ਇਸਲਾਮਾਬਾਦ, 18 ਜਨਵਰੀ (ਪੋਸਟ ਬਿਊਰੋ)- ਪਾਕਿਸਤਾਨ ਇੰਟਰਨੈਸ਼ਨਲ ਏਅਰਲਾਈਨਸ (ਪੀ ਆਈ ਏ) ਇੱਕ ਵਾਰ ਫਿਰ ਵਿਵਾਦਾਂ ਵਿੱਚ ਆ ਗਈ ਹੈ। ਇਸ ਵਾਰ ਪਾਕਿਸਤਾਨ ਦੀ ਇਸ ਸਰਕਾਰੀ ਏਅਰਲਾਈਨਸ ਦੇ ਇੱਕ ਪਾਇਲਟ ਨੇ ਸਾਊਦੀ ਅਰਬ ਤੋਂ ਜਹਾਜ਼ ਨੂੰ ਇਸਲਾਮਾਬਾਦ ਲੈ ਜਾਣ ਤੋਂ ਇਨਕਾਰ ਕਰ ਦਿੱਤਾ। ਨਤੀਜਾ ਇਹ ਹੋਇਆ ਕਿ ਯਾਤਰੀ ਦੂਸਰੇ ਮੁਲਕ ਵਿੱਚ ਫਸ ਗਏ। ਇਹ ਮਾਮਲਾ ਐਤਵਾਰ ਦੇਰ ਰਾਤ ਦਾ ਹੈ। ਇਸ ਮੌਕੇ ਏਅਰਲਾਈਨਸ ਕੰਪਨੀ ਨੇ ਕਿਹਾ ਕਿ ਯਾਤਰੀਆਂ ਨੂੰ ਵਾਪਸ ਲਿਆਉਣ ਲਈ ਯਤਨ ਕੀਤੇ ਜਾ ਰਹੇ ਹਨ।
ਵਰਨਣ ਯੋਗ ਹੈ ਕਿ ਪਿਛਲੇ ਸਾਲ ਇਹ ਸਰਕਾਰੀ ਏਅਰਲਾਈਨਸ ਕੰਪਨੀ ਜਾਅਲੀ ਪਾਇਲਟ ਲਾਇਸੈਂਸ ਦੇ ਕੇਸ ਵਿੱਚ ਫਸ ਗਈ ਸੀ। ਇਸ ਦੇਸ਼ ਦੇ ਸਿਵਲ ਏਵੀਏਸ਼ਨ ਮਨਿਸਟਰ ਨੇ ਖੁਦ ਪਾਰਲੀਮੈਂਟ ਵਿੱਚ ਮੰਨਿਆ ਸੀ ਕਿ ਦੇਸ਼ ਦੇ ਚਾਲੀ ਫੀਸਦੀ ਪਾਇਲਟਾਂ ਦੇ ਲਾਇਸੈਂਸ ਜਾਅਲੀ ਹਨ। ਬੀਤੇ ਐਤਵਾਰ ਸਾਊਦੀ ਅਰਬ ਦੀ ਰਾਜਧਾਨੀ ਰਿਆਦ ਤੋਂ ਇਸ ਏਅਰਲਾਈਨ ਦੀ ਫਲਾਈਟ ਨੇ ਟੇਕ-ਆਫ ਕਰਨਾ ਸੀ। ਸਾਰੇ ਯਾਤਰੀ ਆਨਬੋਰਡ ਹੋ ਚੁੱਕੇ ਸਨ। ਇਹ ਫਲਾਈਟ ਇੱਥੋਂ ਟੇਕਆਫ ਕਰਨ ਦੇ ਬਾਅਦ ਸਿੱਧਾ ਇਸਲਾਮਾਬਾਦ ਵਿੱਚ ਲੈਂਡ ਕਰਨੀ ਸੀ। ਜਹਾਜ਼ ਉੱਡਿਆ ਅਤੇ ਇਸ ਦੇ ਬਾਅਦ ਮੌਸਮ ਖਰਾਬ ਹੋ ਗਿਆ। ਇਸ ਕਾਰਨ ਫਲਾਈਟ ਨੂੰ ਦੰਮਾਮ ਸ਼ਹਿਰ ਵਿੱਚ ਲੈਂਡ ਕਰਾਇਆ ਗਿਆ। ਕੁਝ ਦੇਰ ਵਿੱਚ ਮੌਸਮ ਸਾਫ ਹੋ ਗਿਆ, ਪਰ ਇੱਕ ਨਵਾਂ ਹੰਗਾਮਾ ਖੜ੍ਹਾ ਹੋ ਗਿਆ। ਪਾਇਲਟ ਨੇ ਕਿਹਾ ਕਿ ਉਸ ਦੀ ਡਿਊਟੀ ਖਤਮ ਹੋ ਚੁੱਕੀ ਹੈ ਤੇ ਉਹ ਫਲਾਈਟ ਨੂੰ ਇਸਲਾਮਾਬਾਦ ਨਹੀਂ ਲੈ ਜਾਏਗਾ। ਇਸ ਕਾਰਨ ਯਾਤਰੀ ਭੜਕ ਗਏ ਅਤੇ ਉਨ੍ਹਾਂ ਨੇ ਪਲੇਨ ਵਿੱਚੋਂ ਉਤਰਨ ਤੋਂ ਇਨਕਾਰ ਕਰ ਦਿੱਤਾ।ਹੰਗਾਮਾ ਵਧਦੇ ਦੇਖ ਕੇ ਦੰਮਾਮ ਏਅਰਪੋਰਟ ਦੇ ਅਧਿਕਾਰੀਆਂ ਨੇ ਸਕਿਓਰਿਟੀ ਫੋਰਸ ਬੁਲਾਈ ਅਤੇ ਯਾਤਰੀਆਂ ਨੂੰ ਹੇਠਾਂ ਉਤਾਰਿਆ। ਬਾਅਦ ਵਿੱਚ ਪੀ ਐਲ ਏ ਦੇ ਬੁਲਾਰੇ ਨੇ ਕਿਹਾ ਕਿ ਪਾਇਲਟ ਨੂੰ ਡਿਊਟੀ ਚਾਰਟਰ ਦੇ ਹਿਸਾਬ ਨਾਲ ਸਹੀ ਆਰਾਮ ਮਿਲਣਾ ਜ਼ਰੂਰੀ ਹੈ। ਇਹ ਯਾਤਰੀਆਂ ਦੀ ਸੇਫਟੀ ਲਈ ਬੇਹੱਦ ਜ਼ਰੂਰੀ ਹੈ। ਅਸੀਂ ਦੂਸਰੇ ਪ੍ਰਬੰਧ ਕੀਤੇ ਹਨ, ਤਾਂ ਕਿ ਫਲਾਈਟ ਨੂੰ ਇਸਲਾਮਾਬਾਦ ਲਿਆਂਦਾ ਜਾ ਸਕੇ।
ਅਸਲ ਵਿੱਚਪੀ ਐਲ ਏ ਦੀਆਂ ਮੁਸ਼ਕਲਾਂ ਪਿਛਲੇ ਸਾਲ ਜੂਨ ਵਿੱਚ ਸ਼ੁਰੁੂ ਹੋਈਆਂ ਸਨ ਅਤੇ ਓਦੋਂ ਪਾਕਿਸਤਾਨ ਦੇ ਮੰਤਰੀ ਗੁਲਾਮ ਸਰਵਰ ਨੇ ਪਾਰਲੀਮੈਂਟ ਵਿੱਚ ਦੱਸਿਆ ਸੀ ਕਿ ਦੇਸ਼ ਦੇ ਚਾਲੀ ਫੀਸਦੀ ਪਾਇਲਟ ਫਰਜ਼ੀ ਲਾਇਸੈਂਸ ਅਤੇ ਡਿਗਰੀ ਨਾਲ ਨੌਕਰੀ ਕਰ ਰਹੇ ਹਨ। ਇਸ ਦੇ ਬਾਅਦ ਕਈ ਦੇਸ਼ਾਂ ਨੇ ਪੀ ਐਲ ਏ ਦੀਆਂ ਉਡਾਣਾਂ ਦੀਪਾਬੰਦੀ ਲਾ ਦਿੱਤਾ ਸੀ। ਸਭ ਤੋਂ ਵੱਡਾ ਝਟਕਾ ਯੂਰਪੀ ਯੂਨੀਅਨ ਨੇ ਦਿੱਤਾ ਅਤੇ ਸਭ ਤਰ੍ਹਾਂ ਦੇ ਪਾਇਲਟ ਆਪਰੇਸ਼ਨ ਬੰਦ ਕਰ ਦਿੱਤੇ ਸਨ।