ਆਪਣੇ ਦਮਦਾਰ ਅਭਿਨੈ ਤੇ ਭੂਮਿਕਾਵਾਂ ਨਾਲ ਦਰਸ਼ਕਾਂ ਨੂੰ ਮੰਤਰਮੁਗਧ ਕਰਨ ਵਾਲੀ ਅਭਿਨੇਤਰੀ ਵਿਦਿਆ ਬਾਲਨ ਨੇ ਆਪਣੀਆਂ ਭੂਮਿਕਾਵਾਂ ਦੇ ਬਾਰੇ ਪਿੱਛੇ ਜਿਹੇ ਖੁੱਲ੍ਹ ਕੇ ਗੱਲ ਕੀਤੀ ਹੈ। ਉਹ ਕਹਿੰਦੀ ਹੈ, ਅੱਜ ਤੱਕ ਉਸ ਦੇ ਵੱਲੋਂ ਨਿਭਾਏ ਹਰ ਕਿਰਦਾਰ ਨੇ ਉਸ ਨੂੰ ਕੁਝ ਨਾ ਕੁਝ ਸਿਖਾਇਆ ਤੇ ਉਸ ਦਾ ਬਹੁਤ ਕੁਝ ਬਦਲ ਗਿਆ ਹੈ। ਉਸ ਨੇ 2005 ਵਿੱਚ ‘ਪਰਿਣੀਤਾ’ ਨਾਲ ਬਾਲੀਵੁੱਡ ਵਿੱਚ ਸ਼ੁਰੂਆਤ ਕੀਤੀ ਸੀ। ਇਸ ਪਿੱਛੋਂ ਵਿਦਿਆ ਨੇ ‘ਭੂਲ ਭੁਲੱਈਆ’, ‘ਨੋ ਵਨ ਕਿਲਡ ਜੈਸਿਕਾ’, ‘ਦ ਡਰਟੀ ਪਿਕਚਰ’, ‘ਪਾ’, ‘ਕਹਾਣੀ’, ‘ਇਸ਼ਕੀਆ’, ‘ਮਿਸ਼ਨ ਮੰਗਲ’, ‘ਤੁਮਹਾਰੀ ਸੁੱਲੂ’ ਅਤੇ ‘ਸ਼ਕੰੁਤਲਾ ਦੇਵੀ’ ਵਰਗੀਆਂ ਫਿਲਮਾਂ ਵਿੱਚ ਆਪਣੇ ਕੰਮ ਨਾਲ ਪ੍ਰਸ਼ੰਸਕਾਂ ਦਾ ਮਨੋਰੰਜਨ ਕੀਤਾ ਹੈ।
ਨਵੀਂ ਰਿਲੀਜ਼ ਫਿਲਮ ‘ਸ਼ੇਰਨੀ’ ਵਿੱਚ ਵਿਦਿਆ ਨੇ ਇੱਕ ਇਮਾਨਦਾਰ ਫਾਰੈਸਟ ਅਫਸਰ ਦੀ ਦਮਦਾਰ ਭੂਮਿਕਾ ਨਿਭਾਈ ਹੈ। ਇਹ ਪੁੱਛੇ ਜਾਣ ਉੱਤੇ ਕਿ ਕੀ ਉਹ ਆਪਣੇ ਚਰਿੱਤਰ ਤੋਂ ਕੁਝ ਹਾਸਲ ਕਰਦੀ ਹੈ ਜਾਂ ਉਹ ਉਨ੍ਹਾਂ ਨੂੰ ਕਿਸੇ ਵੀ ਤਰ੍ਹਾਂ ਸਿਖਾਉਂਦੇ ਹਨ, ਵਿਦਿਆ ਨੇ ਕਿਹਾ, ‘‘ਹਾਂ ਬਿਲਕੁਲ। ਇਹ ਅਜਿਹਾ ਹੈ ਜਿਵੇਂ ਤੁਸੀਂ ਕਿਸੇ ਹੋਰ ਵਿਅਕਤੀ ਦੇ ਨਾਲ ਗੱਲਬਾਤ ਕਰਨ ਦੇ ਬਾਅਦ ਹਮੇਸ਼ਾ ਕੁਝ ਉਸ ਤੋਂ ਸਿੱਖਦੇ ਹੋ। ਸ਼ੂਟਿੰਗ ਦੌਰਾਨ ਤੁਸੀਂ ਉਸ ਕਿਰਦਾਰ ਨਾਲ ਜੁੜ ਜਾਂਦੇ ਹੋ। ਤੁਸੀਂ ਇੱਕ, ਦੋ ਜਾਂ ਕਦੇ ਕਦੇ ਛੇ ਮਹੀਨੇ ਦੇ ਲਈ ਉਸੇ ਦੇ ਹੋ ਕੇ ਰਹਿ ਜਾਂਦੇ ਹੋ। ਇਸ ਲਈ ਕਿਸੇ ਕਿਰਦਾਰ ਤੋਂ ਪ੍ਰਭਾਵਤ ਨਾ ਹੋਣਾ ਕਾਫੀ ਮੁਸ਼ਕਲ ਹੈ।” ਉਨ੍ਹਾਂ ਨਤੀਜਾ ਕੱਢਿਆ ਕਿ ਮੈਂ ਲਗਭਗ ਚਾਰ ਤੋਂ ਛੇ ਮਹੀਨੇ ਤੱਕ ਇੱਕ ਹੀ ਕਿਰਦਾਰ ਦੇ ਨਾਲ ਜੁੜੀ ਰਹਿੰਦੀ ਹਾਂ। ਇਸ ਲਈ ਉਸ ਚਰਿੱਤਰ ਨੂੰ ਖੁਦ ਉੱਤੇ ਪ੍ਰਭਾਵ ਨਾ ਪੈਣ ਦੇਣਾ ਮੁਸ਼ਕਲ ਹੈ। ਮੈਨੂੰ ਲੱਗਦਾ ਹੈ ਕਿ ਕਦੇ-ਕਦੇ ਤੁਸੀਂ ਇਹ ਸਪੱਸ਼ਟ ਕਰ ਸਕਦੇ ਹੋ ਕਿ ਪਾਤਰਾਂ ਨੇ ਤੁਹਾਡੇ ਜੀਵਨ ਨੂੰ ਕਿਵੇਂ ਛੂਹਿਆ ਜਾਂ ਤੁਹਾਨੂੰ ਬਦਲ ਦਿੱਤਾ ਅਤੇ ਕਦੇ-ਕਦੇ ਤੁਸੀਂ ਨਹੀਂ ਕਰ ਸਕਦੇ ਮੇਰੇ ਲਈ ਇਹ ਹਮੇਸ਼ਾ ਬਦਲਦਾ ਰਹਿੰਦਾ ਹੈ।