ਅਭਿਨੇਤਾ ਵਿੱਕੀ ਕੌਸ਼ਲ ਅਤੇ ਸਾਰਾ ਅਲੀ ਖਾਨ ਡਾਇਰੈਕਟਰ ਲਕਸ਼ਮਣ ਉਟੇਕਰ ਦੀ ਰੋਮਾਂਟਿਕ ਕਾਮੇਡੀ ਫਿਲਮ ਵਿੱਚ ਭੂਮਿਕਾ ਨਿਭਾਉਣ ਲਈ ਤਿਆਰ ਹਨ। ਓਟੇਕਰ ‘ਲੁਕਾ ਛੁਪੀ’ ਅਤੇ ‘ਮਿਮੀ’ ਮਗਰੋਂ ਫਿਲਮਸਾਜ਼ ਦਿਨੇਸ਼ ਵਿਜ਼ਨ ਨਾਲ ਮਿਲ ਕੇ ਤੀਜੀ ਫਿਲਮ ਬਣਾ ਰਹੇ ਹਨ।
ਉਟੇਕਰ ਨੇ ਦੱਸਿਆ, ‘‘ਸਾਡੇ ਨਾਲ ਰੋਮਾਂਟਿਕ ਕਾਮੇਡੀ ਫਿਲਮ ਵਿੱਚ ਵਿੱਕੀ ਅਤੇ ਸਾਰਾ ਹਨ। ਇਹ ਮੱਧ ਪ੍ਰਦੇਸ਼, ਸ਼ਾਇਦ ਉਜੈਨ ਜਾਂ ਗਵਾਲੀਅਰ ਉੱਤੇ ਆਧਾਰਤ ਹੈ। ਇਹ ਮੇਰੀਆ ਪਿਛਲੀਆਂ ਫਿਲਮਾਂ ਵਾਂਗ ਇੱਕ ਛੋਟੇ ਸ਼ਹਿਰ ਦੀ ਪ੍ਰੇਮ ਕਹਾਣੀ ਹੈ, ਜੋ ਸਮਾਜਕ ਸੁਨੇਹਾ ਦਿੰਦੀ ਹੈ।” ਫਿਲਮ ਦੇ ਡਾਇਰੈਕਟਰ ਨੇ ਕਿਹਾ ਕਿ ਉਹ ਆਪਣੇ ਤਾਜ਼ਾ ਪ੍ਰੋਜੈਕਟ ਲਈ ਨਵੀਂ ਜੋੜੀ ਦੀ ਤਲਾਸ਼ ਵਿੱਚ ਸਨ। ਉਨ੍ਹਾਂ ਕਿਹਾ ਕਿ ਫਿਲਮ ਨਵੰਬਰ ਵਿੱਚ ਬਣ ਕੇ ਤਿਆਰ ਹੋ ਜਾਵੇਗੀ। ਵਿੱਕੀ ਆਪਣੀ ਆਉਣ ਵਾਲੀ ਫਿਲਮ ‘ਸਰਦਾਰ ਊਧਮ ਸਿੰਘ’ ਦੀਆਂ ਤਿਆਰੀਆਂ ਵਿੱਚ ਰੁੱਝੇ ਹੋਏ ਹਨ।