ਦੁਬਈ, 2 ਅਗਸਤ (ਪੋਸਟ ਬਿਊਰੋ)- ਈਰਾਨ ਦੇ ਆਹੁਦਾ ਛੱਡ ਰਹੇ ਰਾਸ਼ਟਰਪਤੀ ਨੇ ਕੱਲ੍ਹ ਆਪਣੇ ਲੋਕਾਂ ਕੋਲ ਮੰਨਿਆ ਕਿ ਅੱਠ ਸਾਲਾਂ ਦੇ ਰਾਜ ਦੌਰਾਨ ਦੇਸ਼ ਨੂੰ ਕਈ ਵਾਰ ‘ਸੱਚ ਦਾ ਹਿੱਸਾ ਨਹੀਂ ਦੱਸਿਆ ਗਿਆ।' ਉਹ ਇਸ ਸਮੇਂਅਹੁਦਾ ਛੱਡਰਹੇ ਹਨ, ਜਦ ਦੁਨੀਆ ਦੇ ਸ਼ਕਤੀਸ਼ਾਲੀ ਦੇਸ਼ਾਂ ਨਾਲ ਉਨ੍ਹਾਂ ਦੇ ਸਮੇਂਹੋਇਆ ਐਟਮੀ ਸਮਝੌਤਾ ਅੱਧ ਵਿਚਾਲੇ ਅਟਕਿਆ ਹੈ ਅਤੇ ਪੱਛਮੀ ਦੇਸ਼ਾਂ ਦੇ ਨਾਲ ਤਣਾਅ ਬਣਿਆ ਹੋਇਆ ਹੈ।
ਰਾਸ਼ਟਰਪਤੀ ਹਸਨ ਰੂਹਾਨੀ ਦੀਆਂ ਟਿੱਪਣੀਆਂ ਸਰਕਾਰੀ ਟੈਲੀਵਿਜ਼ਨ ਉੱਤੇ ਪ੍ਰਸਾਰਿਤ ਕੀਤੀਆਂ ਗਈਆਂ। ਕੋਰੋਨਾ ਵਾਇਰਸ ਮਹਾਮਾਰੀ ਤੋਂ ਲੈ ਕੇ ਦੇਸ਼ ਵਿੱਚ ਸੋਕਾ ਪੈਣ ਤੱਕ ਬੀਤੇ ਮਹੀਨਿਆਂ ਵਿੱਚ ਉਨ੍ਹਾਂ ਦੀ ਸਰਕਾਰ ਨੂੰ ਆਲੋਚਨਾਵਾਂ ਦਾ ਸਾਹਮਣਾ ਕਰਨਾ ਪਿਆ ਸੀ। ਐਟਮੀ ਸਮਝੌਤਿਆਂਦੇ ਲਈ ਨਾਕਾਮੀਆਂ ਬਾਰੇ ਈਰਾਨ ਦੇ ਸਭ ਤੋਂ ਵੱਡੇ ਧਾਰਮਿਕ ਨੇਤਾ ਆਇਤੁੱਲ੍ਹਾ ਅਲੀ ਖੂਮੈਨੀ ਦੀਆਂ ਆਲੋਚਨਾਵਾਂ ਦੇ ਕੁਝ ਦਿਨ ਬਾਅਦ ਰੂਹਾਨੀ ਦੀ ਟਿੱਪਣੀ ਉਨ੍ਹਾਂ ਦੀ ਸਰਕਾਰ ਦੇ ਸਾਹਮਣੇ ਆਈਆਂ ਸਮੱਸਿਆਵਾਂ ਪੇਸ਼ ਕਰਦੀ ਹੈ। ਰਾਸ਼ਟਰਪਤੀ ਦੇ ਤੌਰ ਉੱਤੇ ਆਪਣੀ ਆਖਰੀ ਬੈਠਕ ਵਿੱਚ ਰੂਹਾਨੀ ਨੇ ਕਿਹਾ ਕਿ ਅਸੀਂ ਲੋਕਾਂ ਨੂੰ ਜੋ ਦੱਸਿਆ, ਉਹ ਹਕੀਕਤ ਦੇ ਉਲਟ ਨਹੀਂ ਸੀ, ਸਗੋਂ ਅਸੀਂ ਉਨ੍ਹਾਂ ਨੂੰ ‘ਸੱਚਾਈ ਦਾ ਕੁਝ ਹਿੱਸਾ ਨਹੀਂ ਦੱਸਿਆ’, ਕਿਉਂਕਿ ਮੈਂ ਇਸ ਨੂੰ ਠੀਕ ਨਹੀਂ ਸੋਚਿਆ ਅਤੇ ਡਰ ਸੀ ਕਿ ਇਸ ਨਾਲ ਕੌਮੀ ਏਕਤਾ ਨੂੰ ਨੁਕਸਾਨ ਪਹੁੰਚੇਗਾ।