ਟੋਰਾਂਟੋ, 27 ਜੁਲਾਈ (ਪੋਸਟ ਬਿਊਰੋ) : ਹਰੇਕ ਰੈਜ਼ੀਡੈਂਟ ਨੂੰ ਵੈਕਸੀਨੇਟ ਕਰਨ ਲਈ ਕੀਤੀਆਂ ਜਾ ਰਹੀਆਂ ਕੋਸਿ਼ਸ਼ਾਂ ਦੇ ਤਹਿਤ ਅੱਜ ਦੋ ਮਸ਼ਹੂਰ ਟੂਰਿਸਟ ਡੈਸਟੀਨੇਸ਼ਨਜ਼ ਉੱਤੇ ਕੋਵਿਡ-19 ਕਲੀਨਿਕ ਕਾਇਮ ਕੀਤੇ ਜਾ ਰਹੇ ਹਨ।
ਯੂਨਿਟੀ ਹੈਲਥ ਨੇ ਈਟਨ ਸੈਂਟਰ ਨਾਲ ਹੱਥ ਮਿਲਾ ਕੇ ਅੱਜ ਡਾਊਨਟਾਊਨ ਸਥਿਤ ਇਸ ਮਾਲ ਉੱਤੇ ਪੌਪ ਅੱਪ ਕਲੀਨਿਕ ਦਾ ਆਯੋਜਨ ਕੀਤਾ ਹੈ। ਟੋਰਾਂਟੋ ਦਾ ਕੋਈ ਵੀ ਵਾਸੀ ਜੋ ਕਿ 12 ਸਾਲ ਤੇ ਇਸ ਤੋਂ ਵੱਡਾ ਹੈ ਤੇ ਜਿਸ ਨੂੰ ਕੋਵਿਡ-19 ਵੈਕਸੀਨ ਦਾ ਪਹਿਲਾ ਜਾਂ ਦੂਜਾ ਸ਼ੌਟ ਚਾਹੀਦਾ ਹੈ ਉਹ ਇਸ ਮਾਮਲੇ ਵਿੱਚ ਯੋਗ ਹੈ। ਇਹ ਕਲੀਨਿਕ ਸਵੇਰੇ 9:00 ਵਜੇ ਤੋਂ ਦੁਪਹਿਰ ਦੇ 3:00 ਵਜੇ ਤੱਕ ਆਪਰੇਟ ਕੀਤਾ ਜਾਵੇਗਾ ਤੇ ਜਾਂ ਫਿਰ ਜਦੋਂ ਤੱਕ ਸਪਲਾਈ ਹੋਵੇਗੀ ਉਦੋਂ ਤੱਕ ਆਪਰੇਟ ਕੀਤਾ ਜਾਵੇਗਾ।
ਜਿਹੜੇ ਲੋਕਾਂ ਵੱਲੋਂ ਦੂਜੀ ਡੋਜ਼ ਲਈ ਬੁਕਿੰਗ ਕਰਵਾਉਣੀ ਹੋਵੇਗੀ ਉਨ੍ਹਾਂ ਨੂੰ 21 ਦਿਨ ਪਹਿਲਾਂ, ਪਹਿਲੀ ਡੋਜ਼ ਐਮ ਆਰ ਐਨ ਏ (ਫਾਈਜ਼ਰ ਜਾਂ ਮੌਡਰਨਾ) ਦੀ ਲੱਗੀ ਹੋਣੀ ਜ਼ਰੂਰੀ ਹੈ ਜਾਂ ਐਸਟ੍ਰਾਜ਼ੈਨੇਕਾ ਦੀ ਪਹਿਲੀ ਡੋਜ਼ ਅੱਠ ਹਫਤੇ ਪਹਿਲਾਂ ਲੱਗੀ ਹੋਣੀ ਜ਼ਰੂਰੀ ਹੈ।
ਸਕਾਰਬੌਰੋ ਦੇ ਕੋਵਿਡ ਵੈਕਸੀਨ ਕਲੀਨਿਕ ਵੱਲੋਂ ਸਿੱਕ ਕਿੱਡਜ਼ ਨਾਲ ਰਲ ਕੇ ਟੋਰਾਂਟੋ ਦੇ ਜ਼ੂ ਵਿੱਚ ਪੌਪ ਅੱਪ ਕਲੀਨਿਕ ਲਈ ਮੁਫਤ ਟਿਕਟਾਂ ਦਾ ਇੰਤਜ਼ਾਮ ਕੀਤਾ ਗਿਆ ਹੈ। ਇਹ ਪੌਪ ਅੱਪ ਕਲੀਨਿਕ ਸ਼ਾਮੀਂ 4:00 ਵਜੇ ਤੋਂ 7:00 ਵਜੇ ਤੱਕ ਚਲਾਇਆ ਜਾਵੇਗਾ। ਇੱਥੇ ਜ਼ੂ ਵਿੱਚ ਦਾਖਲਾ ਮੁਫਤ ਹੋਵੇਗਾ ਤੇ ਫਰਸਟ ਤੇ ਸੈਕਿੰਡ ਡੋਜ਼ ਲਵਾਉਣ ਵਾਲਿਆਂ ਲਈ ਪਾਰਕਿੰਗ ਮੁਫਤ ਹੋਵੇਗੀ। ਇਸ ਕਲੀਨਿਕ ਵਿੱਚ ਫਾਈਜ਼ਰ ਵੈਕਸੀਨ ਲਾਈ ਜਾਵੇਗੀ ਤੇ 12 ਸਾਲ ਤੇ ਇਸ ਤੋਂ ਵੱਧ ਉਮਰ ਦੇ ਲੋਕ ਇੱਥੇ ਟੀਕਾਕਰਣ ਕਰਵਾ ਸਕਣਗੇ।