ਅਭਿਨੇਤਾ ਵਿੱਕੀ ਕੌਸ਼ਲ ਨਾਲ ਵਿਆਹ ਦੇ ਬਾਅਦ ਅਭਿਨੇਤਰੀ ਕੈਟਰੀਨਾ ਕੈਫ ਫਿਰ ਕੰਮ ਉਤੇ ਮੁੜ ਆਈ ਹੈ। ਉਸ ਨੇ ਫਿਲਮ ‘ਅੰਧਾਧੰੁਨ’ ਫੇਮ ਡਾਇਰੈਕਟਰ ਸ੍ਰੀਰਾਮ ਰਾਘਵਨ ਦੇ ਨਿਰਦੇਸ਼ਨ ਵਿੱਚ ਬਣ ਰਹੀ ਅਗਲੀ ਫਿਲਮ ਦਾ ਅਧਿਕਾਰਕ ਐਲਾਨ ਕੀਤਾ। ਇਸ ਫਿਲਮ ਦਾ ਨਾਂਅ ‘ਮੈਰੀ ਕ੍ਰਿਸਮਸ' ਹੋਵੇਗਾ। ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ ਅਤੇ ਇਸ ਦਾ ਪਹਿਲਾ ਸ਼ਡਿਊਲ ਮੁੰਬਈ ਵਿੱਚ ਸ਼ੂਟ ਕੀਤਾ ਜਾ ਰਿਹਾ ਹੈ।
ਕੈਟਰੀਨਾ ਨੇ ਫਿਲਮ ਦੀ ਟੀਮ ਦੇ ਨਾਲ ਇੰਸਟਾਗ੍ਰਾਮ 'ਤੇ ਤਸਵੀਰ ਸਾਂਝੀ ਕਰਦੇ ਹੋਏ ਇਹ ਜਾਣਕਾਰੀ ਦਿੱਤੀ ਹੈ। ਇਸ ਦੇ ਨਾਲ ਲਿਖਿਆ, ‘ਮੈਰੀ ਕ੍ਰਿਸਮਸ’ ਲਈ ਡਾਇਰੈਕਟਰ ਸ੍ਰੀਰਾਮ ਰਾਘਵਨ ਦੇ ਨਾਲ ਸੈਟ ਉਤੇ ਵਾਪਸੀ ਕਰ ਰਹੀ ਹਾਂ। ਮੈਂ ਹਮੇਸ਼ਾ ਤੋਂ ਸ੍ਰੀਰਾਮ ਸਰ ਨਾਲ ਕੰਮ ਕਰਨਾ ਚਾਹੁੰਦੀ ਸੀ। ਥ੍ਰਿਲਰ ਕਹਾਣੀਆਂ ਦਿਖਾਉਣ ਦੇ ਉਹ ਮਾਸਟਰ ਹਨ ਤੇ ਉਨ੍ਹਾਂ ਵੱਲੋਂ ਨਿਰਦੇਸ਼ਤ ਕੀਤਾ ਜਾਣਾ ਮਾਣ ਦੀ ਗੱਲ ਹੈ। ਵਿਜੈ ਸੇਤੁਪਤੀ ਦੇ ਨਾਲ ਕੰਮ ਕਰਦੇ ਹੋਏ ਬਹੁਤ ਉਤਸ਼ਾਹਤ ਹਾਂ।” ਫਿਲਮ ਵਿੱਚ ਕੈਟਰੀਨਾ ਦੇ ਨਾਲ ਦੱਖਣ ਭਾਰਤੀ ਅਭਿਨੇਤਾ ਵਿਜੈ ਸੇਤੁਪਤੀ ਮੁੱਖ ਭੂਮਿਕਾ ਵਿੱਚ ਹਨ।