ਨਵੀਂ ਦਿੱਲੀ, 22 ਮਾਰਚ, (ਪੋਸਟ ਬਿਊਰੋ)- ਪਾਰਲੀਮੈਂਟ ਚੋਣਾਂ ਤੋਂ ਪਹਿਲਾਂ ਸਿਆਸੀ ਪਾਰਟੀਆਂ ਇਕ ਦੂਸਰੇ ਉੱਤੇ ਦੋਸ਼ ਲਾ ਰਹੀਆਂ ਹਨ ਤਾਂ ਏਸੇਦੌਰਾਨ ਕਾਂਗਰਸ ਆਗੂ ਰਣਦੀਪ ਸੂਰਜੇਵਾਲਾ ਨੇ ਕਰਨਾਟਕਤੋਂ ਸੀਨੀਅਰ ਭਾਜਪਾ ਆਗੂ ਬੀ ਐੱਸ ਯੇਦੀਯੁਰੱਪਾ ਉੱਤੇ ਬੇਹੱਦ ਗੰਭੀਰ ਦੋਸ਼ ਲਾਏ ਹਨ। ਉਨ੍ਹਾਂ ਨੇ ਪ੍ਰੈੱਸ ਕਾਨਫਰੰਸ ਵਿੱਚ ਇਹ ਦਾਅਵਾ ਕੀਤਾ ਹੈ ਕਿ ਯੇਦੀਯੁਰੱਪਾ ਨੇ ਭ੍ਰਿਸ਼ਟਾਚਾਰ ਕੀਤਾ ਅਤੇ ਪਾਰਟੀ ਹਾਈ ਕਮਾਨ ਨੂੰ ਪੈਸੇ ਪੁਚਾਏ ਸਨ।
ਰਣਦੀਪ ਸੂਰਜੇਵਾਲਾ ਨੇ ਮੀਡੀਆ ਕੋਲ ਕਿਹਾ, ‘ਸਾਬਕਾ ਮੁੱਖ ਮੰਤਰੀ ਬੀ ਐੱਸ ਯੇਦੀਯੁਰੱਪਾ ਨੇ ਭਾਜਪਾ ਆਗੂਆਂ ਨੂੰ 1800 ਕਰੋੜ ਰੁਪਏ ਦਿੱਤੇ ਸਨ ਅਤੇ ਸਾਡੇ ਕੋਲ ਇਸ ਗੱਲ ਦਾ ਠੋਸ ਸਬੂਤ ਹੈ।` ਉਨ੍ਹਾਂ ਨੇ ਇਹ ਦੋਸ਼ ਇੱਕ ਮੈਗਜ਼ੀਨ ਵਿੱਚਛਪੀਆਂ ਖ਼ਬਰਾਂ ਦੇ ਆਧਾਰ ਉੱਤੇਲਾਏ ਹਨ।ਕਾਂਗਰਸ ਬੁਲਾਰੇ ਰਣਦੀਪ ਸੂਰਜੇਵਾਲਾ ਨੇ ਕਿਹਾ ਕਿ ਜਦੋਂ ਬੀ ਐੱਸ ਯੇਦੀਯੁਰੱਪਾ ਕਰਨਾਟਕ ਦੇ ਮੁੱਖ ਮੰਤਰੀ ਸਨ, ਉਨ੍ਹਾਂ ਨੇ ਭਾਜਪਾ ਦੇ ਸੀਨੀਅਰ ਆਗੂਆਂ ਨੂੰ ਪੈਸੇ ਦਿੱਤੇ ਸਨ, ਜਿਨ੍ਹਾਂ ਵਿੱਚ ਰਾਜਨਾਥ ਸਿੰਘ ਤੋਂ ਲੈ ਕੇ ਅਰੁਣ ਜੇਤਲੀ ਤਕ ਸ਼ਾਮਲ ਸਨ। ਸੂਰਜੇਵਾਲਾ ਨੇ ਭਾਜਪਾ ਹਾਈ ਕਮਾਨ ਉੱਤੇ 1800 ਕਰੋੜ ਰੁਪਏ ਦੀ ਰਿਸ਼ਵਤ ਲੈਣ ਦਾ ਦੋਸ਼ ਲਾ ਕੇ ਪੁੱਛਿਆ ਕਿ ਇਹ ਸਹੀ ਹੈ ਜਾਂ ਗ਼ਲਤ? ਬੀ ਐੱਸ ਯੇਦੀਯੁਰੱਪਾ ਦੇ ਦਸਤਖਤਾਂ ਵਾਲੀ ਡਾਇਰੀ ਸਾਲ 2017 ਤੋਂ ਆਮਦਨ ਟੈਕਸ ਵਿਭਾਗ ਕੋਲ ਸੀ, ਜੇ ਅਜਿਹਾ ਹੈ ਤਾਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਤੇ ਭਾਜਪਾ ਨੇ ਇਸ ਦੀ ਜਾਂਚ ਕਿਉਂਨਾ ਕਰਾਈ?ਸੂਰਜੇਵਾਲਾ ਨੇ ਕਿਹਾ ਕਿ ਭਾਜਪਾ ਦੱਸੇ ਕਿ ਉਹ ਇਸ ਦੀ ਜਾਂਚ ਕਰਾਏਗੀ ਜਾਂ ਨਹੀਂ। ਉਨ੍ਹਾਂ ਕਿਹਾ ਕਿ ਜੇ ਉਸ ਡਾਇਰੀ ਵਿੱਚ ਸੱਚਾਈ ਨਹੀਂ ਤਾਂ ਭਾਜਪਾ ਇਸ ਦੀ ਜਾਂਚ ਕਿਉਂਨਹੀਂ ਕਰਾਉਂਦੀ।