ਇਸਲਾਮਾਬਾਦ, 1 ਅਗਸਤ (ਪੋਸਟ ਬਿਊਰੋ)- ਪਾਕਿਸਤਾਨ ਵਿੱਚ ਬਲਾਤਕਾਰ ਦੇ ਵਧਦੇ ਕੇਸਾਂ ਬਾਰੇ ਨੈਸ਼ਨਲ ਅਸੈਂਬਲੀ ਵਿੱਚ ਮਹਿਲਾ ਮੈਂਬਰਾਂ ਨੇ ਮੋਰਚਾ ਖੋਲ੍ਹ ਦਿੱਤਾ ਹੈ। ਉਨ੍ਹਾਂ ਨੇ ਬਲਾਤਕਾਰ ਕਰਨ ਵਾਲਿਆਂ ਨੂੰ ਚੌਰਾਹੇ ਉੱਤੇ ਫਾਂਸੀ ਦੇਣ ਦੀ ਮੰਗ ਨਾਲ ਅਜਿਹੇ ਕੇਸਾਂ ਦੀ ਸਮੀਖਿਆ ਲਈ ਪਾਰਲੀਮੈਂਟਰੀਕਮੇਟੀ ਬਣਾਉਣ ਦੀ ਵੀ ਮੰਗ ਕੀਤੀ ਹੈ।
ਪਿੱਛੇ ਜਿਹੇ ਸਾਬਕਾ ਡਿਪਲੋਮੈਟ ਸ਼ੌਕਤ ਮੁਕਦਮ ਦੀ ਧੀ ਨੂਰ ਮੁਕਦਮ ਦੀ ਹੱਤਿਆ ਉਸ ਦੇ ਇੱਕ ਦੋਸਤ ਨੇ ਕਰ ਦਿੱਤੀ ਸੀ, ਜਿਸ ਕਾਰਨ ਇਨ੍ਹਾਂਪਾਰਲੀਮੈਂਟਮੈਂਬਰਾਂ ਨੇ ਸਦਨ ਵਿੱਚ ਏਦਾਂ ਦੀ ਮੰਗ ਕੀਤੀ ਹੈ। ਨੂਰ ਮੁਕਦਮ ਦਾ ਕਤਲ ਇਸਲਾਮਾਬਾਦ ਦੇ ਪਾਸ਼ ਇਲਾਕੇ ਦੇ ਇੱਕ ਵੱਡੇ ਬਿਜ਼ਨਸਮੈਨ ਦੇ ਬੇਟੇ ਨੇ ਕੀਤਾ, ਜੋ ਪੁਲਸ ਹਿਰਾਸਤ ਵਿੱਚ ਹੈ। ਅਸੈਂਬਲੀ ਵਿੱਚ ਆਵਾਜ਼ ਉਠਾਉਣ ਵਾਲੀਆਂ ਪਾਰਲੀਮੈਂਟਮੈਂਬਰਔਰਤਾਂਵਿੱਚ ਦੇਸ਼ ਦੀ ਹਾਕਮ ਪਾਰਟੀ ਪਾਕਿਸਤਾਨ ਤਹਿਰੀਕ-ਏ-ਇਨਸਾਫ (ਪੀ ਟੀ ਆਈ), ਪਾਕਿਸਤਾਨ ਮੁਸਲਿਮ ਲੀਗ-ਨਵਾਜ਼ (ਪੀ ਐਮ ਐਲ-ਐਨ) ਅਤੇ ਪਾਕਿਸਤਾਨ ਪੀਪੁਲਸ ਪਾਰਟੀ (ਪੀ ਪੀ ਪੀ) ਆਦਿ ਸ਼ਾਮਲ ਹਨ।ਵਿਰੋਧੀ ਧਿਰ ਪੀ ਐਮ ਐਲ ਦੀ ਸੈਯਦਾ ਨੌਸ਼ੀਨ ਇਫਤੇਖਾਰ ਨੇ ਕਿਹਾ ਹੈ ਕਿ ਅਸੀਂ 69 ਮਹਿਲਾ ਪਾਰਲੀਮੈਂਟਮੈਂਬਰਾਂ ਬਲਾਤਕਾਰ ਦੇ ਕੇਸਾਂ ਵਿੱਚ ਤੁਰੰਤ ਇਨਸਾਫ ਅਤੇ ਦੋਸ਼ੀ ਨੂੰ ਜਨਤਕ ਤੌਰ ਉੱਤੇ ਫਾਂਸੀ ਦੇਣ ਦੀ ਮੰਗ ਕਰਦੀਆਂ ਹਾਂ। ਪ੍ਰਧਾਨ ਮੰਤਰੀ ਇਮਰਾਨ ਖਾਨ ਦੀ ਪਾਰਟੀ ਦੀ ਮਹਿਲਾ ਪਾਰਲੀਮੈਂਟਮੈਂਬਰ ਆਸਾਂ ਕਾਦਿਰ ਨੇ ਕਿਹਾ ਕਿ ਜੇ ਪਾਕਿਸਤਾਨ ਨੂੰ ਚਲਾਉਣਾ ਹੈ ਤਾਂ ਬਲਾਤਕਾਰਅਤੇ ਕਤਲ ਦੇ ਦੋਸ਼ੀਆਂ ਨੂੰ ਜਨਤਕ ਤੌਰ ਉੱਤੇ ਫਾਂਸੀ ਦੀ ਸਜ਼ਾ ਦੇਣੀ ਹੋਵੇਗੀ। ਉਥੇ ਔਰਤ ਪਾਰਲੀਮੈਂਟਮੈਂਬਰਾਂ ਦੇ ਸਮਰਥਨ ਵਿੱਚ ਰਾਈਟ ਵਿੰਗ ਦੀ ਪਾਰਟੀ ਜਮਾਤ-ਏ-ਇਸਲਾਮੀ ਦੇ ਅਕਬਰ ਤ੍ਰਿਪਾਲੀ ਅੱਗੇ ਆਏ ਅਤੇ ਕਿਹਾ ਕਿ ਬਲਾਤਕਾਰਕਰਨ ਵਾਲਿਆਂ ਅਤੇ ਕਾਤਲਾਂ ਨੂੰ ਜਨਤਕ ਤੌਰ ਉੱਤੇ ਫਾਂਸੀ ਉੱਤੇ ਲਟਕਾਉਣਾ ਚਾਹੀਦਾ ਹੈ।