਲੋ ਵਰਗ ਵਿੱਚ ਪੰਜਵੇਂ ਥਾਂ ਅਤੇ ਉਨ੍ਹਾਂ ਦੀ ਮੁਕਾਬਲੇਬਾਜ਼ ਨਿਕਹਤ ਜ਼ਰੀਨ 75 ਅੰਕਾਂ ਨਾਲ 22ਵੇਂ ਥਾਂ ਹੈ। ਲਵਲੀਨਾ ਬੋਰਗੋਹੇਨ 69 ਕਿਲੋਗਰਾਮ ਵਰਗ ਵਿੱਚ ਤੀਸਰੇ ਥਾਂ ਦੇ ਨਾਲ ਚੋਟੀ ਦੇ ਭਾਰਤੀ ਮੁੱਕੇਬਾਜ਼ ਹਨ। ਕਵਿੰਦਰ ਸਿੰਘ ਬਿਸ਼ਟ (57 ਕਿਲੋਗਰਾਮ) ਸੱਤਵੇਂ, ਗੌਰਵ ਬਿਧੂੜੀ 32ਵੇਂ ਸਥਾਨ Ḕਤੇ ਹਨ। ਪੁਰਸ਼ 63 ਕਿਲੋਗਰਾਮ ਭਾਰਤ ਵਰਗ ਵਿੱਚ ਮਨੀਸ਼ ਕੌਸ਼ਿਕ 12ਵੇਂ, ਸ਼ਿਵ ਥਾਪਾ 36ਵੇਂ ਥਾਂ ਹਨ। ਅਨੁਭਵੀ ਮਨੋਜ ਕੁਮਾਰ 69 ਕਿਲੋਗਰਾਮ ਵਰਗ ਵਿੱਚ 71ਵੇਂ, ਜਦ ਕਿ ਆਸ਼ੀਸ਼ 22ਵੇਂ ਨੰਬਰ Ḕਤੇ ਹਨ।

 
Have something to say? Post your comment
ਹੋਰ ਖੇਡਾਂ ਖ਼ਬਰਾਂ
ਕ੍ਰਿਸ਼ਨਾ ਨਾਗਰ ਨੇ ਟੋਕੀਓ ਪੈਰਾਲੰਪਿਕ ਵਿੱਚ ਭਾਰਤ ਨੂੰ 5ਵਾਂ ਗੋਲਡ ਦਿਵਾਇਆ
ਭਾਰਤ ਦੀ ਸਨੇਹਾ ਨੇਗੀ ਨੇ ਯੂਥ ਏਸ਼ੀਅਨ ਬਾਕਸਿੰਗ ਚੈਂਪੀਅਨਸ਼ਿਪ ਦਾ ਗੋਲਡ ਮੈਡਲ ਜਿੱਤਿਆ
ਨਿਸ਼ਾਨੇਬਾਜ਼ੀ ਵਿੱਚ ਅਵਨੀ ਲੇਖਰਾ ਨੇ ਭਾਰਤ ਨੂੰ ਪਹਿਲਾ ਸੋਨ ਤਗਮਾ ਦਿਵਾਇਆ
ਟੋਕੀਓ ਪੈਰਾਲੰਪਿਕ ਵਿੱਚ ਭਾਵਨਾ ਪਟੇਲ ਨੇ ਭਾਰਤ ਨੂੰ ਪਹਿਲਾ ਮੈਡਲ ਦਿਵਾ ਕੇ ਇਤਿਹਾਸ ਰਚਿਆ
10 ਕਿਲੋਮੀਟਰ ਪੈਦਲ ਚਾਲ ਵਿੱਚ ਅਮਿਤ ਖੱਤਰੀ ਨੇ ਚਾਂਦੀ ਦਾ ਤਮਗਾ ਜਿੱਤਿਆ
ਟੋਕੀਓ ਤੋਂ ਮੁੜਦੇ ਸਾਰ ਮਹਿਲਾ ਪਹਿਲਵਾਨ ਵਿਨੇਸ਼ ਫੋਗਾਟ ਸਸਪੈਂਡ ਕੀਤੀ ਗਈ
ਟੋਕੀਓ ਨੇ ਕਿਹਾ: ‘ਐਰੀਗਾਤੋ’...ਉਲੰਪਿਕ ਦਾ ਸ਼ਾਨਦਾਰ ਸਮਾਪਤੀ ਸਮਾਰੋਹ
ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਤਿੰਨ ਵਾਰ ਦੀ ਉਲੰਪਿਕ ਜੇਤੂ ਆਸਟ੍ਰੇਲੀਆ ਨੂੰ ਦਿੱਤੀ ਮਾਤ, ਸੈਮੀਫਾਈਨਲ ਵਿਚ ਆਪਣੀ ਜਗ੍ਹਾ ਪੱਕੀ ਕੀਤੀ
ਉਲੰਪਿਕ ਵਿੱਚ ਪੀ ਵੀ ਸਿੰਧੂ ਨੇ ਬੈਡਮਿੰਟਨ ਦਾ ਕਾਂਸੀ ਤਗਮਾ ਜਿੱਤਿਆ
ਟੋਕੀਓ ਓਲੰਪਿਕ : ਭਾਰਤੀ ਹਾਕੀ ਟੀਮ 41 ਸਾਲਾਂ ਮਗਰੋਂ ਸੈਮੀਫਾਈਨਲ ਵਿੱਚ ਪੁੱਜੀ