ਸਮੱਗਰੀ-ਡੇਢ ਚਮਚ ਤੇਲ, ਅੱਧਾ ਚਮਚ ਜੀਰਾ, 90 ਗਰਾਮ ਪਿਆਜਡ, ਇੱਕ ਚਮਚ ਅਦਰਕ ਦਾ ਪੇਸਟ, 90 ਗਰਾਮ ਟਮਾਟਰ, ਇੱਕ ਚੌਥਾਈ ਚਮਚ ਹਲਦੀ, ਅੱਧਾ ਚਮਚ ਨਮਕ, ਅੱਧਾ ਚਮਚ ਲਾਲ ਮਿਰਚ ਪਾਊਡਰ, ਅੱਧਾ ਚਮਚ ਗਰਮ ਮਸਾਲਾ, 170 ਗਰਾਮ ਪਨੀਰ, ਅੱਧਾ ਚਮਚ ਮੇਥੀ, ਡੇਢ ਚਮਚ ਧਨੀਆ, ਬਰੈੱਡ, ਰੈੱਡ ਚਿੱਲੀ ਫਲੇਕਸ।
ਵਿਧੀ-ਇਕ ਪੈਨ ਵਿੱਚ ਤੇਲ ਗਰਮ ਕਰ ਕੇ ਜੀਰਾ ਅਤੇ ਪਿਆਜ਼ ਪਾਓ ਤੇ ਚੰਗੀ ਤਰ੍ਹਾਂ ਨਾਲ ਭੁੰਨ ਲਓ। ਫਿਰ ਇਸ ਵਿੱਚ ਹਰੀ ਮਿਰਚ ਤੇ ਅਦਰਕ ਦਾ ਪੇਸਟ ਪਾ ਕੇ ਚਾਰ-ਪੰਜ ਮਿੰਟ ਲਈ ਭੁੰਨ ਲਓ। ਫਿਰ ਇਸ ਵਿੱਚ ਪਿਆਜ, ਟਮਾਟਰ, ਹਲਦੀ, ਨਮਕ, ਗਰਮ ਮਸਾਲਾ ਅਤੇ ਲਾਲ ਮਿਰਚ ਪਾ ਕੇ ਮਿਲਾ ਲਓ। ਇਸ ਤੋਂ ਬਾਅਦ ਇਸ ਵਿੱਚ ਪਨੀਰ, ਮੇਥੀ ਅਤੇ ਧਨੀਆ ਪਾ ਕੇ ਭੁੰਨ ਲਓ। ਫਿਰ ਇੱਕ ਬਰੈੱਡ ਸਲਾਈਸ ਪਾਓ ਅਤੇ ਉਸ 'ਤੇ ਪਨੀਰ ਦੀ ਭੁਰਜੀ ਅਤੇ ਰੈੱਡ ਚਿੱਲੀ ਫਲੇਕਸ ਪਾਓ। ਓਵਨ ਨੂੰ 330 ਡਿਗਰੀ ਐੱਫ/170 ਡਿਗਰੀ ਦੇ ਤਾਪਮਾਨ 'ਤੇ ਗਰਮ ਕਰ ਕੇ ਬਰੈੱਡ ਸਲਾਈਸ ਨੂੰ ਸੱਤ ਤੋਂ 10 ਮਿੰਟ ਲਈ ਭੁੰਨੋ। ਪਨੀਰ ਚੀਜ਼ ਟੋਸਟ ਤਿਆਰ ਹੈ। ਗਰਮਾ ਗਰਮ ਪਰੋਸੋ।