ਨੈਟਫਲਿਕਸ ਅਗਲੇ ਸਾਲ ਵਿੱਚ ਪੰਜ ਨਵੇਂ ਸ਼ੋਅ ਲਿਆਉਣ ਦੀ ਤਿਆਰੀ 'ਚ ਹੈ। ਇਸ ਵਿੱਚ ਅਨੁਸ਼ਕਾ ਸ਼ਰਮਾ ਦੀ ਕੰਪਨੀ ਵੱਲੋਂ ਤਿਆਰ ਕੀਤਾ ਸ਼ੋਅ ‘ਮਾਈ’ ਵੀ ਹੋਵੇਗਾ। ਇਹ ਸ਼ੋਅ 47 ਵਰ੍ਹਿਆਂ ਦੀ ਔਰਤ ਨਾਲ ਜਿਨਸੀ ਛੇੜਛਾੜ ਦੀ ਕਹਾਣੀ 'ਤੇ ਆਧਾਰਤ ਹੋਵੇਗਾ। ਨਿੱਜੀ ਤ੍ਰਾਸਦੀ ਤੋਂ ਬਾਅਦ ਉਹ ਖੁਦ ਨੂੰ ਅਚਾਨਕ ਹਿੰਸਾ ਤੇ ਤਾਕਤ ਦੇ ਚੱਕਰਵਿਊ ਵਿੱਚ ਫਸਿਆ ਪਾਉਂਦੀ ਹੈ। ਉਸ ਨਾਲ ਉਸ ਦੀ ਦੁਨੀਆ ਕਿਵੇਂ ਬਦਲ ਜਾਂਦੀ ਹੈ, ਇਸ ਸ਼ੋਅ ਵਿੱਚ ਦਿਖਾਇਆ ਜਾਵੇਗਾ।
ਸ਼ੋਅ ਦਾ ਲੇਖਨ ਅਤੁਲ ਮੌਂਗੀਆ, ਤਮਾਲ ਸੇਨ, ਅੰਮ੍ਰਿਤਾ ਵਿਆਸ ਅਤੇ ਸੁਦੀਪ ਸ਼ਰਮਾ ਨੇ ਕੀਤਾ ਹੈ। ਇਸ ਤੋਂ ਇਲਾਵਾ ‘ਬਾਂਬੇ ਬੇਗਮਜ਼' ਨੂੰ ਅਲੰਕ੍ਰਿਤਾ ਸ੍ਰੀਵਾਸਤਵ ਨੇ ਲਿਖਿਆ ਤੇ ਨਿਰਦੇਸ਼ਤ ਕੀਤਾ ਹੈ। ਇਹ ਸਮਕਾਲੀ ਭਾਰਤ ਵਿੱਚ ਸੈਟ ਪੰਜ ਔਰਤਾਂ ਦੀ ਕਹਾਣੀ ਹੋਵੇਗੀ। ਅਲੰਕ੍ਰਿਤਾ ਮੁਤਾਬਕ ‘ਬਾਂਬੇ ਬੇਗਮਜ਼’ ਜ਼ਰੀਏ ਸ਼ਹਿਰਾਂ ਵਿੱਚ ਰਹਿੰਦੀਆਂ ਔਰਤਾਂ ਦੀ ਕਹਾਣੀ ਕਹਿਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ। ਮੈਂ ਪੂਰੀ ਇਮਾਦਨਾਰੀ ਨਾਲ ਉਸ ਨੂੰ ਕਹਿਣ ਦੀ ਕੋਸ਼ਿਸ਼ ਕੀਤੀ ਹੈ।