ਬ੍ਰਸੇਲਸ, 21 ਜਨਵਰੀ (ਪੋਸਟ ਬਿਊਰੋ)- ਯੂਰਪੀ ਪਾਰਲੀਮੈਂਟ ਮੈਂਬਰਾਂ ਨੇ ਗੂਗਲ ਅਤੇ ਫੇਸਬੁਕ ਦੀ ਕੰਪਨੀ ਮੇਟਾ ਪਲੇਟਫਾਰਮਸਜ ਨੂੰ ਯੂਜ਼ਰਜ਼ ਨੂੰ ਇਸ਼ਤਿਹਾਰ ਦੇਣ ਦੇ ਕਾਨੂੰਨ ਸਖਤ ਕਰਨ ਲਈ ਵੋਟ ਦਿੱਤਾ ਹੈ। ਇਸ ਵਿੱਚ ਉਨ੍ਹਾਂ ਨਿਯਮਾਂ ਨੂੰ ਸ਼ਾਮਲ ਕੀਤਾ ਗਿਆ ਹੈ, ਜਿਸ ਵਿੱਚ ਇਨ ਪਲੇਟਫਾਰਮਸ ਨੂੰ ਯੂਜ਼ਰਜ਼ ਨੂੰ ਇਸ਼ਤਿਹਾਰ ਟੀਚੇ ਕਰਨ ਦੇ ਲਈ ਨਸਲ ਜਾਂ ਧਰਮ ਵਰਗੇ ਵਿਸ਼ੇ ਉੱਤੇ ਸੰਵੇਦਨਸ਼ੀਲ ਡਾਟਾ ਦਾ ਵਰਤਣ ਤੋਂ ਰੋਕਿਆ ਜਾਏਗਾ। ਉਨ੍ਹਾਂ ਨੂੰ ਆਪਣੇ ਯੂਜ਼ਰਜ਼ ਦੇ ਲਈ ਪ੍ਰਾਡਕਟ ਦੀ ਵਰਤੋਂ ਕਰਦੇ ਹੋਏ ਐਡ ਟਰੈਕਿੰਗ ਤੋਂ ਬਾਹਰ ਰਹਿਣ ਦਾ ਬਦਲ ਚੁਣਨਾ ਸੌਖਾ ਹੋ ਜਾਏਗਾ।
ਇਸ ਸੰਬੰਧ ਵਿੱਚ ਯੂਰਪੀਨ ਪਾਰਲੀਮੈਂਟ ਮੈਂਬਰ ਸੋਸ਼ਲ ਡੈਮੋਕਰੇਟ ਟੈਮੋ ਵਾਲਕੇਨ ਨੇ ਕਿਹਾ, ਇਹ ਵੱਡੀ ਪ੍ਰਾਪਤੀ ਹੈ। ਅਸੀਂ ਵੱਡੀਆਂ ਟੈਕ ਕੰਪਨੀਆਂ ਉੱਤੇ ਰੋਕ ਲਾਉਣ ਦੀ ਮੰਗ ਕਰਦੇ ਅਤੇ ਇਸ਼ਤਿਹਾਰ ਦੇ ਮਕਸਦ ਨਾਲ ਸੰਵੇਦਨਸ਼ੀਲ ਨਿੱਜੀ ਡਾਟਾ ਇਕੱਠਾ ਕਰਨ ਉੱਤੇ ਪਾਬੰਦੀ ਚਾਹੁੰਦੇ ਹਾਂ। ਸਾਲ 2023 ਵਿਚ ਲਾਗੂ ਹੋਣ ਵਾਲੇ ਕਾਨੂੰਨ ਦੇ ਸਬੰਧ ਵਿੱਚ 31 ਜਨਵਰੀ ਤੋਂ ਯੂਰਪੀ ਪਾਰਲੀਮੈਂਟ ਅਤੇ ਯੂਰਪੀਅਨ ਕੌਂਸਲ ਵਿਚਾਲੇ ਸ਼ੁਰੂ ਹੋ ਰਹੀ ਗੱਲਬਾਤ ਮੁਸ਼ਕਲ ਰਹੇਗੀ ਕਿਉਂਕਿ ਯੂਰਪੀ ਮੈਂਬਰ ਦੇਸ਼ਾਂ ਅਤੇ ਯੂਰਪੀਅਨ ਕਮਿਸ਼ਨ ਨੇ ਟੈਕ ਕੰਪਨੀਆਂ ਉੱਤੇ ਸਖਤ ਉਪਾਵਾਂ ਦੀ ਸਿਫਾਰਸ਼ ਨਹੀਂ ਕੀਤੀ। ਉਂਜ ਯੂਰਪੀਅਨ ਕਮਿਸ਼ਨ ਵੱਲੋਂ ਬਣਾਏ ਇਹ ਨਿਯਮ 2023 ਵਿੱਚ ਲਾਗੂ ਹੋ ਸਕਦੇ ਹਨ। ਇਨ੍ਹਾਂ ਵਿੱਚ ਅਸੰਵਿਧਾਨਕ ਪੋਸਟ ਹਟਾ ਕੇ ਆਨਲਾਈਨ ਕੰਟੈਂਟ ਨੂੰ ਕੰਟਰੋਲ ਕਰਨ ਅਤੇ ਅਲਗੋਰਿਦਮ ਦੇ ਬਾਰੇ ਵਿੱਚ ਸੂਚਨਾ ਖੋਜਕਾਰਾਂ ਨੂੰ ਦੇਣ ਬਾਰੇ ਉਪਾਵਾਂ ਦੀ ਸਿਫਾਰਸ਼ ਹੈ। ਵੱਡੀਆਂ ਟੈਕ ਕੰਪਨੀਆਂ ਉੱਤੇ ਨਿਯਮ ਦੀ ਉਲੰਘਣ ਕਰਨ ਉੱਤੇ ਗਲੋਬਲ ਵਿਕਰੀ ਦੇ ਛੇ ਫੀਸਦੀ ਤਕ ਜੁਰਮਾਨੇ ਦਾ ਨਿਯਮ ਲਾਗੂ ਕੀਤਾ ਗਿਆ ਹੈ।