ਮਿਸੀਸਾਗਾ, 18 ਜੁਲਾਈ (ਪੋਸਟ ਬਿਊਰੋ) : 1194 ਮੈਥੇਸਨ ਬੋਲੀਵੀਆਰਡ ਈਸਟ, ਮਿਸੀਸਾਗਾ, ਓਨਟਾਰੀਓ ਦੀ ਬੈਤੁਲ ਹਮਦ ਮਸਜਿਦ ਵਿੱਚ ਮੀਟ ਯੂਅਰ ਮੁਸਲਿਮ ਨੇਬਰਜ਼ ਈਵੈਂਟ ਕਰਵਾਇਆ ਜਾ ਰਿਹਾ ਹੈ। ਇਸ ਮੌਕੇ ਆਪ ਸੱਭਨਾਂ ਨੂੰ ਇਸ ਈਵੈਂਟ ਵਿੱਚ ਹਿੱਸਾ ਲੈਣ ਦਾ ਸੱਦਾ ਦਿੱਤਾ ਜਾਂਦਾ ਹੈ। ਤੁਸੀਂ ਸਾਡੀ ਮਸਜਿਦ ਦਾ ਚੰਗੀ ਤਰ੍ਹਾਂ ਦੌਰਾ ਕਰਕੇ ਸਾਡੇ ਤੋਂ ਇਸਲਾਮ ਬਾਰੇ ਕਿਸੇ ਵੀ ਤਰ੍ਹਾਂ ਦੇ ਸਵਾਲਾਂ ਦੇ ਜਵਾਬ ਹਾਸਲ ਕਰ ਸਕਦੇ ਹੋਂ।
ਇਸ ਮੌਕੇ ਇਸਲਾਮ ਦੇ ਸਬੰਧ ਵਿੱਚ ਫਰੀ ਬੁੱਕਸ ਤੇ ਅਹਿਮਦੀਆ ਮੁਸਲਮਾਨਾਂ ਉੱਤੇ ਨਿੱਕੀ ਜਿਹੀ ਦਸਤਾਵੇਜ਼ੀ ਫਿਲਮ ਵੀ ਵਿਖਾਈ ਜਾਵੇਗੀ। ਇਹ ਈਵੈਂਟ ਮਜਲਿਸ ਅੰਸਰੁੱਲ੍ਹਾ ਕੈਨੇਡਾ ਵੱਲੋਂ ਆਯੋਜਿਤ ਕੀਤਾ ਜਾ ਰਿਹਾ ਹੈ। ਇਸ ਨੂੰ ਅਹਿਮਦੀਆ ਮੁਸਲਿਮ ਐਲਡਰਜ਼ ਐਸੋਸਿਏਸ਼ਨ ਵਜੋਂ ਵੀ ਜਾਣਿਆ ਜਾਂਦਾ ਹੈ, ਜੋ ਕਿ ਅਹਿਮਦੀਆ ਮੁਸਲਿਮ ਕਮਿਊਨਿਟੀ ਦੀ ਸਹਾਇਕ ਜਥੇਬੰਦੀ ਹੈ।
ਇਸ ਦੌਰਾਨ ਓਪਨ ਹਾਊਸ 21 ਜੁਲਾਈ, 2019 ਨੂੰ 12:00 ਵਜੇ ਕਰਵਾਇਆ ਜਾਵੇਗਾ। ਇਸ ਮੌਕੇ ਮੀਡੀਆ ਮੈਂਬਰਜ਼ ਹਾਜ਼ਰੀਨ ਤੇ ਕਮਿਊਨਿਟੀ ਆਗੂਆਂ ਨਾਲ ਇੰਟਰਵਿਊਜ਼ ਕਰ ਸਕਣਗੇ।