ਅਭਿਨਤੇਰੀ ਕਿਆਰਾ ਅਡਵਾਨੀ ਜਲਦੀ ਹੀ ਸਿਧਾਰਥ ਮਲਹੋਤਰਾ ਨਾਲ ਫਿਲਮ ‘ਸ਼ੇਰਸ਼ਾਹ’ ਵਿੱਚ ਆਉਣ ਵਾਲੀ ਹੈ। ਇਹ ਫਿਲਮ ਕਾਰਗਿਲ ਵਾਰ ਦੇ ਹੀਰੋ ਪਰਮਵੀਰ ਚੱਕਰ ਜੇਤੂ ਸ਼ਹੀਦ ਕੈਪਟਨ ਵਿਕਰਮ ਬੱਤਰਾ ਦੀ ਬਾਇਓਪਿਕ ਹੈ। ਫਿਲਮ ਦੇ ਟੀਜ਼ਰ ਅਤੇ ਰਿਲੀਜ਼ ਡੇਟ ਦੇ ਬਾਅਦ ਫਿਲਮ ਤੋਂ ਕਿਆਰਾ ਅਡਵਨੀ ਦਾ ਫਸਲ ਲੁੱਕ ਵੀ ਸਾਹਮਣੇ ਆਇਆ ਹੈ। ਫਿਲਮ ਦੇ ਨਵੇਂ ਪੋਸਟਰ ਵਿੱਚ ਕਿਆਰਾ ਅਡਵਾਨੀ ਸਿਧਾਰਥ ਮਲਹੋਤਰਾ ਦਾ ਹੱਥ ਫੜੀ ਬੈਠੀ ਨਜ਼ਰ ਆ ਰਹੀ ਹੈ। ਇਸ ਪੋਸਟਰ ਨੂੰ ਸ਼ੇਅਰ ਕਰਦੇ ਹੋਏ ਕਿਆਰਾ ਨੇ ਕੈਪਸ਼ਨ ਵਿੱਚ ਲਿਖਿਆ, ‘‘ਜੋ ਵਾਅਦੇ ਸਭ ਤੋਂ ਵੱਧ ਮਾਇਨੇ ਰੱਖਦਾ ਹੈ ਉਹ ਦੋ ਦਿਲਾਂ ਵਿੱਚ ਹੈ ਅਤੇ ਇਹ ਕਹਾਣੀ ਅਜਿਹੇ ਹੀ ਵਾਅਦਿਆਂ ਨੂੰ ਦਿਖਾਉਂਦੀ ਹੈ, ਜੋ ਪੂਰੀ ਜ਼ਿੰਦਗੀ ਅਤੇ ਜ਼ਿੰਦਗੀ ਦੇ ਬਾਅਦ ਵੀ ਨਿਭਾਏ ਜਾਂਦੇ ਹਨ।” ਇਸ ਫਿਲਮ ਵਿੱਚ ਕਿਆਰਾ ਅਡਵਾਨੀ ਕੈਪਟਨ ਵਿਕਰਮ ਬੱਤਰਾ ਦੀ ਮੰਗੇਤਰ ਡਿੰਪਲ ਚੀਮਾ ਦੇ ਕਿਰਦਾਰ ਵਿੱਚ ਨਜ਼ਰ ਆਏਗੀ। ਵਿਕਰਮ ਬੱਤਰਾ ਅਤੇ ਡਿੰਪਲ ਦਾ ਰਿਲੇਸ਼ਨ ਕੇਵਲ ਚਾਰ ਸਾਲ ਦਾ ਸੀ।
ਕੈਪਟਨ ਦੇ ਸ਼ਹੀਦ ਹੋਣ ਮਗਰੋਂ ਡਿੰਪਲ ਨੇ ਜ਼ਿੰਦਗੀ ਭਰ ਵਿਆਹ ਨਾ ਕਰਨ ਦੀ ਕਸਮ ਖਾ ਲਈ। ਇਸ ਫਿਲਮ ਵਿੱਚ ਕੈਪਟਨ ਵਿਕਰਮ ਬੱਤਰਾ ਦੀ ਪੂਰੀ ਕਹਾਣੀ ਦਿਖਾਈ ਜਾਏਗੀ। ਫਿਲਮ ਵਿੱਚ ਸਿਧਾਰਥ ਮਲਹੋਤਰਾ ਅਤੇ ਕਿਆਰਾ ਅਡਵਾਨੀ ਲੀਡ ਰੋਲ ਵਿੱਚ ਹਨ, ਸ਼ਿਵ ਪੰਡਿਤ, ਰਾਜ ਅਰਜੁਨ, ਪ੍ਰਣਯ ਪਚੌਰੀ, ਹਿਮਾਂਸ਼ੁ ਅਸ਼ੋਕ ਮਲਹੋਤਰਾ, ਨਿਕਿਤਿਨ ਧੀਰ, ਅੰਕਿਤਾ ਗੋਰਾਇਆ, ਅਨਿਲ ਚਰਨਜੀਤ, ਸਾਹਿਲ ਵੈਦ, ਸ਼ਾਤਾਫ ਫਿਗਰ ਅਤੇ ਪਵਨ ਚੋਪੜਾ ਪ੍ਰਮੁੱਖ ਭੂਮਿਕਾਵਾਂ ਵਿੱਚ ਹਨ। ਇਹ ਫਿਲਮ 12 ਅਗਸਤ ਨੂੰ ਅਮੇਜ਼ਨ ਪ੍ਰਾਈਮ ਉੱਤੇ ਰਿਲੀਜ਼ ਹੋਵੇਗੀ।