ਛੋਟੇ ਪਰਦੇ ਉੱਤੇ ਆਪਣੀ ਐਕਟਿੰਗ ਦੇ ਨਾਲ ਜਾਦੂ ਬਿਖੇਰ ਚੁੱਕੀ ਬਿਗ ਬੌਸ 14 ਦੀ ਜੇਤੂ ਅਭਿਨੇਤਰੀ ਰੂਬੀਨਾ ਦਿਲੈਕ ਅੱਗੋਂ ਵੱਡੇ ਪਰਦੇ ਉੱਤੇ ਡੈਬਿਊ ਕਰਨ ਵਾਲੀ ਹੈ। ਉਹ ਮਿਊਜ਼ਿਕ ਕੰਪੋਜ਼ਰ ਤੋਂ ਨਿਰਦੇਸ਼ਨ ਦੇ ਖੇਤਰ ਵਿੱਚ ਕਦਮ ਰੱਖਣ ਜਾ ਰਹੇ ਪਲਾਸ਼ ਮੁੱਛਲ ਦੀ ਫਿਲਮ ਵਿੱਚ ਨਜ਼ਰ ਆਏਗੀ, ਜਿਸ ਦਾ ਨਾਂਅ ‘ਅਰਧ’ ਹੈ। ਇਸ ਫਿਲਮ ਰੂਬੀਨਾ ਦੇ ਨਾਲ ਐਕਟਿਰ ਹਿਤੇਨ ਤੇਜਵਾਨੀ ਅਤੇ ਰਾਜਪਾਲ ਯਾਦਵ ਵੀ ਨਜ਼ਰ ਆਉਣਗੇ।
ਦੱਸਿਆ ਜਾ ਰਿਹਾ ਹੈ ਕਿ ਫਿਲਮ ਦੀ ਸ਼ੂਟਿੰਗ ਸਤੰਬਰ 2021 ਵਿੱਚ ਸ਼ੁਰੂ ਹੋਵੇਗੀ। ਦੱਸਣਾ ਬਣਦਾ ਹੈ ਕਿ ਰੂਬਾਨੀ ਦਿਲੈਕ ਨੇ ਐਕਟਿੰਗ ਵਿੱਚ ਆਉਣ ਤੋਂ ਪਹਿਲਾਂ ਮਿਸ ਸ਼ਿਮਲਾ 2006 ਅਤੇ ਮਿਸ ਨਾਰਥ ਇੰਡੀਆ 2008 ਬਿਊਟੀ ਪੇਜੈਂਟ ਜਿੱਤਿਆ ਸੀ। ਉਸ ਨੇ ਸਾਲ 2008 ਵਿੱਚ ਟੀ ਵੀ ਸੀਰੀਅਲ ‘ਛੋਟੀ ਬਹੂ' ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਰੂਬੀਨਾ ਨੂੰ ਟੀ ਵੀ ਸੀਰੀਅਲ ‘ਸ਼ਕਤੀ’ ਨਾਲ ਜਬਰਦਸਤ ਲੋਕਪ੍ਰਿਅਤਾ ਮਿਲੀ। ਇਸ ਸੀਰੀਅਲ ਵਿੱਚ ਉਸ ਨੇ ਕਿੰਨਰ ਦਾ ਕਿਰਦਾਰ ਨਿਭਾ ਕੇ ਲੋਕਾਂ ਦਾ ਦਿਲ ਜਿੱਤਿਆ ਸੀ। ਉਹ ‘ਸਾਸ ਬਿਨਾਂ ਸਸੁਰਾਲ’, ‘ਜਿਨੀ ਅਤੇ ਜੁਜੂ’, ‘ਦੇਵੋਂ ਕੇ ਦੇਵ ਮਹਾਦੇਵ’ ਅਤੇ ‘ਪੁਨਰਵਿਵਾਹ-ਏਕ ਨਈ ਉਮੀਦ’ ਵਰਗੇ ਟੀ ਵੀ ਸੀਰੀਅਲਾਂ ਵਿੱਚ ਕੰਮ ਕਰ ਚੁੱਕੀ ਹੈ।