ਨਵੀਂ ਦਿੱਲੀ, 10 ਜਨਵਰੀ, (ਪੋਸਟ ਬਿਊਰੋ)- ਭਾਰਤ ਸਰਕਾਰ ਨੇ ਅੱਜ ਸੋਮਵਾਰ ਨੂੰ ਸਾਫ ਕਹਿ ਦਿੱਤਾ ਹੈ ਕਿ ਭਾਰਤ ਵਿੱਚ ਕੋਰੋਨਾ ਵਾਇਰਸ ਦੀ ਤੀਸਰੀ ਲਹਿਰ ਸ਼ੁਰੂ ਹੋ ਚੁੱਕੀ ਹੈ ਤੇ ਇਸ ਦੌਰਾਨ ਮਰੀਜ਼ਾਂ ਦੇ ਹਸਪਤਾਲ ਵਿੱਚ ਭਰਤੀ ਹੋਣ ਦੀ ਦਰ 5 ਤੋਂ ਵਧ ਕੇ 10 ਫੀਸਦੀ ਹੋ ਗਈ ਹੈ। ਸਰਕਾਰ ਨੇ ਇਹ ਵੀ ਕਿਹਾ ਹੈ ਕਿ ਹਾਲਤ ‘ਤੇਜੀ ਨਾਲ ਬਦਲ ਰਹੀ ਹੈ ਤੇ ਇਸ ਲਈ ਹਸਪਤਾਲਾਂ ਦੀ ਲੋੜ ਵਧ ਸਕਦੀ ਹੈ।’ ਅਧਿਕਾਰਤ ਅੰਕੜਿਆਂ ਅਨੁਸਾਰ ਦੂਸਰੀ ਲਹਿਰ ਸਮੇਂ ਹਸਪਤਾਲ ਵਿੱਚ ਦਾਖਲ ਹੋਣ ਦੀ ਦਰ 20-23 ਪ੍ਰਤੀਸ਼ਤ ਦੀ ਰੇਂਜ ਵਿੱਚ ਹੀ ਸੀਮਤ ਰਹੀ ਸੀ।
ਇਸ ਦੌਰਾਨ ਭਾਰਤ ਸਰਕਾਰ ਨੇ ਕੋਵਿਡ-19 ਦੇ ਕੇਸਾਂਵਿੱਚ ਪਿਛਲੀ ਲਹਿਰ ਮੁਕਾਬਲੇ ਵੱਡਾ ਉਛਾਲਾ ਹੋਣ ਦੀ ਚਿਤਾਵਨੀ ਦਿੱਤੀ ਅਤੇ ਕਿਹਾ ਹੈ ਕਿ ਹਰ 100 ਡੈਲਟਾ ਕੇਸਾਂ ਲਈ 400 ਤੋਂ 500 ਓਮੀਕਰੋਨ ਵੇਰੀਐਂਟ ਕੇਸ ਹੋ ਸਕਦੇ ਹਨ। ਅੰਕੜਿਆਂ ਅਨੁਸਾਰ ਦੂਸਰੀ ਲਹਿਰ ਵਿੱਚ ਜਿੱਥੇ 100 ਮਰੀਜ਼ਾਂ ਨੂੰ ਦਾਖ਼ਲ ਕੀਤਾ ਜਾਂਦਾ ਸੀ, ਤੀਸਰੀ ਲਹਿਰ ਹੇਠ125 ਤੋਂ 250 ਮਰੀਜ਼ ਹਸਪਤਾਲ ਆ ਸਕਦੇ ਹਨ।ਇਸ ਵੇਲੇ ਕੋਰੋਨਾ ਦੀ ਤੀਜੀ ਲਹਿਰ ਤੋਂ ਡਰਾਉਣੇ ਅੰਕੜੇ ਆ ਰਹੇ ਹਨ। ਪਿਛਲੇ ਇੱਕ ਹਫਤੇ ਵਿੱਚ ਭਾਰਤ ਵਿੱਚ ਕੋਰੋਨਾ ਮਰੀਜ਼ਾਂ ਦੀ ਗਿਣਤੀ ਤੇਜ਼ੀ ਨਾਲ ਵਧੀ ਹੈ ਅਤੇਐਤਵਾਰ ਤੱਕ ਦੇ ਅੰਕੜਿਆਂਮੁਤਾਬਕਇੱਕੋ ਹਫਤੇ ਵਿੱਚ ਇਹ 6 ਗੁਣਾ ਵਧੀ ਹੈ। ਇਸ ਤੋਂ ਬਿਨਾ ਕੁੱਲ 7 ਦਿਨਾਂ ਵਿੱਚ ਮੌਤਾਂ ਦੀ ਗਿਣਤੀ54 ਫੀਸਦੀ ਵਧ ਗਈ ਹੈ। ਮਾਹਰਾਂ ਦੇ ਅਨੁਸਾਰ ਕੋਰੋਨਾ ਦੀ ਇਹ ਲਹਿਰ ਓਮੀਕਰੋਨ ਵੇਰੀਐਂਟ ਤੋਂ ਆਈ ਹੈ। 3 ਤੋਂ 9 ਜਨਵਰੀ ਦੌਰਾਨ ਭਾਰਤ ਵਿੱਚ ਕੋਰੋਨਾ ਦੇ 7.8 ਲੱਖਕੇਸਮਿਲੇ ਅਤੇ ਪਿਛਲੇ ਹਫ਼ਤੇ ਤੋਂ ਛੇ ਗੁਣਾ ਵੱਧ ਹਨ।ਬੀਤੇ ਹਫ਼ਤੇ ਇਹ ਗਿਣਤੀ 1.3 ਲੱਖ ਸੀ। ਇਸ ਤੋਂ ਪਹਿਲਾਂ 27 ਦਸੰਬਰ ਤੋਂ 2 ਜਨਵਰੀ ਦੌਰਾਨ 2.8 ਗੁਣਾ ਵਾਧਾ ਹੋਇਆ ਸੀ।