ਵੁਹਾਨ, 4 ਅਗਸਤ (ਪੋਸਟ ਬਿਊਰੋ) : 2019 ਦੇ ਅੰਤ ਵਿੱਚ ਜਿਸ ਥਾਂ ਤੋਂ ਕੋਵਿਡ-19 ਮਹਾਂਮਾਰੀ ਦੀ ਸ਼ੁਰੂਆਤ ਹੋਈ ਸੀ ਇੱਕ ਵਾਰੀ ਫਿਰ ਇਹ ਸ਼ਹਿਰ ਚਰਚਾ ਵਿੱਚ ਹੈ।ਵੁਹਾਨ ਸ਼ਹਿਰ ਵਿੱਚ ਡੈਲਟਾ ਵੇਰੀਐਂਟਸ ਦੀ ਆਊਟਬ੍ਰੇਕਸ ਕਾਰਨ ਚੀਨ ਨੇ ਫਲਾਈਟਸ ਤੇ ਟਰੇਨਜ਼ ਰੱਦ ਕਰ ਦਿੱਤੀਆਂ ਹਨ, ਪ੍ਰੋਫੈਸ਼ਨਲ ਬਾਸਕਿਟਬਾਲ ਲੀਗ ਗੇਮਜ਼ ਵੀ ਰੱਦ ਕਰ ਦਿੱਤੀਆਂ ਗਈਆਂ ਹਨ ਤੇ ਵੁਹਾਨ ਵਿੱਚ ਮਾਸ ਕਰੋਨਾਵਾਇਰਸ ਟੈਸਟ ਕੀਤੇ ਜਾ ਰਹੇ ਹਨ।
ਹਾਲਾਂਕਿ ਅਜੇ ਕੋਵਿਡ-19 ਕੇਸਾਂ ਦੀ ਗਿਣਤੀ ਸੈਂਕੜਿਆਂ ਵਿੱਚ ਹੀ ਹੈ ਪਰ ਇਹ ਕਾਫੀ ਦੂਰ ਤੱਕ ਫੈਲੇ ਹੋਏ ਹਨ। ਇਹੋ ਹਾਲ 2020 ਦੇ ਸ਼ੁਰੂ ਵਿੱਚ ਇਸੇ ਸ਼ਹਿਰ ਤੋਂ ਉਦੋਂ ਹੋਇਆ ਸੀ ਜਦੋਂ ਕੋਵਿਡ-19 ਦਾ ਪਹਿਲਾ ਮਾਮਲਾ ਇੱਥੇ ਮਿਲਣ ਤੋਂ ਚੰਦ ਦਿਨਾਂ ਦੇ ਅੰਦਰ ਹੀ ਇਹ ਵਾਇਰਸ ਪੂਰੀ ਦੁਨੀਆ ਵਿੱਚ ਫੈਲ ਕੇ ਮਹਾਂਮਾਰੀ ਦਾ ਰੂਪ ਧਾਰਨ ਕਰ ਗਿਆ ਸੀ।
ਚੀਨ ਵਿੱਚ ਮਹਾਂਮਾਰੀ ਦਾ ਸਫਾਇਆ ਨਹੀਂ ਹੋਇਆ ਪਰ ਵੱਡੀ ਪੱਧਰ ਉੱਤੇ ਚੀਨ ਨੇ ਕੋਵਿਡ-19 ਉੱਤੇ ਕਾਬੂ ਪਾ ਲਿਆ ਸੀ। ਇਸ ਲਈ ਤੇਜ਼ੀ ਨਾਲ ਲਾਏ ਗਏ ਲਾਕਡਾਊਨ ਤੇ ਮਾਸ ਪੱਧਰ ਉੱਤੇ ਕੀਤੀ ਗਈ ਟੈਸਟਿੰਗ ਬਚਾਅ ਦਾ ਮਾਧਿਅਮ ਰਹੀ ਸੀ। ਇਸ ਵਾਰੀ ਕੇਸ ਚੀਨ ਦੇ 33 ਪ੍ਰੋਵਿੰਸਾਂ ਤੇ ਰੀਜਨਜ਼ ਵਿੱਚੋਂ 17 ਦੇ 35 ਸ਼ਹਿਰਾਂ ਵਿੱਚ ਸਾਹਮਣੇ ਆਉਣ ਦੀ ਪੁਸ਼ਟੀ ਹੋਈ ਹੈ। ਇਸ ਵਾਰੀ ਘਰ ਘਰ ਜਾ ਕੇ ਕੋਵਿਡ-19 ਮਾਮਲਿਆਂ ਲਈ ਟੈਸਟ ਕੀਤੇ ਜਾ ਰਹੇ ਹਨ।