ਟੋਕੀਓ, 2 ਅਗਸਤ (ਪੋਸਟ ਬਿਊਰੋ)- ਇਟਲੀ ਦੇ ਲੇਮੰਟ ਮਾਰਸੇਲ ਜੈਕਬਜ਼ ਨੇ ਕੱਲ੍ਹ ਟੋਕੀਓ ਉਲੰਪਿਕ ਦੀ ਫਰਾਟਾ ਦੌੜ ਵਿੱਚ 9.8 ਸੈਕਿੰਡ ਦੇ ਸਮੇਂ ਨਾਲ ਸੋਨ ਤਗਮਾ ਜਿੱਤ ਕੇ ਤੇਜ਼ ਦੌੜਾਕ ਦਾ ਨਾਮਣਾ ਖੱਟਿਆ ਹੈ।
ਅਸਲ ਵਿੱਚ ਇਟਲੀ ਨੇ ਪਹਿਲੀ ਵਾਰ 100 ਮੀਟਰ ਦੌੜ ਵਿੱਚ ਸੋਨ ਤਗਮਾ ਜਿੱਤਿਆ ਹੈ। ਦੌੜ ਵਿੱਚਹੋਰ ਕੋਈ ਜਿੱਤ ਦਾ ਵੱਡਾ ਦਾਅਵੇਦਾਰ ਨਹੀਂ ਸੀ, ਪਰ ਜੈਕਬਜ਼ ਨੇ ਪਹਿਲਾਂ ਸਥਾਨ ਜਿੱਤ ਕੇ ਹੈਰਾਨ ਕਰ ਦਿੱਤਾ। ਉਨ੍ਹਾਂ ਨੇ ਅਮਰੀਕਾ ਦੇ ਫੈਡ ਕਰਲੇ ਅਤੇ ਕੈਨੇਡਾ ਦੇ ਆਂਦਰੇ ਡਿਗ੍ਰਾਸੇ ਨੂੰ ਪਿੱਛੇ ਛੱਡ ਕੇ ਸੋਨ ਤਗਮਾ ਹਾਸਲ ਕੀਤਾ ਹੈ। ਜੈਕਬਜ਼ ਦੀ ਜਿੱਤ ਤੋਂ ਕੁਝ ਮਿੰਟ ਪਹਿਲਾਂ ਉਨ੍ਹਾਂ ਦੇ ਦੇਸ਼ ਦੇ ਜਿਨਯਾਮਾਰਕੋ ਟਾਂਬਰੀ ਅਤੇ ਕਤਰ ਦੇ ਉਚੀ ਛਾਲ ਵਾਲੇਅਥਲੀਟ ਮੁਤਾਜ ਅਸਾ ਬਾਰਸ਼ਿਪ ਇੱਕੋ ਜਿਹੀ ਛਾਲ ਨਾਲ ਬਰਾਬਰੀ ਉੱਤੇ ਰਹੇ, ਜਿਸ ਕਾਰਨ ਦੋਵਾਂ ਨੂੰ ਸੋਨ ਤਗਮੇ ਮਿਲੇ। ਸੰਨਿਆਸ ਲੈ ਚੁੱਕੇ ਉਸੇਨ ਬੋਲਟ ਨੇ ਪਿਛਲੇ 13 ਸਾਲ ਇਸ ਮੁਕਾਬਲੇ ਵਿੱਚ ਆਪਣਾ ਦਬਦਬਾ ਬਣਾਇਆ ਹੋਇਆ ਸੀ।