ਆਦਿੱਤਯ ਰਾਏ ਕਪੂਰ ਦੀ ਪਿਛਲੀ ਫਿਲਮ ‘ਕਲੰਕ’ ਫਲਾਪ ਰਹੀ ਸੀ, ਪਰ ਅੱਗੇ ਉਸ ਦੇ ਖਾਤੇ ਵਿੱਚ ਵੱਡੇ ਬੈਨਰ ਦੀਆਂ ਕਈ ਫਿਲਮਾਂ ਵੀ ਹਨ। ਖਾਸ ਗੱਲ ਇਹ ਹੈ ਕਿ ਇਨ੍ਹਾਂ ਸਭ ਫਿਲਮਾਂ ਵਿੱਚ ਉਹ ਵੈਰਾਇਟੀ ਰੋਲ ਪਲੇਅ ਕਰਦੇ ਨਜ਼ਰ ਆਉਣਗੇ। ਮਹੇਸ਼ ਭੱਟ ਦੀ ‘ਸੜਕ 2’ ਸ਼ੂਟਿੰਗ ਦੀ ਦਹਿਲੀਜ਼ 'ਤੇ ਹੈ ਅਤੇ ਮੰਨਿਆ ਜਾ ਰਿਹਾ ਹੈ ਕਿ ਇਸ ਵਿੱਚ ਉਨ੍ਹਾਂ ਦਾ ਕਿਰਦਾਰ ਦਿਲਚਸਪ ਹੈ। ਕੁਝ ਇਸੇ ਤਰ੍ਹਾਂ ਦੀ ਉਨ੍ਹਾਂ ਦੀ ਆਉਣ ਵਾਲੀ ਫਿਲਮ ‘ਮਲੰਗ’ ਨੂੰ ਲੈ ਕੇ ਵੀ ਅਹਿਮ ਜਾਣਕਾਰੀ ਹੱਥ ਲੱਗੀ ਹੈ। ਸੁਣਨ ਵਿੱਚ ਆਇਆ ਹੈ ਕਿ ‘ਏਕ ਵਿਲੇਨ' ਫੇਮ ਡਾਇਰੈਕਟਰ ਮੋਹਿਤ ਸੂਰੀ ਦੀ ਇਸ ਫਿਲਮ ਵਿੱਚ ਊਹ ਗ੍ਰੇਅ ਸ਼ੇਡ ਵਿੱਚ ਨਜ਼ਰ ਆਉਣਗੇ। ਉਹ ਇਸ ਵਿੱਚ ਸੀਰੀਅਲ ਕਿੱਲਰ ਦੇ ਰੋਲ ਵਿੱਚ ਹਨ ਅਤੇ ਫਿਲਮ ਦੀ ਕਹਾਣਈ ਇੱਕ ਰੇਪ ਕੇਸ 'ਤੇ ਆਧਾਰਤ ਹੈ ਜਿਸ 'ਤੇ ਇੱਕ ਰਿਵੇਂਜ ਡਰਾਮਾ ਲਿਖਿਆ ਗਿਆ ਹੈ।
ਇਸ ਫਿਲਮ ਵਿੱਚ ਆਦਿੱਤਯ ਦੇ ਨਾਲ ਦਿਸ਼ਾ ਪਟਾਨੀ, ਅਨਿਲ ਕਪੂਰ ਅਤੇ ਕੁਣਾਲ ਖੇਮੂ ਨਜ਼ਰ ਆਉਣਗੇ। ਇਸ ਦਾ ਇੱਕ ਸ਼ਡਿਊਲ ਤਾਂ ਪੂਰਾ ਹੋ ਚੁੱਕਾ ਹੈ। ਦੂਸਰੇ ਵਿੱਚ ਬਰਸਾਤ ਦੀ ਵਜ੍ਹਾ ਨਾਲ ਦੇਰੀ ਹੋ ਰਹੀ ਹੈ। ਇਸ ਵਿੱਚ ਟੀਮ ਨੇ ਐਕਸ਼ਨ ਸੀਕਵੈਂਸ ਨੂੰ ਸ਼ੂਟ ਕਰਨਾ ਤੈਅ ਕੀਤਾ ਸੀ। ਫਿਲਮ ਵਿੱਚ ਦਿਸ਼ਾ ਪਟਾਨੀ ਦੇ ਵੀ ਕਈ ਐਕਸ਼ਨ ਸੀਕਵੈਂਸ ਹਨ।
ਇੱਕ ਰਿਪੋਰਟ ਅਨੁਸਾਰ ‘ਕਲੰਕ’ ਦੇ ਫਲਾਪ ਹੋਣ ਦੇ ਬਾਅਦ ਆਦਿੱਤਯ 'ਤੇ ਜ਼ੋਰਦਾਰ ਵਾਪਸੀ ਕਰਨ ਦਾ ਕਾਫੀ ਦਬਾਅ ਸੀ। ਇਸ ਲਈ ਉਨ੍ਹਾਂ ਨੇ ਕਈ ਐਸੀਆਂ ਫਿਲਮਾਂ ਨੂੰ ਨਾ ਕਿਹਾ, ਜਿਨ੍ਹਾਂ ਵਿੱਚ ਉਨ੍ਹਾਂ ਨੂੰ ਪਹਿਲਾਂ ਵਾਂਗ ਦਿਖਾਇਆ ਜਾ ਰਿਹਾ ਸੀ। ਆਦਿੱਤਯ ਅਗਸਤ ਵਿੱਚ ਮਹੇਸ਼ ਭੱਟ ਦੀ ਅਗਲੀ ਫਿਲਮ ‘ਸੜਕ 2’ ਦੇ ਊਟੀ ਵਾਲੇ ਸ਼ਡਿਊਲ ਦੀ ਸ਼ੂਟਿੰਗ ਵਿੱਚ ਰੁਝ ਜਾਣਗੇ। ਹਾਲ ਹੀ ਵਿੱਚ ਉਹ ਵਰਲਡ ਕੱਪ ਦੇ ਮੈਚ ਦਾ ਲੁਤਫ ਉਠਾਉਣ ਇੰਗਲੈਂਡ ਗਏ ਸਨ। ਜਲਦ ਹੀ ਉਹ ਉਥੋਂ ਵਾਪਸ ਆ ਸਕਦੇ ਹਨ।