* ਕੁਝ ਜਿ਼ਲਿਆਂ ਦੇ ਡਿਪਟੀ ਕਮਿਸ਼ਨਰ ਵੀ ਬਦਲੇ ਗਏ
ਚੰਡੀਗੜ੍ਹ, 18 ਜਨਵਰੀ, (ਪੋਸਟ ਬਿਊਰੋ)- ਭਾਰਤ ਦੇ ਚੋਣ ਕਮਿਸ਼ਨ ਨੇ ਅਗਲੀਆਂ ਅਸੈਂਬਲੀ ਚੋਣਾਂ ਦਾ ਧਿਆਨ ਕਰ ਕੇਅੱਜ ਮੰਗਲਵਾਰ ਪੰਜਾਬ ਪੁਲਸ ਦੇ 7 ਇੰਸਪੈਕਟਰ ਜਨਰਲ (ਆਈ ਜੀ ਪੀ) ਅਤੇ ਤਿੰਨ ਹੋਰ ਸੀਨੀਅਰ ਅਫਸਰਾਂ ਦੇ ਤਬਾਦਲੇ ਕੀਤੇ ਅਤੇ ਕੁਝ ਡਿਪਟੀ ਕਮਿਸ਼ਨਰ ਵੀ ਬਦਲ ਦਿੱਤੇ ਹਨ।
ਇਸ ਬਾਰੇ ਪੰਜਾਬ ਦੇ ਮੁੱਖ ਚੋਣ ਅਧਿਕਾਰੀ (ਸੀਈਓ) ਡਾ: ਐੱਸ ਕਰੁਣਾ ਰਾਜੂ ਨੇ ਦੱਸਿਆ ਕਿ ਚੋਣ ਕਮਿਸ਼ਨ ਨੇ ਗੁਰਿੰਦਰ ਸਿੰਘ ਢਿੱਲੋਂ, ਜਸਕਰਨ ਸਿੰਘ ਅਤੇ ਮੁਖਵਿੰਦਰ ਸਿੰਘ ਛੀਨਾ (ਤਿੰਨੇਆਈ ਜੀ)ਦੀ ਬਦਲੀ ਪੰਜਾਬ ਪੁਲਿਸ ਹੈੱਡਕੁਆਰਟਰ ਵਿਖੇ ਕਰ ਦਿੱਤੀ ਤੇ ਅਰੁਣ ਪਾਲ ਸਿੰਘ ਨੂੰ ਆਈ ਜੀ ਜਲੰਧਰ ਰੇਂਜ, ਸ਼ਿਵ ਕੁਮਾਰ ਵਰਮਾ ਨੂੰ ਆਈ ਜੀ ਬਠਿੰਡਾ, ਰਾਕੇਸ਼ ਅਗਰਵਾਲ ਨੂੰ ਆਈ ਜੀ ਪਟਿਆਲਾ ਅਤੇ ਪ੍ਰਦੀਪ ਕੁਮਾਰ ਯਾਦਵ ਨੂੰ ਆਈ ਜੀ ਫਰੀਦਕੋਟ ਲਾਇਆ ਹੈ। ਸੁਰਜੀਤ ਸਿੰਘ ਨੂੰ ਡੀਆਈ ਜੀ ਵਿਜੀਲੈਂਸ ਅਤੇ ਕੁਲਜੀਤ ਸਿੰਘ ਨੂੰ ਏਆਈਜੀ ਬਿਊਰੋ ਆਫ ਇਨਵੈਸਟੀਗੇਸ਼ਨ ਲਾਇਆ ਅਤੇ ਪੰਜਾਬ ਦੇ ਡੀਐੱਸਪੀ ਰੈਂਕ ਵਾਲੇ 19 ਪੁਲਸ ਅਧਿਕਾਰੀਆਂ ਦੇ ਤਬਾਦਲੇ ਵੀ ਕਰ ਦਿੱਤੇ ਹਨ।
ਇਹੀ ਨਹੀਂ, ਅੱਜ ਚੋਣ ਕਮਿਸ਼ਨ ਨੇ ਦੋ ਡਿਪਟੀ ਕਮਿਸ਼ਨਰਾਂ ਅਤੇ ਅੱਠ ਐੱਸ ਐੱਸ ਪੀਜ਼ ਵੀ ਬਦਲ ਦਿੱਤੇ ਹਨ। ਇਸ ਵਿੱਚਮੁੱਖ ਚੋਣ ਅਫਸਰ ਡਾ. ਕਰੁਣਾ ਰਾਜੂਦੇ ਦੱਸਣ ਮੁਤਾਬਕ ਆਈਏਐੱਸ ਅਧਿਕਾਰੀ ਗਿਰੀਸ਼ ਦਿਆਲਨ ਨੂੰ ਡਿਪਟੀ ਕਮਿਸ਼ਨਰ ਫਿਰੋਜ਼ਪੁਰ ਤੇ ਵਿਨੀਤ ਕੁਮਾਰ ਨੂੰ ਡਿਪਟੀ ਕਮਿਸ਼ਨਰ ਬਠਿੰਡਾ ਨਿਯੁਕਤ ਕੀਤਾ ਹੈ। ਆਈਪੀ ਐੱਸ ਅਫਸਰ ਹਰਜੀਤ ਸਿੰਘ ਨੂੰ ਐੱਸ ਐੱਸ ਪੀ ਮੋਹਾਲੀ, ਧਰੁਮਨ ਐਚ ਨਿੰਬਲੇ ਨੂੰ ਐੱਸ ਐੱਸ ਪੀਹੁਸ਼ਿਆਰਪੁਰ, ਪਾਟਿਲ ਕੇਤਨ ਬਲੀਰਾਮ ਨੂੰ ਐੱਸ ਐੱਸ ਪੀਲੁਧਿਆਣਾ ਰੂਰਲ, ਦੀਪਕ ਹਿਲੋਰੀ ਨੂੰ ਐੱਸ ਐੱਸ ਪੀਅੰਮ੍ਰਿਤਸਰ ਰੂਰਲ, ਗੁਲਨੀਤ ਸਿੰਘ ਖੁਰਾਣਾ ਨੂੰ ਐੱਸ ਐੱਸ ਪੀਤਰਨ ਤਾਰਨ, ਅਮਨੀਤ ਕੋਂਡਲ ਨੂੰ ਐੱਸ ਐੱਸ ਪੀਬਠਿੰਡਾ, ਸੰਦੀਪ ਕੁਮਾਰ ਮਲਿਕ ਨੂੰ ਐੱਸ ਐੱਸ ਪੀਮੁਕਤਸਰ ਸਾਹਿਬ ਤੇ ਸਰਤਾਜ ਸਿੰਘ ਚਾਹਲ ਨੂੰ ਐੱਸ ਐੱਸ ਪੀਸ੍ਰੀ ਫ਼ਤਿਹਗੜ੍ਹ ਸਾਹਿਬ ਲਾਇਆ ਗਿਆ ਹੈ। ਚੋਣ ਕਮਿਸ਼ਨ ਵੱਲੋਂ ਬਦਲੇ ਗਏ ਐੱਸ ਐੱਸ ਪੀਜ਼ ਵਿੱਚ ਛੇ ਜਣੇ ਪੰਜਾਬ ਪੁਲਸ ਕਾਡਰ ਵਾਲੇ ਅਤੇ ਨਵੇਂ ਲਾਏ ਗਏ ਸਾਰੇ ਜ਼ਿਲ੍ਹਾ ਪੁਲਿਸ ਮੁਖੀ ਆਈਪੀਐੱਸ (ਇੰਡੀਅਨ ਪੁਲਸ ਸਰਵਿਸ) ਕਾਡਰ ਵਾਲੇ ਹਨ।