ਵੈਨਕੂਵਰ, 16 ਮਈ (ਪੋਸਟ ਬਿਊਰੋ) : ਵੀਕੈਂਡ ਉੱਤੇ ਵੈਨਕੂਵਰ ਏਰੀਆ ਦੇ ਦੋ ਹੋਟਲਾਂ ਵਿੱਚ ਸ਼ੱਕੀ ਨੋਰੋਵਾਇਰਸ ਆਊਟਬ੍ਰੇਕ ਫੈਲਣ ਕਾਰਨ 100 ਤੋਂ ਵੀ ਵੱਧ ਲੋਕ ਬਿਮਾਰ ਪੈ ਗਏ ਹਨ।
ਐਨਵਾਇਰਮੈਂਟ ਹੈਲਥ ਲਈ ਵੈਨਕੂਵਰ ਕੋਸਟਲ ਹੈਲਥ ਦੀ ਮੈਨੇਜਰ ਕਲਾਡੀਆ ਕੁਰਜ਼ੈਕ ਨੇ ਦੱਸਿਆ ਕਿ ਸੈ਼ਰੇਟਨ ਵੈਨਕੂਵਰ ਏਅਰਪੋਰਟ ਹੋਟਲ ਤੇ ਹਿਲਟਨ ਵੈਨਕੂਵਰ ਏਅਰਪੋਰਟ ਹੋਟਲ ਨੂੰ ਇਸ ਵਾਇਰਸ ਤੋਂ ਪ੍ਰਭਾਵਿਤ ਦੱਸਿਆ ਜਾ ਰਿਹਾ ਹੈ। ਹਾਲਾਂਕਿ ਨੋਰੋਵਾਇਰਸ ਦੀ ਪੁਸ਼ਟੀ ਉਦੋਂ ਤੱਕ ਨਹੀਂ ਹੋ ਸਕਦੀ ਜਦੋਂ ਤੱਕ ਇਸ ਦੇ ਨਤੀਜੇ ਅਗਲੇ ਹਫਤੇ ਤੱਕ ਨਹੀਂ ਆ ਜਾਂਦੇ।
ਏਅਰਪੋਰਟ ਉੱਤੇ ਸੈਰੇਟਨ ਦੇ ਜਨਰਲ ਮੈਨੇਜਰ ਸਟੀਵ ਵੇਅਨੌਟ ਦਾ ਕਹਿਣਾ ਹੈ ਕਿ ਹੋਟਲਾਂ ਵੱਲੋਂ ਆਪਣੇ ਸਾਰੇ ਫਰਸ, ਕਿਚਨ, ਪਬਲਿਕ ਸਪੇਸਿਜ ਤੇ ਗੈਸਟ ਰੂਮਜ ਨੂੰ ਸਾਫ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਆਖਿਆ ਕਿ ਇਹ ਹੋਟਲ ਉਦੋਂ ਤੱਕ ਨਹੀਂ ਖੋਲ੍ਹੇ ਜਾਣਗੇ ਜਦੋਂ ਤੱਕ ਉਨ੍ਹਾਂ ਨੂੰ ਇਹ ਯਕੀਨ ਨਹੀਂ ਹੋ ਜਾਂਦਾ ਕਿ ਉਹ ਪੂਰੀ ਤਰ੍ਹਾਂ ਸੇਫ ਹਨ ਤੇ ਹੈਲਥ ਅਧਿਕਾਰੀ ਉਨ੍ਹਾਂ ਨੂੰ ਹਰੀ ਝੰਡੀ ਨਹੀਂ ਦੇ ਦਿੰਦੇ।
ਵੇਅਨੌਟ ਨੇ ਆਖਿਆ ਕਿ ਵਾਇਰਸ ਦੇ ਸਰੋਤਾਂ ਦੀ ਪਛਾਣ ਅਜੇ ਤੱਕ ਨਹੀਂ ਹੋ ਸਕੀ ਹੈ। ਹਿਲਟਨ ਹੋਟਲ ਤੱਕ ਸੰਪਰਕ ਨਹੀਂ ਕੀਤਾ ਜਾ ਸਕਿਆ।