ਮਹਿਮਾ ਮਕਵਾਨਾ ਨੇ ਪਿੱਛੇ ਜਿਹੇ ਸਲਮਾਨ ਖਾਨ ਤੇ ਆਯੂਸ਼ ਸ਼ਰਮਾ ਦੀ ਫਿਲਮ ‘ਅੰਤਿਮ : ਦਿ ਫਾਈਨਲ ਟਰੁੱਥ’ ਨਾਲ ਬਾਲੀਵੁੱਡ ਵਿੱਚ ਡ੍ਰੀਮ ਡੈਬਿਊ ਕੀਤਾ ਹੈ। ਇਸ ਦੀ ਰਿਲੀਜ਼ ਤੋਂ ਬਾਅਦ ਉਸ ਨੂੰ ਦਰਸ਼ਕਾਂ ਅਤੇ ਆਲੋਚਕਾਂ ਤੋਂ ਕਾਫੀ ਸ਼ਲਾਘਾ ਮਿਲ ਰਹੀ ਹੈ। ਖੁਦ ਨੂੰ ਮਿਲੀ ਪ੍ਰਸ਼ੰਸਾ ਤੋਂ ਬਹੁਤ ਖੁਸ਼ ਮਹਿਮਾ ਨੇ ਕਿਹਾ, ‘‘ਮੈਂ ਸਾਰਿਆਂ ਤੋਂ ਮਿਲੀ ਪ੍ਰਤੀਕਿਰਿਆ ਤੋਂ ਬਹੁਤ ਖੁਸ਼ ਹਾਂ। ਮੈਨੂੰ ਜੋ ਸੰਦੇਸ਼ ਤੇ ਕਾਲਸ ਮਿਲ ਰਹੀਆਂ ਹਨ, ਉਨ੍ਹਾਂ ਨੇ ਨਾ ਸਿਰਫ ਮੈਨੂੰ ਬਹੁਤ ਖੁਸ਼ੀ ਦਿੱਤੀ ਹੈ, ਸਗੋਂ ਮੇਰਾ ਉਤਸ਼ਾਹ ਵੀ ਵਧਾਇਆ ਹੈ। ਮੈਨੂੰ ਹੋਰ ਜ਼ਿਆਦਾ ਮਿਹਨਤ ਕਰਨ ਨੂੰ ਪ੍ਰੇਰਿਤ ਕੀਤਾ ਹੈ। ਮੈਨੂੰ ਬਹੁਤ ਖੁਸ਼ੀ ਹੈ ਕਿ ਮੈਂ ਆਪਣੇ ਕਿਰਦਾਰ ਨੂੰ ਇਸ ਤਰ੍ਹਾਂ ਨਿਭਾ ਸਕਦੀ ਹਾਂ ਕਿ ਲੋਕ ਮੈਨੂੰ ਨੋਟਿਸ ਕਰ ਰਹੇ ਹਨ। ਮੈਨੂੰ ਜੋ ਪਿਆਰ ਅਤੇ ਸਮਰਥਨ ਮਿਲ ਰਿਹਾ ਹੈ, ਉਹ ਨਿਮਰ ਹੈ ਅਤੇ ਇੱਕ ਸੁਫਨੇ ਦੇ ਸੱਚ ਹੋਣ ਵਰਗਾ ਹੈ।”
ਪਹਿਲੀ ਫਿਲਮ ਬਾਰੇ ਸ਼ੁਰੂਆਤੀ ਘਬਰਾਹਟ ਬਾਰੇ ਮਹਿਮਾ ਦੱਸਦੀ ਹੈ, ‘‘ਮੈਂ ਕਦੇ ਨਹੀਂ ਸੋਚਿਆ ਕਿ ਮੈਂ ਇੰਨਾ ਨਿਡਰ ਤੇ ਮਜ਼ਬੂਤ ਕਿਰਦਾਰ ਨਿਭਾ ਸਕਾਂਗੀ। ਇਹ ਸਲਮਾਨ ਸਰ ਅਤੇ ਆਯੂਸ਼ ਦੇ ਲਗਾਤਾਰ ਸਮਰਥਨ ਦੇ ਬਿਨਾਂ ਸੰਭਵ ਨਹੀਂ ਸੀ। ਮਹੇਸ਼ ਸਰ ਅਤੇ ‘ਅੰਤਿਮ' ਦੀ ਪੂਰੀ ਟੀਮ ਨੂੰ ਧੰਨਵਾਦ।”