ਦੋ ਡਾਕਟਰਾਂ ਦੀ ਗੱਲਬਾਤ:
ਪਹਿਲਾ, ‘‘ਭਰਾ ਮੈਂ ਤੇਰੀ ਤਾਰੀਫ ਕਰਦਾ ਹਾਂ ਜੋ ਤੂੰ ਸ਼ਾਮ ਦੇ ਸਮੇਂ ਵੀ ਇੰਨਾ ਚੁਸਤ ਤੇ ਤਾਜ਼ਾ ਨਜ਼ਰ ਆਉਂਦਾ ਹੈ। ਮੈਂ ਤਾਂ ਦਿਨ ਭਰ ਆਪਣੇ ਮਰੀਜ਼ਾਂ ਦਾ ਹਾਲ ਸੁਣਦੇ-ਸੁਣਦੇ ਸ਼ਾਮ ਤੱਕ ਥੱਕ ਜਾਂਦਾ ਹਾਂ।”
ਦੂਜਾ, ‘‘ਤੂੰ ਵੀ ਮੇਰੀ ਤਰ੍ਹਾਂ ਉਨ੍ਹਾਂ ਦੀਆਂ ਗੱਲਾਂ ਧਿਆਨ ਨਾਲ ਸੁਣਨੀਆਂ ਬੰਦ ਕਰ ਦੇਹ, ਤਾਜ਼ਾ ਰਹੇਂਗਾ।”
*********
ਪ੍ਰਵੀਨ, ‘‘ਜਿੱਥੇ ਵੀ ਮੈਂ ਪੈਸੇ ਰੱਖਦੀ ਹਾਂ, ਪੱਪੂ ਕਿਸੇ ਵੀ ਤਰ੍ਹਾਂ ਚੋਰੀ ਕਰ ਲੈਂਦਾ ਹੈ। ਮੇਰੀ ਸਮਝ ਵਿੱਚ ਨਹੀਂ ਆਉਂਦਾ ਪੈਸੇ ਲੁਕੋ ਕੇ ਕਿੱਥੇ ਰੱਖਾਂ?”
ਪਤੀ, ‘‘ਤੂੰ ਪੈਸੇ ਉਸ ਦੀਆਂ ਸਕੂਲ ਦੀਆਂ ਕਿਤਾਬਾਂ ਵਿੱਚ ਲੁਕੋ ਕੇ ਰੱਖਿਆ ਕਰ, ਕਿਉਂਕਿ ਉਹ ਆਪਣੀਆਂ ਕਿਤਾਬਾਂ ਨੂੰ ਕਦੇ ਹੱਥ ਹੀ ਨਹੀਂ ਲਾਉਂਦਾ।”
*********
ਮਾਲਕ ਆਪਣੇ ਮਕਾਨ ਦੇ ਤਾਜ਼ਾ ਬਣੇ ਚਿਕਨੇ ਫਰਸ਼ ਉੱਤੇ ਤਿਲਕ ਕੇ ਡਿੱਗ ਗਿਆ। ਇਹ ਦੇਖ ਕੇ ਨੌਕਰ ਨੂੰ ਹਾਸਾ ਆ ਗਿਆ ਤਾਂ ਆਪਣੀ ਸ਼ਰਮ ਨੂੰ ਮਿਟਾਉਂਦੇ ਹੋਏ ਮਾਲਕ ਨੇ ਨੌਕਰ ਨੂੰ ਝਿੜਕਿਆ, ‘‘ਹੱਸਦਾ ਕਿਉਂ ਏਂ?”
ਨੌਕਰ, ‘‘ਮਾਲਕ, ਮੈਂ ਤਾਂ ਇਸ ਗੱਲ ਲਈ ਖੁਸ਼ੀ ਮਨਾ ਰਿਹਾ ਸੀ ਕਿ ਤੁਹਾਨੂੰ ਸੱਟ ਨਹੀਂ ਲੱਗੀ।”