ਨਵੀਂ ਦਿੱਲੀ, 6 ਦਸੰਬਰ (ਪੋਸਟ ਬਿਊਰੋ)- ਸਿ਼ਵ ਸੈਨਾ ਦੀ ਪਾਰਲੀਮੈਂਟਮੈਂਬਰ ਪ੍ਰਿਅੰਕਾ ਚਤੁਰਵੇਦੀ ਨੇ ਪਾਰਲੀਮੈਂਟਦੇ ਮਾਨਸੂਨ ਸੈਸ਼ਨ ਦੌਰਾਨ 11 ਹੋਰਾਂ ਨਾਲ ਰਾਜ ਸਭਾ ਤੋਂ ਸਸਪੈਂਡ ਕੀਤੇ ਜਾਣ ਪਿੱਛੋਂਪਾਰਲੀਮੈਂਟਟੀ ਵੀ ਸ਼ੋਅ ਦੇ ਐਂਕਰ ਦੇ ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ ਹੈ। ਉਨ੍ਹਾਂ ਨੇ ਇਸ ਦਾ ਕਾਰਨ ਦੱਸਦੇ ਹੋਏ ਰਾਜ ਸਭਾ ਦੇ ਚੇਅਰਮੈਨ ਵੈਂਕਈਆ ਨਾਇਡੂ ਨੂੰ ਪੱਤਰ ਲਿਖਿਆ ਤੇ ਇਸ ਵਿੱਚਕਿਹਾ, ‘ਬਹੁਤ ਦੁੱਖ ਨਾਲ ਕਿਹਾ ਜਾ ਰਿਹਾ ਹੈ ਕਿ ਮੈਂ ਪਾਰਲੀਮੈਂਟ ਟੀ ਵੀ ਸ਼ੋਅ ‘ਮੇਰੀ ਕਹਾਨੀ’ ਦੀ ਐਂਕਰ ਦਾ ਅਹੁਦਾ ਛੱਡ ਰਹੀ ਹਾਂ। ਮੈਂ ਅਜਿਹੀ ਥਾਂ ਉੱਤੇ ਕੋਈ ਵੀ ਅਹੁਦਾ ਸੰਭਾਲਣ ਲਈ ਤਿਆਰ ਨਹੀਂ ਹਾਂ ਜਿੱਥੇ ਮੇਰਾ ਮੁੱਢਲਾ ਅਧਿਕਾਰ ਖੋਹਿਆ ਜਾ ਰਿਹਾ ਹੋਵੇ। ਸਾਡੇ 12 ਪਾਰਲੀਮੈਂਟ ਮੈਂਬਰ ਮਨਮਰਜ਼ੀ ਨਾਲ ਸਸਪੈਂਡ ਕੀਤੇ ਜਾਣ ਕਾਰਨ ਇਹ ਹੋਇਆ ਹੈ। ਇਸ ਲਈ ਮੈਂ ਇਸ ਸ਼ੋਅ ਦੇ ਜਿੰਨਾ ਨੇੜੇ ਸੀ, ਮੈਨੂੰ ਉਨ੍ਹਾਂ ਦੂਰ ਜਾਣਾ ਪਿਆ।''
ਪ੍ਰਿਅੰਕਾ ਨੇ ਅੱਗੇ ਲਿਖਿਆ ਕਿ ਇਸ ਸਸਪੈਂਸ਼ਨ ਨਾਲ ਮੇਰਾ ਐਮ ਪੀ ਰਿਕਾਰਡ ਵੀ ਖ਼ਰਾਬ ਹੋਇਆ ਹੈ ਅਤੇ ਮੈਨੂੰ ਲਗਦਾ ਹੈ ਕਿ ਬੇਇਨਸਾਫ਼ੀ ਹੋਈ ਹੈ, ਪਰ ਜੇ ਇਹ ਚੇਅਰਮੈਨ ਦੀਆਂ ਨਜ਼ਰਾਂ ਵਿੱਚ ਜਾਇਜ਼ ਹੈ ਤਾਂ ਮੈਨੂੰ ਸਤਿਕਾਰ ਕਰਨਾ ਪਵੇਗਾ। ਵਰਨਣ ਯੋਗ ਹੈ ਕਿ ਅਗਸਤ ਵਿੱਚਪਾਰਲੀਮੈਂਟਦੇ ਪਿਛਲੇ ਮੌਨਸੂਨ ਸੈਸ਼ਨ ਵਿੱਚ ਹੰਗਾਮਾ ਕਰਨ ਤੇ ਸਦਨ ਦੀ ਕਾਰਵਾਈ ਵਿੱਚ ਵਿਘਨ ਪਾਉਣ ਲਈ ਵਿਰੋਧੀ ਧਿਰ ਦੇ 12 ਪਾਰਲੀਮੈਂਟਮੈਂਬਰਾਂ ਨੂੰ ਪੂਰੇ ਸਰਦ ਰੁੱਤ ਸੈਸ਼ਨ ਲਈ ਰਾਜ ਸਭਾ ਵਿੱਚੋਂ ਸਸਪੈਂਡ ਕਰ ਦਿੱਤਾ ਗਿਆ ਸੀ। ਵਿਰੋਧੀ ਧਿਰ ਨੇ ਰਾਜ ਸਭਾ `ਚੋਂ ਮੁਅੱਤਲੀ ਨੂੰ ‘‘ਗ਼ੈਰ-ਲੋਕਤੰਤਰੀ ਅਤੇ ਪ੍ਰਕਿਰਿਆ ਦੇ ਸਾਰੇ ਨਿਯਮਾਂ ਦੀ ਉਲੰਘਣਾ'' ਕਰਾਰ ਦਿੱਤਾ।